حينَ ٺضمحلُ مني ڪثـاآفۂ المـاآدة » سَـأضلُ قلباً وَروحاً .. وأبقےٰ معنےٰ وإحسـاآس ~

ولكَ أن تقولَ يا صديق ..للعنقاء بعثٌ بعدَ أمد، لا ؟

يـاإ مَساء الروقآن والعَشاء المتأخر


عششـاإن نكون واضحين يا جَماعة الخير ..عودتي حاليًا تقتصر على المدونة فقط لا غَير !!
لذلك أعتذر مقدمًا عن المشاركة في فعالياتكم أو التفاعل مع مواضيعكم
لعلّه قرارٌ مُبالغ فيه، لكنّه مهم بالنسبة لي.


ما ينفع أقول إشتقت لكم يَ الوسخين ؟؟؟؟؟؟؟! + قرأت التقييمات شُكرًا من الصميم

#يوميات.


أولـــــاآه، يعني مَرحبًا للي ما يدري ..المُهم، عساكم بخير جميعًا وبصحة سوووووووووووووبر جيدة.


اليوم سبحان الله الجو كان ربييييعي يجنن ولو ان الربيع باقي ما بدأ عندنا ..
وبما اني في اجازة وكذا كشخة ما عندي دوام ووجع راس قلت يا بنتي قومي شوفي
نبتاتك إيش وضعهم << مساكيييييين عايشين على خيرات الناس بما ان أمهم مشغولة 24 ساعة!!


خلينا نأخذ وايتي "شجرة الورد"، هذي الحوب حقتي صدمتتتتتتنننننننني!! تخيلوا أول من بديت
أعتني فيها كانت قزمممممممممممةةة يا دوبها ثلاثة أشبار، بس دحين إيش!!!!!
صارت أطول منّنننننني!! تخيلوا اليوم ما قدرت أوصل لأغصانها العالية واضطريت استعين بِ منضدة
راحت الهيبة


لاااااااا وفوق كل هذا، وحده من اشواكها دخلت يدي وما قدرت اطلعها ، دحين مكانها متوّرم أحس
الوجع في قلبي مش في يدي!!


هذي نهايتي ..بنتي تخونني طولًا وشوكا! << ما عليكم من الدراما كله من تحت
راسي لأنّي اشتغل بدون قفازات


..


سؤال لكم: كم من بستاني عندنا هِنا في العاشق مهتمين بالنباتات أو يعتنون بنبتة شخصيًا ؟!

#في العجلة الندامة.

السآلفة هذي مرت عليها سنين واليوم تذكرتها قلت أشاككم فيها xD


:

مرة من المرارير سلّمكم الله كان عندي إختبار ، قبل لا أتوّكل قلت براجع الأغراض في شنطتي

أشوف وش ناقصها، ويا سلام مافيها مناديل (كلينكس)!! طبعًا لعلمكم، المناديل هذي اني أشتريها

بشكل درزن وأحطها في ملحق الـدولاب ، طبعًا الملحق يكون عـالي كذا قريب من سقف الغرفـة.

إيه عاد وش أقول لكم، كنت مستعجلة جدًا ع أساس ما اتأخر فسحبت الكرسي على عجل وصعدت

ثم فتحت الملحق وسبحت علبة المناديل ، مع سحب العلبة فقدت توازني وتخلخل الكرسي تحتي

وبوووووم وقع الكرسي ..وقعت أني فوق الكرسي وأغراض الملحق وقعت فوقي ياااااااخي!!

شكلييييي كان أليييييييييييييييييييييييم ..ظهري صار ع حافة الكرسي وراسي إرتطم بالجدار ..وأنا في

ذي الوضعية خذيت لي ثواني اتأمل الوقعة من دون ما أتحرك ملم واحد!!! أصلًا من الصدمة قلت "واو"

الناس الطبيعية بتجلس تولول من الألـــم بس يلا علينا العوض ! بعيدًا عن الألم اللي حسيته


كانت وقعة خووووووووورافية بشششششكل

كأنها فيلم أكشن ..الله ستر ما تكسرت فقراتي ..عاد قمت بعدها ورحت للاختبار الزفتوجاوبت

أحسن مما توقعت !!!!!! شكل الوقعة رفعت مستوى الأدرينالين ضعف أضعافه ، رجعت البيت


أسولف لأمّي مدري أضحك مدري أبكي ههههههههههههههههههههههههههههههههههههههههههـ








خلاص انتَ وهي لاحد يضحك ترا جد جد جد الجد تألمت وبقوة بس الأختبار كان أولى من الألم

وذا دليل حي على ان العجلة فيها ندامة << علمًا بأنّي ما ندمت على الوقعة الرهيبة هذي ..


هههههههههههههههههههههههههههههههههههههههـ


لا لا جد شكلي كان غبي مدري إذا فيه واحد طبيعي يوقع ذي الوقعة ومن الحماس يقول واو!!

:

/



COMMENTS#

فقققرتي المُفضلة

ي ربــآآه ويلكم بــــآآآك

ششفتتت تصاميمك، مستواك ما زال كما هوَّ سحقًا لَك !! توقعت لمن أرجع أشوفك تنافس شعشع!!
عمومًا مازلت من المفضلين عندي في إختيار الخطوط + شُكرًا

سايو

زومبي عادَ إلى الحياة !!

نعم

انتِ أحبّك

أهم شيء نشوف اسمك بالمنتدى حتى لو كان بس بالمدونة

شُكرًا ..تدرون عادني ضعيفة لما أحد يمدحني معرف واشلون أرد!! احسبني كتبت كلام رهيب

ياختي طلّتك لحالها هيبة

أوه اهلا سايو .. ولكم باااك منورة ^^ سُعدت برجعتك

أوووووووووووووووه شفففففففففف من هنننننننننناإ!!!!!! ثُعببااان ..عساك بخير ومستأنس
بدراستك، ولو ما أتوّقع وضعك يكون أرحم من وضعي
إيييييه، ما أشوف لك تفاعل بالمدونة عسى يكون المانع خير؟؟ + سعيدة بتواجدكم كذلك شُكرًا لك

بس ليه تستخدم فيس النفسية ياخي لييييه تدري ان ذا فيس مشؤوم في العاشق نستخدمه
للطقطقة ولمن نكون منفسين

^ أدري انّك ما تقصدته بس عشان المرات الجآيه تستخدمه بقصد المعنى

ياريتك جبتي السمك من زمان ع هذي الحالة

تدلل، بكرة بنّزل لكم تدوينة عن سمكاتي اللطيفات ان شاء الله دحين متكاسلة ارفع الصور ..

ولكم ي روحي نورتي المنتدى كلو من اجديد اشتقتلك حيللل

تشتاق لك العآفية ي حلوة ..منّور بتواجدكم ولو

العائلة كلها بما فيها الوالد يهتمون بالمزرعة اللي عندنا بالبيت، ودائمًا اتفاجئ بأشياء جديدة خصوصًا لما عرفت أن عندنا شجرة كرز بالبيت ، المهم أنا العكس تمامًا، لا أهتم بهذه الأمور أبدًا، ممكن فقط النعناع يهمني لأني أحب شربه مع الشاي xD

اووووووووووووووووووووووووووه نيّالكم ما شاء الله! أشجار الكرز شكلها رهييييييب في الربيع
ورودها تجنن ..ولا يهمك، صبرًا جميلًا لما تصير عجوز كذا هرم بتصير تهتم فيها لا اراديًا <براااااااااا

+ وانتَ الصادق شآي النعناع خاصة في الصيف لا يقاوم، ولو ما جربت الشآي بالعطرة التركية أنصحك
فيه بما انّك تحب النعناع اتوقع العطرة بعد بيعجبك طعمهاز

ع قول المصريين ( كان في جرا و طلع لبرا ) . قبل كنتي بتحتاجي مجهر حتى تشوفيها لكن هلق .. صار بدك منضدة حتى توصلي اغصانها ( too short girl )

"لحظة صمت" < تعبت وهي توضح ان طولها طبيعي.

منوورة يا فتاة *^*

اشتقت لطلّتك يا فتاة *^*

يا الهي!! ما زلتَ حيًّا ؟؟؟؟ هههههههههههههههههههههههههههههـ أمزح امزح، جد ياخي ما شفنا
لك تواجد سبحان الله تقوم تبيّن مع رجعتي، ويلكم باك يا اخطبوط

لا نخافي كلنا هون مو طبيعيين انا عن نفسي ممكن اقعد اضحك و انا عم اقع فهذا عادي .. لكن اهم شي خبرتيني طريقة لرفع نسبة الادرينالين لهيك كل يوم لازم اقع من سطح البيت كذا بيتضاعف مليون ضعف

اللهمَّ لك الحمد ..ذا واني جربت الموقف شخصيًا ما فكرت أعيدها حتى أرفع نسبة الأدرينالين!
الا صحيح ..خلّك من الأدرينالين احيانًا تكون نتائجه غير حميدة!!! فيه اشياء أبسط ترفع من مستوى
الدوبامين وهو أفضل، مثلًا تحضن شخص في البيت! أخوك، اختك، الوالدة ...الخ، جربها ما تخسر شي.

:

ختامًا، أشكر اللي حطوًا تقييمات فارغة، والمتابعين بصمت
حتى لو ما علقتم مروركم لحاله يسعدني أكثر التعليقات اللي وصلتني على حسابي في
صراحة كانت بخصوص المدونة! تفاجأت ما توّقعت تستلطفوها نهائيًا، سسوو مُمتنة لكم جميعًا شباب.

دُمتم سآلمين.

:

/



بـاااااااااااااااااااااااااااااااااإك، يّب تخيلوني أصرخ بوجهكم بصوت عالي
جبت معي سمكاتي





لبببببببببببببببببببباااه الصغيرين اني xD xD xD ..خلّونا نتعرف عليهم وعلى اسماءهم ، نبدأ من اليمين
الصورة كانت في أوّل يوم لهم معي ..وهو نفسه اليوم اللي نزلتها في الأنستغرام وطلبت من الشباب
يختارون اسماءهم نيابةً عنّي (شيء من النادر اسويه ) ..وما شاء الله ما قصروا المتابعين تفاعلهم كان
رهيب .. المُهم


اصغر وحده بين السمكات اللي في أقصى زاوية اليمين تحت، سميّناها "لافندر - Laveneder" كان اقتراح
من بنت أخـوي ، عطر اللافندر يساعد على التخفيف من التوتر ويعطي احساس بالهدوء ..وبما ان
السمكة هذه كانت الأهدء والأصغر من بينهم سميتها لافندر.


البرتقالية ..آاااااااااااااااخ البرتقالية سرقت الأضواء ..حصلت لها اسماء كثيرة لكنّها كانت روتينية بإستثناء
الاسم اللي اختارته يامادا "أكانوكو - Akanoko" اتوقع واضح ان الاسم ياباني بمعنى "ابن الأحمر"


اما السمكتين اللي في الصـورة الـوسطى، من نفس الفصيلة، اللي لونهـا غامق سميتها على اسم دلع
اختي الكبيرة "سوس - Sus" هههههههههههههههههههههههههههههههههههـ، والسبب؟؟ اساسًا بالبيت
اختي معروفة بكونها "سمكة والمول بحرها" فأكيد ما راح أضيّع على نفسي فرصة تسمية سمكتي
باسمها (علمًا بأن ردة فعل اختي ما تبشر بالخيـر متـأكدة بأنجلد إذا ربّي كتب لي أشوفها في الصيف).


وأخيرًا اللي لونها فاتح، هذي سلّمكم الله زميلتي في الجامعة اختارت اسم Papo، البنت اسمها Papusha
ومرات ندلعها Papo ..سووو، ذي السمكة كانت الأنشط من بين الجميع، حالها من حال زميلتي واني احب
البنت هذي xD وبكذا صار اسم السمكة "پَپو - Papo"


:


ما أوصف لكم وضعي أمّي من زمان وعدتني ان جبت حيوانات للبيت ما تعتني فيهم ودحين لا جيت
أقول سمكاتي محتاجين كذا، كلهم يهجمون علي يقولون مشكلتك !
اصلًا عادي أقدر اعتني بسمكاتي بنفسي!!! < تاريخي مع الحيوانات الأليفة تاريخ أسود مأساوي


شكلهم كيييييييييوت الففففففف ودّي أكلهم

:

/

كل ما في الأمر
أن الليل طويل
والأغصانُ تتبرأ
من ذنب أورقها
والخريف يرتدي
صوفة الشتاء
وعينيكِ ..بعيدتين.
وذلك كله يدفعُني ..للجنون!

حيرة - محمد السالم

#كلاكيع


رجعت لكم ومعي سالفة كذا ميتة سحلتها سحل بالحبال وجيت اعلقها هِنا ..
طبعًا
فتحت المدونة على أساس اشارككم وش صار من موقف معي اليوم وكيف الدكتور الله يحفظه نرفزني
ورفع لي ضغطي كأنّي ناقصة وجع راس يعني، كذا فجأة ما اشوف الا وحده من بنات المجموعة مفجوعة!
ترسل رسايل حق واحد سكران ..خير يا بنت وش فيه؟!


- تم اختيار بحثنا ليقدم في مؤتمر سيعقد قريبًا.


طييييييييب خير!! من بين الزبرطعش خمسين بحث المرمين في المكتبة ما طاحت عينهم الا على بحث
فريقي المسكين الطآمة مو هنا! الطآمة الكارثة


- تم اختيارك لتقدمي البحث للسادة الحضور في اليوم الفلاني الساعة الفلانية.


يَ ساتر
لييييييييييييييييييييييييشششش!! من قال لكم لي نفس اقدم بحث لوجيهكم واشكالكم المنفوخةةةة!!!
استغفر الله
فرحت ان البحث انتهى على خيـر وبركة. قلت اسلمه للمشرف وافتك ويفتكون مني، نسفوا لي فرحتي
الله يزلزل شياطينهم.

:
/


#نعمة


مسسسسـاآء الخير يا خَفافيش الأرض اللطيفة ! وش مسهركم للآن يا حلوين؟
الأسبوع الي فات هذا يا انه كان اسبوع ما شاء الله مليييييييييييييان شغل وانشغال وتعب وارهاق
لدرجة دحين الوجع والوهن مسيطر على كل خلية بداخلي xD

دوام وتجهيز للمؤتمر ومواكبة لهوايتي في التصميم وحياة شخصيةة ..الخ لدرجة كنت أقول رجعوني
طفلة طفشت من عالم الكبار ههههههههههههههههههههههههههههههههههـ
الحمد لله انو المؤتمر انتهى على خير وكان نجاح مُبهر وانجاز لطيف بحياتي وحياة فريقي الكيوت

:

السالفة يا جماعة الخير جيت أقولكم قد ايش اخوي الكبير نعمة بحياتي! ياخي أتعب واني اوصف
هالإنسان ..ما شاء الله على شخصيته بكل صراحة أولاده بيكونون محظوظين فيه يا حظهم بأخوي
^ بديت أغار منهم قبل لا ينخلقوا سحقًا

في يوم الثلاثاء الي فات رجعت البيت شبه ميتة من التعب، اخوي الكبير بيومها كان متواجد بالبيت
اني ارجع متأخر تقريب الساعة 4 العصر وأخوي غالبًا يبدأ يتجهز لدوامه بذا الوقت باستثناء ذاك اليوم
كان مُجاز بالبيت، المهم

تخيلوا انه جهز لي الغداء وجلس يسولف معي طول ما كنت أكل عشان ما أحس بالوحدة!! لأني
دائمًا دائمًا دائمًا اتغدى وأفطر لحالي وفقط على العشاء أجتمع مع الأهل
بعدما أكلت تسطحت ومدري كيف غفيت! كذا مجرد دقائق "قيلولة" صحيت منها لقيت أخوي مجهز
لي شاهي عشان اصحصح وابدأ دراسة
ياخي أتعب واني اقولكم قد إيش البنت تكون سعيدة اذا اخوها يراعي حاجتها، يغنيها عن العالم

فعلًا، وجوده نعمة بحياتي الله يرضى عنه ويحفظه.
عسى الله يحفظ لكم اخوانكم وأحبابكم فردًا فردا ويرضى عنهم أجمعين



وَدمتم سآلمين

:
/

مدري وش فيني اليوم من الصبح كل وقتي مماطلة وتهرّب من الواجبات

جيت أكتب لكم عَن فريقي الخُمبقي
جامعتي تستخدم نظام "SGL" التعليمي، حيث يتم تقسيم الطلاب لمجموعات صغيرة وما الى ذلك ..

الفريق حقتي يتكون من 5 بنات و 4 أولاد أو صبيان أو سموهم ما شئتم


#البنات.

فرفورة = الأوكسجين اليومي حقتي هممممم، فرو تتميز بشخصية قوية وثابتة، من النوع الي
يتعمق بتفاصيل الأمور ولها عقلية مَرنة ومنفتحة. Fro بحرف الـO

سمسم (سما) = سممممماآ!! أم قلب مفقوش ألطف وحده بالمجموعة، حساسة جدًا وتتأثر
وتبكي بسرعة، من أكثر الأشخاص الي قابلتهم مراعاة لمشاعر غيرهم، + مدمنة قهوة

ميمو = مجنونة هذي (: !! عصبية جدًا وتتنرفز بسرعة وجريئة لحدٍ ما وما تقبل الغلط من أحد، نهائيًا!!!
متعاونة وتقدر تتحمل مسؤولية أكبر منها + ذكية جدًا وسريعة البديهة

زيزي = زيزووووووش وما أدراكَ ما زيزوش xD أصغر وحده بيننا، كيوت كيوت كيوت جدًا وهادئة وما تتدخل
بمواضيع غيرها + البنت جميلة وجذابة بشكل ناهيكم عن كونها ثقيلة جدًا

سآيو = العقل المدبر! وقت الجد جد، وقت المزح مزح وما بين المزح والجد لا محل لي من الاعراب


#الأولاد.

مالي خلق أسولف عنهم بالتفصيل !!! كل واحد منهم له لقب كما العادة. عندكم أولهم أخونا أحمد
هذا انسان حَباب ومحترم وفيه نوع من الفهاوة مدري كيف أوصفها :/ عمومًا هو ممثل المجموعة ولو
احتجنا شيء ما يقصر.

ثانيًا "كوااااااااالا" هذا عدو "فرو" اللدود، ياااااااااخي هذولا ما يتوالموا مع بعض بشكل مخيف
سوالفهم عبارة عن قصف جبهات متبادلة، بعيدًا عن هذا ماله دور مهم.

بيبو، مشغول بحياته وبنفسه وطول الوقت غايب ومضيع الأول مع التالي، عفوي جدًا بصراحة نحن
ما نفهمه بشكل جيد.

ختامًا، الشيخ ههههههههههههههههههههههههههههههههـ سحقًا، لو حطيت الدلع حقه بعد كلمة
شيخ بتصير خلطة كارثية فخلونا نكتفي بالشيخ ..من اللقب باين، محترم وماله دخل بالبنات نهائيًا
+ ميمو تخاف منه !!


**الألقاب هذي متداولة بين البنات فقط عشان احاديثنا السرية وكذا
طبعًا نحن البنات كلنا صديقات مقربات ووجودنا في نفس المجموعة كان شيء مخطط له مسبقًا!!
الأولاد تم اختيارهم بشكل عشوائي معنا واساسًا وجودهم من عدمه ما يغير شيء

:

إنعدام الاحساس بالمسؤولية يخليك تكتب كل هذا، ضمير ماكو انقرض من زمنمنيات ..