●» وٺبقےٰ ملامح‘ ضحـگٺي .. فيها علاماٺ الألم ♣

بديت أشهكَ فراكَك والنِفَس مكَطوع ، إختنكَ دربك إبجدمي وما قِبـَل يكمل

يمر وجهك بعيني وأركض على الشباك ، وأشد وجهك بوجهي وبالسهل ينحـَل

خذت نظرة ولهسة عيوني متوضيات ، إذا صدت لغيرك كل فرض يذبل

السهر مو زين بس عيوني تشرب ليـل ، تندل كل درب بس طيفه ما تنـدل

المسافة اللي بيني وبينك سبع لجمآت ، وإجيتك والشماتة عيونهم تسئـل

ما يستاهلك ! كَالو .. وكَلت مشتآكَ ، اللي يحب إيضحي لا إتكَول اللي يحب ينذل

-

رحت ولهسة أحس بعدك تعيش ويآي ، غير أقتنع رآيح حتة أدور حَل

إجيت إبوقت ما محتاج أسولف بيك ، وصرت رآس السوالف واللسان إختل

عليك دموعي ما بطلت المسكآب ، وما تنزل لغيرك حتة إذا أقبل

أجيك وركَبتي مرجوحة مال أيتام ، وأتيهك واليتامى عيونهم تندل

إنكسر قلبي بإديك شلون دمك سآل ، ذيج الساعة .. أصعب مشكلة بلا حل

ويبدي إمعاتب العشآكَ بالنظرات ، وإسمع عينك تكَول الزعل طَـوّل

وأسكِت والدمع بيه مستحي المحتاج ، وأجاوب والوجوه إثنينهن تِخجل

الزعل مكَدور بس فركَآك ما مكَدور ، رضيت إتخونّني بس ما ردت ترحل

-

أنـة إبدونك ما مرتآح ، كَسِر عندي بالجنـآح

جرحي صآير إبطولي ، شمآتي يغنولي العمر رآح

قلبي من العشكَ تآب ، بعد بطّلت العتـآب

أبكي وأسئل ظنوني ، الدمع شِيردة لعيوني إذا طآح

حبيبي دمعتي إبعيني ، كُل لحظة من عيونك تبكيني

إذا من صدكّ ناسيني ، عآيش كون ربي لا يخليني

-

عَليّة الظيم مكتوب ، بَكت عيني يا محبوب

حلفت بعمري ما أجربك ، وأتَوِب روحي من حبك فلا إتّوب

حبيبي عيني عالبآب ، خلص قلبي من الغيـآب

يَلي الشوكَ ما جابك ، حبيبي العمر بغيابك ما محسوب

حبيبي دمعتي إبعيني ، كُل لحظة من عيونك تبكيني

-

الخَلل بيـة عفتني وما عرفت أنسآك ، لا والله من الأول ما عرفت أهوة

ما ترهملي صاحب مو حبيب إتصير ، بس تِرهم إبن آدم يوكَع إببلوة

مو بحجارة ربك يضرب إبمحبوب ، يحط روحك إبوآحد دمعـة ما يسوة

كنت ما عندي شي وإتصيحلي وما أجيك ، وتتوسل جبتهة فدوة .. ما فدوة

عفتني .. والله نكتة إتموت من النوح ، بقيت أضحك وأون من كثر ما حلوة

-

هسة إنتة رحت طيرة وخذتهة الريح

قلبي إشبيه بدونك ما عرف يروة

أعاشر غيرك وأطلع وأطب وأشتآكَ

ما أكَلك وفـة بس روحي محرومة

شفت الأحلة منك والأحب والزين

وإهتمو بروحي وبقت مهمومـة

ثآري العشكَ موش إتكَلب وتختآر

مثل الموت .. هم كل وآحد ويومـة

-

أحن غصباً علي وإتشح بالمروة

يآ ذاك اللي بالسجن من تطلع أفرح بيك

ويجي الليل وتجي ، هم ذآبني ببلوة

أنـة مقيمك غلط .. والغير مآ ألومـة

كَآلو مبتسم ! من تسئل عن إعلومـة

-

كَطعت ويآي إذا بالطيف اجيك إتكَوم

تفز فزة اللي شآف جنازته إبنومة

بعدة أخضر فراكَك والشمس بِت غيم

والخليتة ذآك .. إمبللة إهدومة

إشطلع بيّة وعليك إفراكَي مَر نشوة

وأنة من أسبوع بأيامك جِنت لكَوة

إستشعرت الكرم بيّة ولزمت الباب

مشاعر قلب أمس جَديتهن جَدوة

-

هسة أزعل وما تهتم ! وأنـة من أيام إذا ما أرضة تنطي الدمع من عيناك هم رشوة

وإهي خلصت وبعدة الشوكَ ما خلصآن ، غيب وعود تلكَة اللي ما يريدك حآن

كَالو ينِّسي اللي يبتعد ، بس لا إتخاف إيدَي تهوة المكَاود ما تِهِز فنجآن

طِري وجهي وبعد بيه للمعآتب مآي ، خاف إتريد نتحاسب منو الغلطآن

مشكلتك تحب بس أكثر من إثنين ، ومشكلتي من أحب من قلبي أصير إنسآن

-

وذني كفوفي ما رآفعهن إبدعوة

على وآحد عافني .. أدري اللي خِسر هُوة

طيِّب واللي يضوكَ سوالفي ما يخون

على أهل الشوكَ نَسمة وللربع خـُوة

وشنهو اللي ما خسرتة ورآيد أربح بيك

آنـة الشآطر اللي ما نصبوه قـِدوة

ومو شرط اللي تعب بإنسان حصته إيصير

الأسـد حصتـه الِزند .. والركض للّبوة

-