●» وٺبقےٰ ملامح‘ ضحـگٺي .. فيها علاماٺ الألم ♣

أبشرك خلصو ما بقو عندي هواي

كل اللي مشتريهم رخصو بيـّة

أصافحهم وأحس بأطراف إديهم غيض

كاتل منهم وما دافع الديـّة

بسد نظراتهم دفنو شكثر أنياب

وأقول يجوز كانت عن حسن نيـّة

ويمر طاريي ويذكرون لي الشينات

وأصد الغيبة تسمي اللي تنوكل نيـّة

وآنة اللي كنت أظل واقف بالإستعداد

من أسمع عزيز يفوت طاريـّة

حسبالي العدد بيه ثمرة من إيزود

وعن قلة الواحد تفرق الميــة

بس تالي إدركت طين القلوب أصناف

والعشرة الطويلة إتريد نوعيــة

~

عرفتلهـة وإتعلمت ما أزاعل اللي يرحون

ولا عالباب أظل متاني ليليـة

من شفت الحلم ينوخذ مو عاللون

بعد بطلت أضم أحلام ورديـة

الناس إختلفت وظهرك إتجيه وين

إذا ما تلكـة حايط تكعد بفيـّة

لهسة وما أعرف عايش وياهم ليش

وإيذوب الثلج بس ينكوي شوية

حتة جروحي من عدهم خذتهن شوق

أبد ما حسستهم بيهة منيـّة

من سألوني صح قالو إنطوك جروح

لا، قلت للشماتة إنطوني عيديـة

شايف من تجيك الطعنة من أحباب

هيج جروحك تحس بيهة روحية

إتصور تبتدي تشتاق للجتال ، إذا كف اللي تطعنك بيهة حنية

المهم عاذرهم وكل اللي بقن سهلات

أنة الجرف اللي يسامح روج شاطيـّة

حتة من إنجرح ما دام همة بخير

آنــة بخير يعني وكل شي ما بيــّة

للموصل رجعت وما كدرت أحمل زعلهـة

قبل لا تنجرح وإيضيع أملهـة

رجعلتهة ومن وراية حجاية الناس ، وتحملت العواقب من أجلهة

عفت جروح عندي وياهن أسرار ، وما عارف جروحي اللي رايحلهة

رحت محتار مثل اللي ماشي للموت ، تآيـه والجدام إتريد أدلهة

رحت شايل قلب من ينبض إيخاف ، وخطوات التردد يستحلهة

رحتلهة لأن مو آني اللي إيبيع ، وزلات المقابل يستغلهة

رجعلتهة ولو بس اللي يحب هيج ، أسئلة الضعف ما يلكة حلهة

ومن إيبيع روحة علة السجاجين ، من طعنات ظهرة إينزلهة

رجعلتهة ضوة شارد بلا خيط ، قلت ما أريد يوصل قبلي ظلهة

ردت أوصل فبل لا عينهة إتفيض ، وقبل لا قطرة تنزل من كحلهة

~

تخيلت من إجيهة إكبالي شتكول ، وإذا دمعت يمي إيش راح أكلهة

كدرت إبتسامتهة علة ملكاي ، وبديت أرسم علة الواهس شكلهة

بنيت ظنون بيض إبليلة الخوف ، وموتت الوساوس قبل أجلهة

إبتسامة شفتي الغركانة بالخوف ، كدرت أرجع من الموت أنتشلهة

رجعلتهة نهر شاربني الفراق ، وإنطيت الليالي دموعي كلهة

و أنة ما بية أضوك الموت مرتين ، وحجاية الشامت مو حملهة

أخذتلهة سوالف صوغة وياي ، بس ما أعرف من أوصل إيش أكلهة

ومقابل صوتهة ولحظة هوى وشوق ، عن راحة البال أتنازل إلهة

رجعت وكون ما راجع إتمنيت ، وقلت ياريت لو ما واصل إلهة

فهمت طيبتي وكف الصلح ثآر ، وإتصورت راجع حتة أذلهة

~

بعد ما أجيب جرحي إتروفة إلية إردود ، أنة إستجمعت حيلي وبالصبر رفتة

أمر وإتشوفني شلونة الوكت وياي ، مامهموم وأضحك والحزن عفتة

ما خليت إلك خيط أمل تترجاه ، دفض حتة الخيال من الجفن شلتة

وضعف روحي بإيدي جريت أمثل بيه ، كدام اللي يضدك للصلب جبته

من أتشوفني تعرفني لا والله مو ذاك الغشيم اللي من قبل شفتة

كبالك غير واحد بيه شبه من ذاك ، ما يشبه هذاك اللي بيه جرح عفتة

مُرة التجربة اللي مريت بيهة وياك ، مُرة وعلمتني وحنظلة اللي ضكتة

ولو خسران ، بس الله يعوض اللي راح عمر راح بعشرتك وانتهة بوكتة

عفتك دونما تسمعلي وقع أقدام ، ما تحجي الشموع وينطفن سكتة

~

عفتك دونما تسمعلي وقع أقدام ، ما تحجي الشموع وينطفن سكتة

عرض كدامي ظلي وعطلت ممشاي ، حاجيتة ونصحتة ومن رفض بِستة

وظل حلمك بعيني علة الجفن مطروح ، كذاب اللي يكلك من رحت جستة

ولإن ما ردت شي منك يظل تذكار ، ما ردتة بحياتي وعالخلك سنتة

منو اللي ياخذ حلم ، من ينطي زآيد بيه ، حلم كولش جديد وما إستعملته

أبيعة لغير وآحد مثل ما سويت ، وياي وحنينك للغُرب بعتة

~

عفتك دونما تسمعلي وقع أقدام ، ما تحجي الشموع وينطفن سكتة

مثل سجينتك راح أنسحب بهداي ، حتة أترك حياتك وأطلع بسكتة

بلا ما تشعر ويكسر قرار الشوق ، وأرجعلك وأكول إتسرعت خذتة

ردت ينباك جرحي ورصعت بيه مآس ، ردت أنوي الحرامي ومن رفض لمتة

انة الطير اللي نزل للطُعم من حطيت ، روحك للضحية ومن نزل صدتة

ترك لأجلك سما وراويتة المجازاة ، من قصيت جنحة وللقفص جبتة

~

هآ يا أبو الليل الطويل ، صاحي بعدك

ما نمت وية القصآيد ملتهي ، لو غفيت من شفت ليلك بعد ما ينتهي

خلصت الرحلة الطويلة ، بعد ما تجمعنة ليلة ، عينة وعينك بعد ما يلتقن

هآ يا أبو الليل الطويل ، صاحي بعدك

ما نمت وية القصآيد ملتهي ، لو غفيـت

~

حتة لو بالجسد ما ظلت حيآة ، إنتة روحك غافية بنهر الفرات

كل الأحلام البعيدة ، إتلوحهـة بكف القصيدة

هـآ يا أبو الليل الطويل ، صاحي بعدك

لو غفـيت

~