مأساة روح {هالكه} في اوراق تائهه ~

السلام عليكم ..~

هالكم يوم اللي كعدتهم بالبيت , كانوا بين نفض البيت وحواجه للبيت , وبين اني انام بدري , مكنتش اصدك حالي اني انام حوالي ع العشره بالليل , واصحى شبعانه نوم , مكنتش العب ع اللاب توب , او اشوف اشي , بس اليوم من حوالي ساعتين فتحت البلستيشن وبلشت العب , وهاللعبه صعبه ينعن , وانا مش ناكصني حرق اعصاب , بس مشيت فيها شوي ..~

انبسطت انو الحمد لله الاغراض اللي بعتها لاهلي وصلت عالسلامه واختى كمان والاولاد ,عملت موعد مع دكتوره الاسنان هدا الاسبوع لانو طحونتي مرات بعرفش انام منها وصايره حساسه بانو حتى المي بكدرش اشرب عليها ...~

||





من فتره اشتريتهم , وحكيت بحكي عنهم بس اجربهم , واخيرا افضيت وجربتهم ! بحبش اعرّض شعري للحراره , يعني سيشوار وكاوي وكل هالكصص الا بالمناسبه الكبيره والمحرزه ,ليش؟ لاني شعري بدون الواسطه ناشف , وبديش يخرب بزياده , ولاني بعشق الشعر الطويل بحاول كد ما اكدر اني احافظ عليه , ولانو من غير شر امي مش هون وامي بتكره الشعر المنفول بالدار لانها بتكرف من الشعر يكون وين مكان بالبيت , عندي الحريه انو دايما شعري يكون منفول لاني بعشق الشعر المنفول ,وغير انه طول ما شعري منفول بكون وجع راسي خفيف عكس ما اكون رابطته , وبجب الشعر اللي بكون فيه هاي الطعجه الخفيفه زي الموج , لهيك كتير بعمل شعري جدلات مشان لما اصحى انفله , ووكع تحت ايدي هيك اشي اللي هو هدول , وحكيت خليني اجربهم , سعرهم حوالي 8$ , هلكيت زبطو ؟ لأ للاسف , يعني اعطو الطعجات بس مش متل ما بدي , لسا الجدله احسن منه مليون مره , وغير انهم مش مريحات بالنوم من مره , ومع اني خليت شعري نص مبلول عشان يزبط , ومع هيك راح اجربهم كمان محاوله لما اكون جد رايكه ..~

من فتره حكيت بانو اجاني عينه من هدا الكريم من ابسي , ومن وكتها جد حبيت هالكريم , هو مش مرطب رهيب , بالعكس بحسه بنشّف الوجه اد بحطّه لحاله ع وجهي , بس اد بحطّه مع مرطبات تانيه او تحته قناع فا جد مفعوله رهيب وخاصه اللمعه والنظاره ع وجهي , وطيفته انه يخلي وجهك زي كانك صاحي وشبعان نوم , في الايام اللي بكون فيا شفتات ليل وبكون وجهي زومبي , اول ما اخلّص الشفت بحطه لان بكونش نايم طول الليل وبيظهر وجهي بخدعه انو مرتاح ومصحصح ..~

سعره 26$ اشتريته من الامازون

السلام عليكم ...~


اتحيّرت بين اني اسجل تسجيل صوتي وبين اني اكتب , وبعدين شوفت انو فش اشي محرز احكي عنه عشان اسجل , كان عليا شفت ليل , ومكانش عليا شفت نهار اليوم الحمد لله , لهيك عطول ميّلت من شفت الليل ع البيت , وطبعا عندي مشاكل بالنوم , لهيك ما نمت , افطرت وعملت كهوه وفتحت البلستيشن والعبت حوالي ساعه , وبنجن لما اضل اموت , بتفكع معي , ومع هيك هيني بمشي باللعبه , وبعدين حكيت مع امي شوي , ومع حبي شوي , ومع اختي هوبز شوي , وبلشت اكمّل في جوثام وصلت لحلقه 17 من الموسم التالت , بدي احاول اخلصه كبل الموسم الجديد هدا الاسبوع , وبعدين قرأت كمان فصل من حبيبي الكاتب والكتاب وكله عبعض , عملت كمان كهوه , ووكعت الكاسه كلها ع التخت , وع شرشف الكهربا كمان , منيح ما تكهربت , وحكيت خليني اجي احكي هون شوي , كبل ما اروح اعمل كمان كاسه كهوه لان عليا الليله كمان شفت ليل , بس عفكره صاير جسمي يتعوّد عالاخر انو يكعد يومين او تلات بدون ولا ساعه نوم , وغير انه الي هالكم يوم اكلي مش صحي من مره , ارجعت اشرب كولا كتير وعلبتين باليوم , كله من معدتي الحيوانه , خلصت الدوا وبضل توجعني وبشوف ان الكولا بتخرسها , وغير اني بشرب كتير كندا دراي اللي هو عصير الزنجبيل , بدي دوا معدا لازم اطلب باقرب وكت , عشان بنامش وانا نوع اعصابي بمعدتي اللي هو بنحكي فراش حمع فراشه بمعدتي , انو كل ما انبسط او ازعل راح توجعني زي ما بوجع الراس بعض الناس , اظن قولون بحكوله , مش متاكده , المهم مرات بكدر اتحمل وجعها بس مرات جد بكدرش ..~

لاني صبيه بعشق الرموش , دايما بدّور ع اي شي يكبّر او يزيد من جمالهم , ليش ؟ لان طول ما الرموش ملفتات للانتباه , العيون بكونوا اكبر واوسع , وبكون وجهي شكل صاحي ومش نايم , ومع هيك مش مع اني ارّكب رموش , بشوفهم خدعه من الخدع الكبيره وانهم اشي مش طبيعه يعني عم اصنّع بحالي , ومع هيك بعرفش مع الزمن يمكن يتغيّر تفكيري واصير احبهم ويمكن اركّب , وكع تحت ايدي هاي الكطعه اللي بحكو انها زي بتعطي حم او سخونه حراراه يعني , , وبعد تجريبتها لاكتر من اسبوع , اووه اولاد اللزينه اللي مخترعينها , ينعن اشكالهم , اختلاف كبير وجد بتطوّل الرموش ..~

كان سعرها 18$ من الامازون , فيها استخدامين , واحد لتحت العيون لما تحط كريم عيون , وما بستخدمه لان بالاصل كريم العيون تبعي فيه عَجل فضّي فا مش بحاجه , والتاني للرموش وهدا سبب اني اشتريتها , وسبب اني اشتريت هدا النوع انو كل التقيمات معطينها 5 نجوم وفش اي حد حاكي اشي مش منيح عليها , عكس الانواع التانيه اللي بس فيها استخدام الحراره والتقيمات عليها مش ولا ود , ولانها عين الواحد بضل خايف , وعنجد لما استخدمها بكون خايفه , وعنجد بتوجع الرموس لما تخلّص من استخدمها وتحط اصبعك تصيب رموشك بتحس انهم بيوجعوا , ولو امي شافتني بستخدم هدا الاشي راح ترميه او تكسره ..~

اما طريقه الاستخدام لازم تستخدمها وعلى رموشك مسكارا , ما جربتها وفش ع رموشي اشي , خايف اجربها , بس جد اختراع حلو وبعمل متل ما بحكي ..~





||

السلام عليكم ..~

كان عليا امبارح موعد دكتور الاسنان وراسي لحد الان بوجع , لانه كمان عليا شفت شغل ليل وما صدكت يطلع النهار مشان اجي عالبيت وانام , مع اني نمت للظهر ولسا هيني نعسانه , في كتير مواعيد عليا وتلفونات وكصص مصيريه , يا رب تهونها عليا وع الكل ان شاءا لله ..~

||

في عنا محل كهوه فتح من حوالي اسبوعين , روحت عليه مع اخوي واحد اول ما فتح , عزمني عليه اخوي لانو بعرف مير بتعشق اشي اسمه كهوه وبتحب تجرب , عفكره اشتغربت انو كهوتهم زاكيه , رهيبه , وصرت كل فتره لما بدي اشرب كهوه برى كبل ما اجي عالبيت اميّل عليهم ..~

||

اول مره روحنا عليه ..~






||

اسمه دبل شوت ..~





||

وهدا احلى شي , راسمين ع جهه من الحيط , اسماء التقاء الشوارع عنا بالحاره , ورقم الباص اللي عنا بالحاره , بس مين هدا اللي بعزف ع الجيتار ما بعرفه

السلام عليكم ..~

الجمعه التاريخ كان 23 فيراير \ شباط 2018 , وصل اشي كنت استناه حوالي 6 سنين ونص , الحمد لله , كان بهجه عبرت البيت من زمان ..~ لازم اتزكر هدا التاريخ !

||

تجربه ..~

اشتريت حمام الزيت اللي هو بلسم 50$ من النت لانو جد انضحك عليا بالدعايه , كنت افكر راح يخلّي شعري حلو زي ما بيحكو عنه بالدعايه , بس مشوفتش فرق يمكن لانو الشامبو والبلسم تبعي هم بالاصل مناح لهيك ما لاحظت اي فرق , كان شويت فرق وانا اغسله من راسي انه جد شعري ناعم , او احكي شعري عليه زيت كتير وبغلّب وانت تغسل فيه , كنت بدي ما يخلي شعري يتكهرب ولحد الان ما لكيت الاشي اللي ما يخلي شعري يتكهرب , اما بخصوص الفرشايه تبعته فهي بس منظر من مره ما بتصيب فروه الراس , وكتير كرهت ريحته لانه جوزهند بس قوي كتير , خنكني , وكمان اد بيجي ع جسمك بخليك زي كانك بتسبح بالزيت كتير مزعج , يعني لما اجى ع وجهي , يبي زيت زيت , ما صدكت اخلصه مشان اغسل وجهي بشغلات قويه عشان ما يعمل حساسيه لوجهي ..~


||











||



هل بيستحق 50$ ؟ لأ ولا بيستاهل 10 قروش , وجربته تلات مرات وعالفاضي كمان , واكيد راح استخدمه ت اخلصه لانه بمصاري , ونوع شعري عادي يعني فيه شويت طعجات وناشف وخفيف , وبستخدم لشعري كريمات كتير ومع هيك ما وصلت لمرحله اشي اغشقه ويكون مفضل ..~

السلام عليكم ..

لما اجتني رساله تثبيت موضوع استغربت وحكيت امتى انا كاتبه موضوع بالمنتدى ؟ انسيت انو المدونه موضوع .. شكرا ..~

||

اما بخصوص الخبر الحلو اللي اجاني يوم الجمعه , فا هدا اشي خلاني ارجع للسناب , وخاصه كمان بعد ما عدّلوا التحديث وخلوّا الستوري تبعت الاصحاب لحالها بدل ما هي ملخبطه مع الرسايل تبعت الاصحاب ..~


||

كمان اد انا بكون بالبيت بصراحه ما بعمل اشي , لا بشوف افلام ولا مسلسلات .. الا اني اضل العب ع البلستيشن , هاللعبه جلطتني ومع هيك بعد ما اوصلت لفل 10 بلشت اعشقها عالاخر , بلشت ادمنها , وبعد ما فتحت كم حركه واعرفت كيف اعملها انبسطت كتير .. اللعبه اسمها شادوا اوف وار .. يسلمو يا طازه ..~

||

لهيك حبيت اعبر المدونه واحط شويت صور عن مجريات ايامي , قبل ما اروح اضوي البلسيتشن , اد بضل معي وكت لانو خلص بلشت شفتات الليل معي ..~

||

يوم الجمعه كان التاريخ 18\23\2



بعد ما اجاني الخبر الحلو , حملت حالي واطلعت اشتري تحلايه للبيت

||



هاي شمعه جديده اشتريتها وريحتها ياسمين بس مش قويه , حبيت اجرب نوع جديد وللاسف ما عجبني هدا النوع وما اظن اجربه كمان مره , لان من اسباب عشقي للشمعه هو ريحته , اما بخصوص ضُمه هالورد لحد الان بديش اشيلها لانو شكلها ناشفه والمي الطحالب اللي فيها بزكرني بكل شي موت و في فيس الورده المفضل عندي اللي محطوط بتوقيعي , الورده الميته , وبستنى لوقت ما يبلش ورقها يوقع .. اما بخصوص الدخان فهو لاخوي , اللي صار بانو اتصلت ع اخوي واحد وحكتله عن اشي اد بعرف شو هو ..راح اشتريله بكتين دخان , مكنتش ابدا ابدا اعرف انو اخوي راح يعرفه , لان الاشي سنين عليه , بس عرفه , واكيد اشتريتله .. وزعل ليش اشتريله وحاله ..~

||



اما بخصوص هاي الصوره فا انا من اكتر الشغلات اللي جد بصورها بالسناب هي كهوتي , ومع اني عايشه بامريكا بس بضل فش بعد الكهوه العربيه , ماشي الامركانيه بجبها وبشربها , بس بضل العربيه اللي جد جد بمخمخ عليها وبصحصح , وهون ضُمم الورد اللي لحد الان صامدات .

..

كمان مره شكرا لتثبيت الموضوع وانا بعرفش ارد ع الكلام الحلو والشغلات الحلوه اللي الناس بتعملها معي ..~

واخيرا اشتريت شنته الي , لان اللي كنت استخدمها هي لامي , وهون هي أكبس , وهون الدزدان تبعي أكبس ..~


||


اما بخصوص الشنته الجديده فهي نفس الدزدان تبعي اللي هي ستيف مادن , وسعرها 60$ وكانت ع التخفيظات لان شنتات ستيف مادن فوق ال 100$ , الحمد لله انها وقعت تحت ايدي .. مش واضحه كتير الصوره , بعاود بالايام الجايه اصورها بشكل احسن , وانا بعشق الشنتات الكبار واللي فيهم يد طويله مشان اكدر استخدم اديا , انو بس عليا احطها ع كتفي ,, وجلدها ناعم يكون وتكون خفيفه ..~


||

يوم السبت كان التاريخ 18\24\2

||





||

اطلعت اتحوج شويت اغراض من محلّي المفضل الراس ross



كالعاده راح احكي عن كلشي بس استحدمه واشوف اد عجبني وما عجبني , اد بعاود اجربه او لأ , في شغلات كمان ما صورتها , بعاود بعدين ..~

||




بعيد عنكم , اتغلبت تا لكيت واحد يعجبني , في الاول شوفت واحد ليفايز وما عجبني , وبعدين جيس وما عجبني , كان نفسي في تومي بس مفش حجم ينعن شكلهم , بالاخر جيبت هاد , والسبب انو صرت اداياك من البوت بشفتات الليل , وحكيت بدي اجرب البابوج ع جربان واشوف كيف ..~

||



معروف عني كتير بستهلك جرايبن , لاني اد شوفت لونه مش عاجبني برميه وبجب جرابين المشواير يكونوا اسم , وبحب اللوان الفاتحه وخاصه الابيض بس ما لقيت , اما بخصوص الجرابين الملونه فهدول للرياضه , ولان بكعد اكتر من 12 ساعه لابسه البوت بكره تطلع الريحه لهيك بدي اجرب هدا النوع واد عنجد متل ما بيحكو ؟ اشوف كيف ؟..~

||



ليفه الظهر كان عندي متلها من حوالي سنه وانبسطت انو شوفتها جابين متلها كمان مره لهيك اشتريتها مع الليفه العاديه

||




اول تجربه لهيك نوع كريم ولهيك نوع قناع , مع انه الكريم غالي 20$ بس حبيت اجربه , بحكي عنهم بس اجربهم اكيد ..~ وبشوف كيف ...~


||




لان اللوح اللي كان عندي كتبت عليه بقلم وما راحش , وبعرفش اكعد بدونه لهيك اشتريت واحد , واكيد انا صبيه بعشق الدفاتر لهيك اشتريت دفتر ومن وكتها هالدفتر بسنتيتي وصرت كاتب فيه تلات صفحات ..~


||

السلام عليكم ..~

اكمل باللي عندي مجريات يوم الاحد !

||



الي فتره بضل اطلب فطوري من برى , ادمنت الكوكتيل مع المكسرات والفواكه والكورن فلكيس بعملوه اشي بشهي


||