محشش خمس نجوم

حيوان الشيب :: يقولون شيباننا انه سلاله نادره نتيجه لتزاوج الذيب مع الكلب ،،

ويذكرون انو حيوان الشيب وافي جدا جدا مع ( انسان واحد في الحياه ) وهو الذي يرعاه وهو جرو ،، و يقولون ان الشيب يذبح ثلاثه ذئاب في نفسه الوقت وهو حيوان شرس ،، وانا مصدق لحد الان ان هالحيوان موجود فعلا والدليل ان شيباننا شايفينه بالجبال
وفيه واحد من الشباب مصوره ( بالجوال ) وان شفت هالمقطع بنفسي ،،

والدليل اللي قطع الشك في اليقين تم اصطياده قبل فتره في احدى الجبال في المملكه ،،

اعترف اني غادرت عالم الانمي خلاص ملينــــا ::

الله ياخذ ابو الانمي على شركات الانمي على المانجاكا نفسه :: ياخي انمياتهم سامجه جدا جدا جدا جدا جدا

و طفوليه لأبعد الحدود ,~

,~,

راح عمري وانا ادور انمي كويس ,, عجزت الاقي شي اقدر اتابعه

الله يرحمك يبو عبدالله و يغمد روحك الجنه ,,


والله العظيم لو انه حيّ وموجود للحين اني باخذ اجازه اسبوع من الدوام و اطلع اشوفه و اعطيه بوسه على خده و جبيـــنه ,,والله لو يقولون انه في القطب الشمالي بروح لمه ,, احبه هالانسـأن

على فكره انا مستعد ادفع ميه الف وابوسه

,,

اليوم الصباح جاني خبر وفاه ( جدّه ) واحد من الشباب ,,

حبيت اني اقوم بالواجب ,, و ارســلت له رساله مفادها ( تعزيـه ) :: وصيغتها كالأتي ::

( مأجورين , احسن الله عزاكم , الله يرحمها و يغفرلها و يسكنها فسيح جناته , جعلها اخر الاحزان ان شاء الله )


فــ جاني الرد الذي صعقني و اربكني في نفس الوقت وقال :: ( مين تقصد ؟ )


اجبته :: ( جدتك توفت وانتا لا تعلم ؟ )

فما كان منه الا السـكوت ! << لانه صاحي من النوم المسكين و ما درى !!


~,


موقف محرج حصلي !! ايش رايكم ؟ هل تعتقدون لو اني ساكت وما عزيت أحسن ؟

بالنسـبه لموضوع ( زوج العضو اللي قبلك بشخصيه انمي ) و الذي يقع في قسم الترفيه

شايفيني خطابه مثلن !

يا شبيه صويحـبي حسبي عليك ,

مستويات الجمال ( عندي ) كالأتي ::

- جمال قليل

- جمال اقل من عادي

- جمال عادي

- جمال فوق العادي

- جمال ممتاز

- جمال استثنائي

- حرف الراء من فم طلال مداح

من تالي صرت اعيش حاله من التوتر اللي يشد اعصابي و التفكير المفكك الغير متناسق و مو فيه محلــه ,, صرت ( مفهي ) ,, احيانا انتقد فعلي و اقول ( لا تفكر الدنيا تساهيل ) ثم افعل العكس ,,


اسأل الله السـلأمه ,

^

الواحد يوم يتذكر انه عايش بخير و صحته زينه ينسى كل شي ,, بقولكم سالفه ::

قابلت واحد من الشباب اتعرفت عليه في احد المجالس وصارت بيني وبينه علاقه ,,


يقول قبل تسع سنوت ايام ما كان عمري 20 سنه كنت عايش حياه بدائيه جدا ,,

( يعني بدوي عايش بخيمه و حلاله عنده ولا فيه جوال و لا تلفون و منقطعين عن العالم )

يقول كان عددنا اربعه انا و امي و ابوي و اخوي الكبير,

يقول في احد الايام ابوي تعب علينا و انمرض ثم جاته سكرات الموت وهو بين احضاني انا وامي ثم

توفى ابوي الله يرحمه ,, و بعدها بشهرين اخوي الكبير اسافر لى الجهاد في العراق و صرت انا وامي الحالنا ,, يقول بعدها انمرضت امي بالسرطان وماتت !!

يحلف الرجال يقول اقسم بالله صرت الحالي انام بالخيمه بالبر و اشوف ( الجن ) قدامي يمشي و

من الهّم اللي في قلبي ما احس ,, صرت وحيد ماعندي احد يقربلي و لا فيه احد من جماعتي ,

, خوالي جاحديني و عندي عمّ واحد ساكن في الرياض ضفني عنده بين عياله ,,

يقول ان عمي باع الحلال اللي ورثته من ابوي و حط كل الفلوس بحسابي بالبنك و وظفني

عسكري شرطي ,, وبعدها زانت اموري والحين ابغى اتزوج !!


انا سمعت القصه حسيت اني انسان تافه و جميع احزاني و همومي ولا شي عند مصايب البعض ,

!!!!!!

الشاهد من القصه ان الرجال يحكي معاناته وانا اللي كنت أحسبه سعيد ( لأن شكله و لبسه و اسلوبه و ضحكه وخفه دم تدل على هالشي )


الحمدلله

يا اخوان النوم فارقني !!

من قومتي يوم السبت الساعه 12 الظهر مانمت بعدها !!!!!!!!!

ورحت للدوام و رجعت ومانمت ,,, ولاني حاس بالنوم وش السواة اول مره تصيرلي هالحاله ,,

حاليا اكملت 40 ساعه مدري اقل