ضحگتـي فيهـآإ [ غ‘ـمووض ] ودمعتـي فيهـآإ [ غ‘ـرآبـه ] ..!!

تقيماااات الأعضاء لشطحة ام حرفين و نقطه ( 2 )

هادئة وكيوت كمان> هيونة ع غفلة >> آمزح

ايوه ياختي عندك إعتراض لاسمح لله ..

جميع خالاتي يقولوا عني كذا

و ما يدرون بالمصايب اللي عندي

ههههههههههههههههه طبعا هذا العضوو كأنه انا اول ما عرفتك صدق لو قالوا الي ما يعرف ما يقدرك بعد انا عرفت انك تاجرة للحشييش من زمان وشي اخر شوف التواضيع يا رباآآآآااه ربي يحفظك يالكيووت يأم حرفين ونقطة يالعاشقة يا سارقة الاسماء

اوووه مو بس تاجرة إلا كبيرة التجار

اللحين حدد [ كيوت ] ولا [ سارقة الأسماء ]

الإثنين مع بعض ما تجي مررره

أقولها من الآخر أنا كيووووووت ..

شفت كيف الثقه

ههههههههههههههههههه قالت براءة قالت البراءة وين والحشيش وين هلا اكتشفت انك موهبة فذة في الشاعرية يِ الشاعرة ههههههه

ايوه بريئه عندك اعتراض ..

شفتوا كيف اللي يقدر شاعريتي

شكراً لك

اذكر مشرفة قسم التقارير كان اسمها " عاشقة لوسي " وش كان اسمك حينها ؟ طبعا الحين غيرت اسمها

ايوه هذه حبيبت قلبي سومي

وقتها غيرت اسمي و قالت تبغى تستعير إسمي .. ووافقت

كان اسمي وقتها [ star queen ]

## شطحات أم حرفين و نقطه

مرره كنت طالعه للسوق مع امي و أخوي تقريباً قبل يومين

عاد السوق مرره زحمه يعني لو أضيع عن أمي و أخوي ما راح ألقاهم

المهم

و إحنا ماشين بالسوق دخلنا ثلاث محلات ما أعجبنا .. مالقيت اللي على ذوقي

عاد فيه محل أعجبني مرره و دخلته قلت أبغى أشوف وش عنده بسرعه و أطلع لأمي و أخوي

و عاد صار إني قعدت بالمحل و صرت أسأل عن الأسعار و أخذني الوقت و انا ما انتبهت

المهم يوم شفت الحاجه اللي أحبها وجيت أشتريها

تذكرت إني ما قلت لأمي أنا داخله للمحل و هنـا ضيعتهم

عاد وين أدورهم و ين ألقاهم

شفت واحد من بعيد يشبه أخوي توقعته إنه هو نفسه

جيت متحمسه له و أمسك كتفه و أقوله أخيراً لقيتك وين .. ما كملت كلمتي إلا ويطالع فيني

طلع الرجال هذا مو أخوي .. أنا ما أدري و ين أودي وجهي و ين أروح من قوة الإحراج

وهو راح عارف إني غلطانه
المهم رجعت للسياره جلست أنتظرهم و أنا دمعتي على خدي من الموقف اللي صار

بعدها جات أمي و هي معصبه عليّ لأني ضيعتهم

و أخوي جلس يحقق معي يوم عرف السالفه ضحك عليّ و جلس يتشمت فيني

لي باااااك للرد على التقييمااات بإذن الله

##التقييمات الجديده لشطحة أم حرفين ونقطة ( 1 )

والله لو أنا مكان هيَ وحدة مـِن الثنتيـن يا اسوي نفسي ما منتبه واتصل على اي حد أو ابدأ ابكي مـِن قووة الإحراج وهذي المتوقعه أكثر xD

المشكله ما تقدرين تصرفينها لو إيش

أنا كنت ببكي و الله .. بس يقولك ديره ماهي ديرتك إعمل فيها كل شيء

هذه القاعده خلتني محششه

.................................................

## الرد على تقييم [ Kirito Kun ]

ههههههههههه لا ينفع عادي سارقة اسسماء وكيوت معا تعرفي والله تيهت وينها تقييماتي عشان اعرف شو رديتي عليها الله يديم هالحملة والابتسامة كأني ساطبقها في مدونتي تنفع والله بالتوفيق ي الشاعرة ي المبدعة ي الفنانة ي ام حرفين ونقطة

لا لا لا مررره ما ينفع ..

اوووه تقييماتك كثيره ما شاء الله .. [ اللهم زد وبارك ]

آمين .. عقبال ما نشوفك تطبق الحمله بمدونتك

شكراً شكراً لا داعي لاداعي

تقيماااات الأعضاء لشطحة ام حرفين و نقطه ( 3 )

هههههههههههههههههههههههههههههههههههه يخلف علي وعليك انا مرة ضربت واحد مع ظهرة ع بالي انه اخوي المسكين شكلة بالعناية راح وقتها

اووووووه مسكين اللي طاح بيدك ..

انتي ضربتيه بإيش .. الظاهر ساطور

شكلك تتعاطين نفس الصنف حقي

وشرايك نصير أخوات

تستاهلي ..

هين لاتخليني أدعي عليك يصيرلك نفس الموقف

من قوة الاحراج حسيت فيه و انا أقرا

هذا وانت ولد .. عاد كيف البنت

وربي أليييييمه

هذا منو ؟ هذا الحلو •¦ من نظرة دوخني وعلقني بشباكه •¦ ابي اكلمو وكيف اوصلو •¦ لآ في هذا الموقف لآزم آبارك لك, رومانسيه ع الاخر

أي رومانسيه الله يصلحك

أنا ما كنت قاصده ولا كنت عارفه ..

المهم حصل خير

هههههههههههههههههههههههههههههههه الحلقة تبع اليوم من البرنامج العالمي رائعة والله ما انقهرت على شي غير انك ما اشتريتي الي اعجبك ههههه يشبه موقف لي ايضا صار مع امرآة خلتها امي لما كنا ماششين واخووك يتشمت بانتظار الاخرى

صارت حلقه و أنا ما أدري

وربي شيء يقهر

شكراً لتفاعلك معي

## التقييمااات الجديده للشطحاات

ههههههههه بلا ينفع مشييها هالمرة الله يزيدهن ان شاء الله هههههههه لا داعي للتصفيق | بقت 5 مشاركات لا تنسي وما تذكريني اذا نسيتي اخليك تمسحي كم مشاركة عشان الصورة

إن شاء الله

لو الششغلة فيهـآ خخرآب دول, فديتك وفديت ضضحكتك وغموضك و غرآبتك , وآصصلي بآقي لك ششوي وتصيري خرآبه بيوت كثر الحشيش

هههههههههههه لبى قلبك

اوووووه هدامة بيوت

يسلمووووو ي عسل

بلا حلقات وبرنامج - بس بشريني اشتريتي هذاك الشي الي عجبك بعدها ولا لا

ابشرك الحمدلله إشتريته

ههههه ما يحتاج تدعي انا واحد من أصحابي خال و كمان واحد من المدرسين خال ،،انا لمن شفت الاستاد من ورا حسبتو صاحبي و ضربتو على ظهرو بالقوة و قلتلو يا خال (طبعاً خويي يتقبل) المهم الاستاد ألتفت وقالي مين الخال ؟..بس الحمد الله سامحني في النهاية

إحمد ربك ما جاك كف معه ملف أخضر هديه مجانية

لا بس الظاهر بدعي عليك يصير معك نفس الموقف بس مع بنت

هههههههههههههـ و الله قصصك هذي خرافيه تشبه كثير و تقريبا طبق الاصل لقصص اختي الراحلة كانت مثلك في هذي المواقف هههههه عجبتني القصة + لا تذكري اسمي ^^

يب يب تصير كثير معنا

الله يرحمها ويتغمد روحها الجنه يارب

شكراً لتفاعلك معي

قبل لا أرد على التقييماات الجديده

أحب أشكر المشرف المتميز [ Kirito Kun ] على اللقطة الرائعة



شكراً جزيلاً لك

## حلقة نقاشات أم حرفين ونقطه

طيب أنا بخصص الرد هذا للنقاش في موضوع خارج عن أمور المنتدى يعني ما يخص الأنمي

و أتمنى تفاعل الجميع

الموضوع راح يكون عن [ تسمية الأبناء بأسماء الجد أو البنات بأسماء الجده ]

السؤال :. هل تعتقد ان تسمية الاحفاد باسماء الاجداد يعد تكريما لهم؟ وهل تحب ان يسمى حفيدك بمثل اسمك ؟ وما رأيك بهذا الموضوع ؟

أتمنى التفاعل و النشر إن أمكن ليشارك الجميع

## الرد على أجوبة النقاااش

ραѕѕєяву

بالنسبة لي عادي لو كان إسم الجد مايضر بالولد أو البنت ويجعله محط سخرية للناس تعرفين بعض الأسماء القديمة عندنا تخلي الواحد يخجل من إسمه طبعاً الأسماء مافيها شي حتى لو قديمة لكن مع تطور الزمن وتقدمه بعض العقليات تتغير وتستحي من أسماء أجدادها ^^

حلو

لكن بعض الأسماء القديمه عندما تراها على الصغار إنت بنفسك راح تنتقد إسمه

يعني أنا شفت ولد صغير إسمه [ ظويهر ] على إسم جده

بالله هذا إسم يتسمى به طفل صغير .. صحيح بعض الناس تقول عادي

لكن في عصرنا هذا أصبح أمر مُخجل جداً التسميه بمثل هذه الأسماء

بل بعضهم ربما ينتقد الإسم امام الطفل عندما يصل سن الإدراك فسيصيب الطفل تعقيد من الإسم

بل ربما يصل به إلى كُره أبيه لأنه سماه على هذا الإسم او كره جده



S i l v ε r

ع حسب الأهل لكن بجد في اسماء غريبه يعني قديمه ما تقدري تسمي بها العيال مثلا ( مشعه ) هههههه بالله هذا اسم *^*

أحياناً تكون إختيارات الأهل صائبة ورائعه و أحياناً تكون إختياراتهم خاطئه للإسم

و أحياناً يكون الإختيار من نصيب الجد و الجده



Mr.ɈȌŝȄf

أنا أشوف أنو يعد تكريم لهم لئنو تسمية المولود شي مو صغير .. لكن مآ أبغى حفيد يكون له نفس أسمي ..

و أنا أشوف إنه ما يُعد تكريم لأن الضحيه سيكون المولود إذا كبر

ربما يتعقد من الإسم بسبب سخرية أبناء أقاربه أو أصدقائه .. إلخ

و إنت وش إسمك عشان نحكم عليه هو حلو ولا لا


к ι я ι т σ - к υ η

يا هلا بالبرنامج الجديد انا لا اوفق فكرة تسمية الابناء على اسماء الجد يعني كل واحد يعيش حياته وفيه بعض الاسماء للاجداء لا تسمى فما يصير الشخص يتسمى بها بالنسبة لي عادي لو سموا حفيدي باسمي لان بنسبة كبيرة راح يسمونه بدون النظر الى اسم الجد

اضافة للتقيم لان ذاك ما كفى << اذا كان لي حفيد اصلا وهذا بالنهاية لا يعد تكريم

كلامك كان حلو لكن بالأخير خربتها ..

Mr.ɈȌŝȄf

يب هنآ المشكلة لكن اذا كان الاسم حلو زي اسمي عادي ~>كف .. و بالعكس يمكن يصير الاسم حلو يعني لو حفيدي اسمو زي اسمي راح يكون "يوسف فلان يوسف" هوة صح يضحك لكن راح يكون راح يكون مميز نوعاً ما بسبب تكرار الاسم ..

مميز .. لكن الضحية راح يكون الولد ..

إحنا لو نفكر بمشاعرهم إذا كبروا كان تركنا هالعادة

ѕнιяσ чαѕнα

على حسب الاسم ^^ اذا كان من الاسماء اللي عفى عنها الزمن لا ما اوافق ^^" لأنه اشبه بالظلم لما ينادى عليه وهو بعمر 10 سنين بأسم عمره 100 سنه ، وتسمية الاحفاد بأسماء الجد بأعتقادي تخلي الجد يفرح ويحس بأهتمام ابنه ومحبته له وتقديره له

كلام رائع

.................................................. ....................................

شكراً لجميع من تفاعل معي

## شطحات أم حرفين ونقطه

طبعـاً عندنا نظام طبقوه بشهر رمضان

وهو نظام الباصات الخاصة بشركة [ سابتكو ] تودينا للمسجد النبوي

بحيث إنها خففت عنا الزحمه وريحت اللي يبغى يروح للحرم من المشوار الطويل و من هم البحث عن موقف

المهم

أخوي دايم يروح للحرم يفطر بالحرم و يرجع بعد المغرب

و طرح عليّ فكرة إني أخاويه للحرم و أفطر هنااك مع الحريم بالحرم

عااد يومها تأخرت لأني كنت أجهز القهوة و الشاي آخذه معي للحرم

و صار إني تأخرت في تحضيره و أخوي كان واقف على رأسي من اليوم يقول تأخرنا على الباصات

المهم الباصات عندها نظام قبل الصلاة بـ [ 20 ] دقيقه توقف ما توصل أحد للحرم

ركبت السياره مع أخوي وهو مسرع يبغى يلحق الباصات قبل يقفلون

صار إنه الشارع اللي يودي للباصات زحمه .. هنا توترت أعصاب أخوي وجلس يصارخ و أنا أهديه

يوم وصلنا للباصات كان باقي على الآذان ربع ساعه و لقينا الباصات مقفله

قالوا ما تتحرك الباصات غير بعد المغرب .. هنا تورطنا كيف نروح للحرم

لكن آخرتها أفطرنا بالسياره أنا و أخوي و حلف المره الجايه ما يوديني

تبـاً للباصات ما قفلوا غير يوم جيت

تقيماااات الأعضاء لشطحة ام حرفين و نقطه ( 4 )

к ι я ι т σ - к υ η

ههههههههههههههههههههه آخرتي اخووك عن الباآص وراحت عليه لكن مو من حقه ما ياخذك معه لازم ياخذك معه خيرها في غيرها ان شاء الله تروحين تفطري بالحرم

هو لازم يأخذني .. لكن من حقه كمان يعصب عليّ لأني أخرته

أبشرك رحت للحرم اليوم مع أبوي و رجعت مع أخوي

القائد كاكاشي

اولا شكرا على السرد الجميل لهذه القصة ثانيا اخذتي انتي واخوك الاجر بالنية فبارك الله فيكما ثالثا قولي لاخوك يوديكي للحرم مرة ثانية ورح يوديكي لانه طبعا من كلامك طيب القلب رابعا شكرا لك

العفو أخوي ^^

الحمدلله على كل حال

فعلاً قال النبي صلى الله عليه وسلم [ إنما الأعمال بالنيات .. إلخ الحديث ]

ايوه الحمدلله .. وربي طيب وقلبه أبيض

العفو .. وشكراً لك على التفاعل معي

мємσяу

ههههههههههه احس أنوا اخوكِ مظلوم في البيت..... الله يديم المحبه بينكم

لا أبشرك مو مظلوم .. يأخذ حقه وزياده كمان

لكن انا المظلومه بالبيت مو هو ..

اللهم آمين وياااك ي عسل

мαєѕтяσ

هههههههههههههههههههههههههههههههههههههه xD ألقاه ألحين يقول أنا الملقوف اللي عرضت عليها xDD

يمكن ليش لا

Mr.ɈȌŝȄf

اما عاد في نظام كدا اول مرة أسمع بيلو .. عوافي عوافي .. بس والله الفطور في الحرم له احساس مرة حلو .. وخصوصا لمن يكون من البيك ..

الحمدلله هذه أكبر نعمه أنعمها الله علينا أهل المدينة

فعلاً فطور الحرم له إحساس رائع جداً

اللحين وش دخّل البيك بالحرم .. بس يالله نمشيها

دائما متفائل

شفتها فكرتها حلوة وتسهل النقل للجميع | ههههههه دائما تتأخرن

الحمدلله وربي تسهل الأمور علينا

لا مو دائماً نتأخر ..


كيـمـزهرة الكرزــو~♥

هههه ان شاء الله تكون خيره ^^ أختي

إن شاء الله

к ι я ι т σ - к υ η

انا قلت مو من حقه ما ياخذك بس ما قلت ما يعصب لازم يعصب مثل ما قال عزيزي متفائل دائما تتاخرن اهاا شي حلوو الحمد لله انك رحتي لهناك والف عافية الله يحفظهم لك اخوك وابوك

لا ما نتأخر ..

الله يعافيك .. آمين ويااك