لا تَعيشوا لِأنَفْسكم ِفَقَط .. بَل إحْمِلِوا هَمّ " الدين " ..!

اللي قيموني شكرا لكم بحجم كل شي ربي يخليكم مرتاحين دايم

في نقطه كمان غير الكسل في اني احط الصور

وهي اني ما أعرف احطها بحجم مناسب

يعني لو حطيتها باسلوبي القديم ومن الجوال

بتطلع كبر راسي

فعشان كذا الكسل بيكون سبب مقنع لي

مره وحده الانستقرام اسهل لا تصغير ولا شي

لا وكمان تضبيط الصوره منه وفيه

الحب

ماهو الذي بالأعلى ؟

كتبت وكتبت ولم اجد كلماتي لائقه لتوفي بمعنى الحب
فاقتبست كلام للدكتور
محمد الحضيف في روايته.. ديمي حب أول
لانه حقا اوفى بالمعنى





لم يعل الإسلام شيئا مثلما أعلى من شأن الحب ،
حتى أنه ربطه بالرب سبحانه وتعالى وجعل الله عز وجل ،
هو الغاية التي ينتهي إليها الحب ،
أيا كان نوعه . الإسلام حينما فعل ذلك ،
أراد أن يجرد الحب من كل رباط محسوس ،
ومن كل رغبة ، أو شهوة بشرية آنية ،
تتلاشى لحظة تحققها ، ليجعله متصلا بالله مباشرة .
فالحب فيه سبحانه ، أسمى درجات الحب ،
ولا يتحقق إيمان بشر ، إذا لم يحب الله والرسول صلى الله وعليه وسلم ،
ولا يتحقق إيمانه .. كاملا ، إذا لم يحب لأخيه المسلم ، ما يحب لنفسه .
كل حب في الإسلام ، غايته الحب في الله .
وحينما يؤكد الإسلام على هذا الجانب ،
فإنه يهدف إلى تجاوز المادي إلى الروحاني ..
و الأرضي إلى العلوي السماوي .
لان المادي والأرضي ينتهيان إلى الفناء ،
أما الروحاني والعلوي فمصيرهما الخلود .
المال يفنى ، والجسد يبلى ، والمكانة الاجتماعية تزول .
لأن الحب طبيعته هكذا ، يقاوم عوامل الفناء ،
هو يتجدد باستمرار .. لانه يستمد حياته من الذات العليا ،
التي هي مصدر الخلود .
من طبيعة المادي أنك حينما تمتلكه تزهد فيه ،
ألسنا نشتهي الطعام اللذيذ ، وحينما نملكه .. نمله ونزهد فيه .
السنا نعشق الجمال ، فإذا ما أدركناه تطلعنا لآخر غيره .
اما.. حسن التعامل ، الأدب ، الأخلاق ، الرحمة ، التعاون .
إذا ما وجدناها في إنسان تعلقنا به ،
و كلما أزداد تمثلا لهذه الخصال ، زاد تمسكنا به .
..
الحب من هذا النوع يتجاوز الجسد .. ليعانق الروح في افقها السرمدي .

لم يكتفي الدكتور بهذه الكلمات فقط بل ابدع بالبقيه
ولكن اوجزت لعدم الإطالة

اصعب شعور لما اكتب واكتب واطالع في الشاشة ثم اكتشف انها مجرد طلاسم بالانجليزيه

عادي عادي نقفل الصفحة ونكنسل النيه ومو شرط نكتب

..

مساؤكم رضى وقناعه

امس اكلم اخوي اقول له نفسي اسوي كل شي ومالي نفس اقوم من مكاني

ما عليكم من رد اخوي وش كان

بس يعني انصحكم لا تعطوا اخوانكم فرصة للكلام

..

احد وراعينا من صنف الاناث شعبه خ

كل ما سألناها ليش لاي سبب يكون جوابها واحد .. عشان نروح عند جده ..

مع صفقه تاكيد بيدها

ليش تاكلين ..؟ ليش تمشين ..؟ ليش تتنفسين ..؟ ليش احنا بها الدنيا ..؟

كلها كلها عشان نروح عند جده

..

ادري ما عندي سالفه بس حبيت اذكركم بنفسي واني باقي على قيد الحياة

و ربي يجعل مصيرنا كلنا الجنه

جاري سماع المقطع

^^

الكلام واضح ومفهوم وشرحه رائع

اللي فهمته ان ها السيداو من اكبر الاخطار اللي تواجهناا

يعني والله يكفينا هم امتناا مو ناقصين ننشغل باتفاقياتهم الكذابه

ما ادري هو حسد ولا غباء ولا وش بالضبط

عني شخصياا لما عرفت حقيقة ها السيداو

وقسم بالله حسيتها من اقوى انواع الظلم على المرأة

هههههههههه شر البلية ما يضحك

مع اصرارهم على تطبيق البنود عرفنا قيمة رجالناا

الان لما اشوف ابوي واخواني واتخيل ان مالهم ولاية ولا قوامة علي

وربي احس بضيقه مما خلاني اسمع الكلام واصير اخلاق معاهم

ابعاد ها الاتفاقية مخيفه جداا

لو ما انسحبت دولتناا فالاكيد ان الخطر جاي

تهلكنا الفتن بوجود شريعتناا .. فكيف اذا حرمنا منهاا ..!!

يا رب انت اعلم بحالنا منااا

فاللهم ارنا الحق حقاً وارزقنا اتباعه .. وارنا البآطل باطلاً وارزقنا اجتنابه

صباح الاعصاب الهاديه لدرجة الخمول

< لحد يلومها مخففة من الاخبار ها الايام

الان تقولوا ها المخلوقة دايم نفسيه

طيب وش اسوي اذا اني ما افتح الصفحة الا وقت ما تخيس اخلاقي

ايه ابشركم امتلكنا لابتوب

صحيح ان لوحة المفاتيح معوقه

بس ماشاء الله عليه ذيب

شافه اخوي قال : وش ها النفسيه كل شي اسود فيه < كله اسود × اسود

طنشته وكملت اضبط اساسياتي فيه واحاول استقر

وتراا مو زود عشق للون الاسد مدري وش اللي خلا كل شي فيه لونه اسود

وبالنسبه للخلفيه انا ابد ما اهتم بها الاشياء

والدليل

<<<<< ما عندي صورة شخصيه

وصباحكم مره ثانيه رضى وطاعه وقناعه

صباحكم رآحة

احيانا لما اتابع برنامج او اقرأ قصة او رواية

ما تكون عربيه

القى ان وضع المرأة عندناا يعتبر اهانه

يعني الوحدة لما يقول لها الرجال لا تكلمي فلان او ان وظيفتك خارجة عن الحدود

او لا تسهري برا او ... او ....

اللي تعتبر عندناا فعلهاا حرام وخاارج عن عاداتناا وطبعنا واهم شي ديننا

ولما تساله ليش يقول لها لانك امرأة

ترجع هي ترد لا تهينني

يا الهي لها الدرجة وضعناا في السعوديه اهانه ..؟

طيب احنا اسسنا وقيمنا كلها قايمة على ها الشي

يعني مستحيل اخرج من البيت بدون عبايه

ولو شافني احد محارمي ما الومه لو مسحني من الارض

وهذا والله سبب راحتي

اولا ما اعطي مجال لاحد يشك فيني

وثانيا والاهم اني حفظت نفسي

لان الله ما يحرم شي الا لمصلحتي

حجابي .. محارمي .. كلهم فرضهم ربي عشاني .. عشان ارتاح

ليه الاعلام مصر اننا في ضيق وتخلف ..!!

ليه اوجب ان المرأة تعمل ..!!

طيب تشتغل ما قلنا لا

طيب ليه مصرين ان الرجل ماله كلمه عليها ولو غار على عرضه وألزم المرأة حدها

ليه قلبوه وحش ..؟

^^

هذا اللي رسمه الاعلام وللاسف

صباحكم نور

لي زمن عن المدونه لدرجة نسيت كلمة مروري رغم انها بسيطه جدا

تغيرات نفسيه كثيره صارت

الا لابتوبي ما تغير فيه شي

لوحة مفاتيحي معوقة للان

بس تاقلمناا ع الوضع

الحمد لله

..

وش السالفة شكل ما عندهم الا اساسياتناا يتشمتون فيها ..؟

لي زمن عن التويتر عشان كذا جاهله الحدث

بس صار شي والبغال اللي عندناا يؤيدون السالفه

احد يعطيني خبر ..

خبر ولا مبتدأ ؟ امزح امزح .. + ايت خبر ؟؟

^^

ترا محد غيرك عطاني وجه ههههههه

شكرا والله

..

طلعت السالفه تقهر كالعاده

يعني بكل بساطه صحافه فرنسيه تستهزئ بالنبي صلى الله عليه وسلم

وتم تفجير المقر حقهم من قبل ناس الله العالم عن مبدأهم

وماتوا ١٢ فرنسي وتم اتهام جميييع المسلمين

يعني دوروا على سبب وحطوا عليه الف تهمه ولقوه

والبغال اللي عندنا مسويين مظاهرات تضامناً لموت ال 12 فرنسي

والملايين ماتوا في سوريا وفلسطين والعراق ومحد تكلم

وعندنا لو جا غربي وقتل واحد ماشي في الشارع

طلعوا الف عذر وعذر وطلع بريئ والغلط ع اللي كان يمشي

^^

احساس مدري وش يبي..!!

شكراا للي عطاني وجه وتحمس معي في القضيه وقيمني

..

صباح المناسبات

بكرا ورانا ملكه .. اللي صدمني بالموضوع اني متحمسه وانا صفر ع الشمال

كذا احس كني العروس من الحماس

اليوم احط يدي على خدي واطالعها

عندي قانون ان العروس مهما كانت حلوة

فالاكيد ان نظراتي لا تخلوا من الاعجاب

المهم الله يتمملها على خير وعقبال كل العزابيه