مأساة روح {هالكه} في اوراق تائهه ~

- ما تنام، راح اخونك وابعتلك.

- أتسمحي لي أن أكون السُكر في قهوتك؟

- لأ انا بشربها سادة

- كيف السبيل إلى وصالك دُلني؟
-ليش؟
- مشان آخد سبيل تاني ما أشوف خلقتك فيه

الاسبوع الماضي اجاني هدايا من اخوتي وخواتي عشان ميلادي، راح اصير 27، بس اعبر المنتدى من اللاب توب بورجيكم، محدش جاب سيرة انو ميلادي عالطريك، والكل اعطاني الهديه انها شغله زي كل الشغلات اللي بعطوني اياها في الأيام العاديه، لاني بحبش حد يزكرني بميلادي أو يبارك.
اجى يوم كانت مفكعه معي، وحكيت مع حبي ومكنتش عارف شو بخبص بالحكي، وطلع اشي عن اختي ما لازم انو يطلع وحكيته لحبي، ومن كتر التخبيص انسيت اني حكيته، حبي حكى مع اختي ورمى فتاش كدامها لانو كان مبسوط عالخبر، اجت اختي تحكي انو حبك بعرف بالكصه؟ حسسني انه بعرف، وانا كنت ناسيه اني حاكيتله وكعدت افكر بالكصه واشوف اد حكتله ولا لأ؟ واتزكرت بعد ما عصرت مخي انو اه انا اللي حاكيتله، وشو اعمل؟ مستحيل احكي لاختي اني انا اللي حكتله! ليش؟ لان بتعرف انو بنحكيش وبديش تعرف انو بنحكي بهدا الوكت لانو هددتني بانو راح تحكي لأي شب راح يتقدملي انو اختي بتحكي مع عشيقها اللي هي انا، وكانت حاسه ومتأكده أني أنا آللي حكتله، وراحت تسأله وحلّفته مين آللي حكالك؟ وكان جوابه (مش أنثى) وانا فطست ضحك لما اعرفت هيك جوابه ، لانو اغلب تصرفاتي مش انثويه، بس هو الجحش ليش رمى الفتاش ينعن شكله، وهي صدقته وحكت يمكن اخوي اللي حاكيله وانرمت الكصه بظهر اخوي واحد.
ورقي صرت مقدمله اكتر من ست اشهر وحكولي بوصل قبل ست اشهر وما اجاش وانا عبرت بمرحلة الحزن والآكتأب واليأس وحالة، يا رب يجي ورقي عن قريب يا رب، هيك نفسي يصير معي اشي حلو مصيري.

الهدايا اللي اجتني لسنه 2018 من خواتي واخوتي بطريكه غير مباشره عشان ميلادي ..~




اجاني من اختي الكبيره اماني وهدا زوكها بالزبط , بوت رياضي سكتشيرز , وبصراحه ما عجبني ولاني بفتره برتب اواعي لاني بكره الاواعي فا هدا البوت بعد ما البسته ما شوفته مريح وما شوفته حلو عليا , لهيك راح ينحط عجنب , ومع هيك شكرا ..~

||



اجاني من اختي ايمان وبالزبط بالزبط زوكها , وهي كتير بتحب اواعي المغنيه جي لو (جينفر لوبيز) , بس مستحيل البس هيك باجري , هيك لميع بكدرش اتحمل , كمان راح ينحط ع جنب .. وشكرا الها ..~

||

نيجي لاخوتي الشباب اللي هم جد بحسهم بعرفوا شو بحب يمكن لانو عايشين مع بعض , او يمكن لانو انا تفكيري زي الشباب ببعض الكصص ..~



بعشق الكسكيته اللي هي الطكيه وعندي كتير بالبيت ولازم مره اصورهم اورجيكم اياهم , المهم لما اخوي واحد اتصل عليا فيس تايم وحكالي "كيف هاي ؟" وشوفت دي سي عليها حكتله (رهيبه) وبعدها ورجاني اياها من ورى وكانت مسكره من ورى انبسطت اكتر , ولما جابها طلعت كبيره ع راسي , بس مش مهم بخدها عند خياط او بلاكي حل , بس جد جد انبسطت عليها

||



نيجي لاخوي تلات , هدا الاخو بعرفني كتير بحب الورد والزراعه , واجى عالبيت وما شوفته الا بعطيني هاي الضُمه , لانه مر من عند محل الورد واتزكرني وجد جد انبسطت عليها ..

||

الله يجبر بخاطرهم ويسعدهم ويحميهم ويحكك اللي نفسهم فيه , الله يخليهم ولا يحرمني منهم

السلام عليكم .. مرت عليا ايام صعبه زي عوايد الدنيا عليا , كبل ما احكي عن هالايام , لازم احكي عن شخص اتعرفت عليه من يومين وبديش انسى , وسميته (كندا) لانه عايش بكندا ..ِ الشب فلسطيني مواليد السعوديا عايش بكندا , عمره ع ابواب الثلاثين , انبسطت معه باليومين , نحكي باليوم حوالي ساعتين وشوي تلفون وغير المسجات , شخصيه عبقريه يجب البرمجه والكمبيوتر , ومع هيك نكشه يضحك , ولزكه واللي بده اياه بده اياه , حساس بلاوي , وبرج القوس , متفائل كتير ومغامر وبايعها , ما بعرف اد راح نعاود نحكي لاني من النوع اللي خلص بحبش العلاقات الطويله واللي فش مصلحه فيها , ولاني بحبش وجع الراس , اجى بفتره منيح انو اجى مشان شوي امشي بالهدنيا , ومع هيك اد بيجي بيحكي وكنت رايكه بنحكي عادي معنديش مشكله , كتير كنت اضحك معه وهاي انا اللي بضحكني بحب احكي معه , ومع هيك كنت احب اعذبه بكصه اني متشائمه وعنيده ..~

جاي عبالي اعمل تسجيل صوتي لاني اتعبت وانا اكتب

السلام عليكم ..~

https://d.top4top.net/m_770245c11.m4a

من اول ما اجيت هون ع امريكا , بلشت احوش بمصاري وتكون بس العمله الحديده , بده يصير الي اربع سنين , بس احكي تلات سنين بالزبط حوشت هدا المبلغ من العمله الحديده بس , وحكيت بس يتعبى المرتبان بالزبط بدي اروح اشوف كم مليون طلع معي , من حوالي اسبوعين اتعبى المرتبان وكنت كتير متحمسه اشوف كم يطلع, كنت متوقع يطلع معي مبلغ محترم , بس ايش يا حلوه , اخدت خزوء مرتب وانصدمت بالمبلغ اللي طلع ..~





كنت امفكره بالراحه راح يطلع معي 300$ .. شو بس 100$ ما صدكتش ووجهي انقلب وازعلت وحكيت بديش احوش , بس مكدرتش وارجعت اعبي المرتبان من اول وجديد ..~

لان الشمعه الكديمه اللي عندي اللي جابتها الي اختي فيث خلصت , وبعرفش اكعد بدون شمع بالبيت , لان بحب دايما الريحه الحلوه بالبيت , ولان هون البيوت خشب بشوف انو دايما ريحتهم مش منيحه اد ما بدير بالك , ودايما بتغلب حتى الاكي ريحه حلوه , عجبتني هاي وريحتها بتشبه ع عطر الشباب .. بالوكت الحالي كتير استخدمتها وحتى هاي عاجبه ريحتها اخوتي لهيك بطلبوا مرات يحظوها بغرفهم, ضايل نصها عندي ..~

https://d.top4top.net/m_771sxf8p1.m4a


||