Ổłǎłǎłǎ~

صباح الخير جميعاااااااااااااا
كيف حالكم ؟!!! إن شاء الله تكونوا خرافيين يا كتاكيت
أهاهاههاا مو مني، من الفلم اللي تفرجته قبل شوية
تخيلوا، اليوم و لأول مرة أتفرج بامبي ياخي المخلوق هذا كتكووووت
بس كان الفلم جميل
أوه، و كمان اليوم ما رحت الجامعة لأنو مافي داعي هيهيهيهيي أمزح أمزح، أنا مو من النوع اللي ما يحضر عَ الفاضي، بس لأنهم قالوا لنا ما نحضر
و بعدين قلت لحالي أستغل الوقت و آكل إندومي و أتفرج بامبي

القائد كاكاشي: أهاهاههاا شفت كيف أنا خرافية بس ترا مرة حلو الشعور إنك تتفرج فلم دزني بالصباح


+
الحين المفروض أكمل مذاكرة، تخيلوا، أنا ما جربت أبداً أذاكر من اللاب، أحس مرة ما يعتبر شيء صحّي<<< شف مين يتكلم
بس من جد، أحسه يرفع لي الضغط، لكن ترا هو شويتين يحمس، بحيث إنك تقدر تاخذ "استراحة" و تقعد تشوف كم فيديو
و كمان الحين نزلت كل soundtracks حق أفلام دزني، ترا شيء خرافي

السلام عليكم جميعااااااااااااا
كيف حالكم؟! إن شاء الله تكونوا خرافيين و بألف خير يا رب
عموماً، أبغا أحكيكم إيش صار لي اليوم بالكلية صارت لي حادثة أليمة جداً
تخيلوا، عَ الأساس أنا و صحبتي نجري ورا بعض، و هي كانت بتلحقني و أنا كنت "بهرب منها" جبت العيد. كنت أبغا أنزل من الدرج، و بالغلط رجلي اتزحلقت، و طحت أبو 3-4 درجات و آآآآآآآيييييي يا ظهري، وخذ لك ألم يرفع أبو الضغط الطيحة مو طيحة عادية، شفتوا الطيحة اللي يعني كأنك جالس لكن طممم طممم طممم و جاني ألم عند أسفل العمود الظهري، بالضبط زي كذا:



لا و فاتكم، لما طحت هذيك بنت الذين اللي كانت بتلحقني كانت بتضحك من قلبها، طبعاً خلاص عادي اضحكي لكن مو كمان لدرجة إنك تتركيني و ما تساعديني، أقول لك أنا قعدت مكاني بالدرج و ما قدرت أقوم أبداً، و في بنت كانت قدامي ساعدتني شويتين، و مرة يعطيها العافية، يعني عَ الأقل أحد عبّر، و هذيك لسا بتضحك و تقريباً بتقول للفصل كله و أنا أقول لها: خلاص مافي داعي الكل يعرفمرة نرفزتني
و المشكلة إنو عندنا حصة إنجليزي، و المعلمة جات، أنا عن نفسي عطيتها واجبي، و قلت لحالي يمكن الألم يخف، لكن ابن الذين زاد، فقلت لها إني أبغا أروح لغرفة التمريض، و الحمد لله وافقت
و بعدين لما كنت أبغا أروح لغرفة التمريض، ما قدرت لأنو لازم أطلع الدرج دورين -_- أنا ما عندي مانع، أنا دائماً أستخدم الدرج بدل المصعد لكن ظهري يا ناااااااس
بس الحمد لله طلعت بالمصعد، و لما كنت أبغا أدخل الغرفة، فجأة ألاقي الدكتور، و على طوووول خرجت، و بعدين لما خلّص و طلع، أنا دخلت و استأذنت من بنات التمريض إذا عادي لو قعدت على سرير، و وافقوا الحمد لله، و قالت لي واحدة من البنات لازم أريّح و كذا لأنو هذي الرضّة مرة تعتبر خطيرة، و أنا قاعدة "طبعاً بحجابي للاحتياط" فجأة دخل دكتور يعطي للبنات درس و كذا، و أنا قاعدة زي المزهرية أصلاً ما انتبه لي، لأنو كان في دمية جنب سريري فأعتقد فكرني دمية
المهم، و هو كان بيشرح للبنات كيف سحب الدم و كذا و حركات، جا جنب السرير لحتى يجيب إبرة و بعدين فجأة يلاقيني و يطالع فيّ يقول لي: إنتِ ليش هون؟! قلت له ألم في ظهري لأني طحت، فقعدت على السرير. و طبعاً قال سلامتك و كذا و عادي كمّل تدريس.
و كلمت واحدة من البنات لما يخلصوا الحصة، تجيب لي الشنطة لأنو أبغا أقرأ شيء و مرة طفشت
و الحمد لله بعدين جات و عطتني الشنطة، و كذا قرأت، و بعدين اتصلت بأخوي قلت له كذا كذا صار، قال لي أهم شيء إنو ما يكون في انتفاخ شديد، يعني إذا نفخة كتكوتة فهذا عادي، لكن إذا اسودّت أو انتفاخ غير طبيعي، هذا يبغا له فحص و كذا
المهممممم، بعدين رجعت البيت و أنا ماني قادرة أحرّك ظهري إلا بالمضاربة، و لما كنت أبغا أنام، كنت كل شوية أصحا بس عشان أقعد على جنبي
و أنا الحين قاعدة أكتب هذا، أحس إذا بس زبطت قعدتي جبت العيد
آآآآآآآآآآآآآه ما كان يوم خرافي مرة لكن الجو كان جميل، و كمان الحمد لله على كل شيء

السلام عليكم جميعااااااااااااا
كيف حالكم؟!!! إن شاء الله تكونوا خرافيين كالعادة
تعرفوا، بس دخلت لحتى أقول لكم إنكم كتاكيت والله بس عشان كذا
أتمنى يكون بقية يومكم خرافي
+
اطلعوا مشّوا اخواتكم <<< مدري ليش أقول كذا دائماً
لكن من جد، روحوا و اتمشوا، و اللي طلع و مشّا أهله يقول لي أبغا أعرف مين الخرافي اللي فرّح أهله اليوم


الله يحفظكم جميعاً يا رب

القائد كاكاشي: يا فتى ليش حاسة إنك كاره هذا الإنسان


+
صباح الخييييييييييير جميعااااااااااا
اكمنوا، ما سحبت عَ الكلية، أنا بعد شوية بروح لكن الدكتورة تبعنا قالت ما بتجي، فقلت لحالي أدخل أسلّم عليكم
أحس ياخي عيب عليّ بس أدخل المدونة و أكتب شويتين و بعدين أطلع لأنو أول كنت دائماً أدخل و أحكي مع أي أحد و بعدين أكتب كم شيء بالقسم الترفيهي و بعدين أروح
لازم أرجع زي أول و أحتك بالناس أكثر و أكثر

مساء الخير جميعاااااااااااااااا
اليوم جبت العيد شويتين في الكلية لكن سويت شيء خرافي، يعني مو شغل تخبيص
رسمت عَ الجدار و لأول مرة في حياتي
ههههييهيييي أتمنى تعجبكم

السلام عليكم جميعاااااااااااااااا
كيف حالكم؟!!! إن شاء الله بأحسن حال
أممممم هذي اليومين كنت شويتين متضايقة مرة ما أعرف ليش أحس حجيب العيد بالمذاكرة كل ما أبغا أذاكر، نفسي تضيق هي أصلاً تجيب النفسية دائماً، لكن أنا بالعادة حتى لو كنت أكره مادة معينة ما عندي مانع أذاكرها من كل قلب ، لكن بكرة عندي اختبار أحياء و ما قرأت إلا شويتين و خلاص قفّلت معايَ
آآآآآآآآآآآآآآآآآآآآآآآآآآآآآآه
معليش، من زمان ما كتبت شيء هنا و بعدين فجأة إجيت أحكي كذا -_-"
لكن مرة أخلاقي قفّلت معايَ <.<
شكلي حروح أسوي لي حلى و أجي، يمكن أتحسن إن شاء الله

القائد كاكاشي: يب يب إن شاء الله راح أشد حيلي أكثر أبغا أدخل التخصص اللي أبغاه + والله شكلك حافظ كل واحد أنا حاطة صورته بس كويس في أحد عارفهم




+
صباح الخييييييييييير جميعاااااااااااا
إن شاء الله صباح خرافي و كتكوت للجميع
اليوم حروح إن شاء الله 9:30 للكلية لأن المحاضرة تأجلت، و قلت لحالي يابت روحي قولي لأخوكِ يجيب فطور ماك و عيشي الحياة أنصحكم تجيبوا هاش براون، و بانكيك طعمهم خرافي، لكن الهاش براون يبغاله منديل يصفّي أبو الزيت اللي فيها بس هو لذيذ
عموماً، بالتوفيق للجميع اليوم