طز مبدئياً فيك لين تثبت العكس ، طيب ؟

-






خذني صباح يشبهك
كثر ما أيقنت أنك شبيه الغيم و الروح و الضيّ
جعل العمر و أحلامنا كلها إنتَ ياللي صباح الناس دونك ولا شيء .





و يسعدلي صباحكم

-

شايفين الطفش مُمكن يعمل إيه ؟

دائماً فيه حكاية ورا مقولة "بس اَسأل"
يَ ترا إيش الحكايه إلي خلته يسألني هالسؤال ؟ - حيره -

بقولكم شي ، أنا بنت أبدًا أبدًا ما أتابع أي إنمي !
أحب الأنميات الأكشن و القتال و الحماس و كدا ، و هالأيام كل الأنميات إلي بشوفها مُخيسه .
و من الطفش جالسه أعيد حلقات بليتش من جديد ههههههههههه بس والله حماس
يعني الحمدلله ع نعمه النسيان ، لو مانسيت الأحداث كان ماحسيت بحماس كدا بس لأني ناسيه وش صار
لو طفشت أرجع أعيد الأنميات وبس الأنميات إلي أعيدها : كونان - ناروتو - بليتش - هجوم العمالقه
ماعندي أنميات حلوه و حماسيه كدا تعجبني مافيه و فيه إنمي صح إسمه : رئيسه مجلس الطلبه نادله
أحب الأنميات إلي من هالنوع كوميدي و مدرسي و رومانسي بس مافيه إنمي حلو .
أنا عندي أهم شي و أهم قانوق قبل لا أتابع أي إنمي رسمه يكون حلو و كويس .
إيوا ها بتفرج شي حلو و يفتح نفسي مو أشوف رسم مُخيس زي " ون بيس "

و صرت أتفرج دحين مُسلسلات إمريكيه زي

- Pretty Little Liars
- The Vampire Diaries
- The Originals
- The Walking Dead
- LOST

السؤال هِنا :
بِ إيش تنصحوني من إنميات حلوة ؟

-






اللي تقول له شئ بطيب نيه و يفهمها غلط !
كمل معاه بنفس اللي فهمه ، شخص يسئ الظن فيك مو لازم تبررله .







سلفر : تخيل شكلنا أنا و ياك توأم ماش مايجي هههههههههههههههه
نجي لِ كلاوس و أخته الكلبه ، كلاوس مخيس وحيوان بس أحبو يخي يعجبوني الأشرار .
و الموتى السائرون أخخ متى الموسم الخامس بس من جد حماس .

سحابه الأمل : سكيب بيت ! حق هدولاك الولدين المغنيين و البنت المعجبه هههههههههههههه
خساره شفتو بس مافيه تكمله يعني جزء تاني وكدا !؟

كورساكي : كروسان هههههههههههه إنمي هانتر إلي هوا القناص سامج
يعني زمان كان حلو بس يوم عادوه حسيتو سامج خخخخخ





معليش دوبي أفضى و أرد ع تقييماتكم ههههههه والله مُنكرفه

-

صورتين تُعبر عن وضعي من أسبوع .

الفتره دي مُستعده أخسر كل الناس !
بس اهم شي ، مزاجي ما يتعكر .

لأن لو خسرت المزاج حَ يخرب عليا كل شي .

هوا أنا قايله لكم إني أدرس ؟ خاشه إنتساب أول متوسط بسبب الظروف قطعت عن الدراسه .
بس يوم تعدلت الأوضاع قدرت أرجع و أدرس و خشيت إنتساب .

شايفين الأوراق ؟ خلتني أخد وضعيه الأخطبوط هالأوراق كلها تحتها + خمسه أوراق !
يعني كل ورقه وراها مُدبسه 5 ورقات .
كتير مره صح ؟ والله أحزن يخي أنا حزنت ع نفسي

أنا بِ المواد العلميه ماش من جنبها مخي يستوعبها حق دقيقتين بس و بعد كدا يفرمت .
بس كويسه و جدًا في المواد الأدبيه يعني شي يخليني أستغرب !
كل عايلتي شُطار و دوافير في المواد العلميه و عندي أبويه و أخويه الكبير مُدرسين رياضيات و التاني فيزياء
و أختي إلي أصغر مني أحسن مني و أنا ماش شاطحه في العايله

يالله عليا مادتين رياضيات و توحيد .
يعني الساعه 30 : 7 يبدأ إختبار الرياضيات والله ماغير أراجع طول الوقت .
فاهمه كل شي بس أخاف أنسى يالله ربي يعين .

-





أمي لو تقولي قفلي الباب بقولها عليَا إختبار !
اهم شي ما أسوي شي


الحمدلله باقيلي الحديث و الفقه و الأنقلش و العلوم و أخلص إختباراتي .
وجع والله كتير
الدين سهل ، الأنقلش نص و نص و العلوم أف يباله فهم دا كمان مدري وش حَ أسوي فيه .
حَ أصورلكم نتيجتي لمن أخدها بس لو كانت الدرجات ماش ما حَ أصورها


سلفر + aSeeR~ pRo
ربي يسعدكم إيوا كدا كترولنا من الدعاوي الحلوة دي
سلفر اليوم و أنا خاشه الأختبار جيت في بالي أقول سلفر قال أستودعي حفظك
وجلست أدعي ههههههههههههه .

- رسالة :
السكوت علامه الإكتفاء من الكلام ,
اللي في الغالب مايجيب نتيجه .

-

دحين الواحد مافلح بلغته البرماويه كيف تبوه يفلح بالأنقلش ؟

يعني من جد ترا ! أنا يالله يالله بهرج عربي كيف يبوني أهرجلهم إنقليزي ؟
كيف يبوني أكتبلهم لغه ماهي لغتي و أصلو أنا ماني عارفه وش الهرجه ؟ وش عنوان الدرس
وعن وش يتكلم أساسًا كيف يتوقعو إني أعرف أقرأ إنقلش ؟

ولا كمان قلك إيش ؟! قلك بيحطو لنا فرنسي ! إحنا خلونا نفلح بالقواعد و اللغه العربيه زي الناس
بعدين فكرو تضيفو لنا إنقلش و فرنساوي وش أسوي دحين ؟ وش أسوي بكرا ؟
الجواب " بجيب العيد و أكتب من راسي "

المفروض يشيلو عننا إحنا المُنتسبات هالماده ! لأن مافراسنا ههههههههههه
هوا حلو بس الأنقلش مادة يبالنا نسمع لها و نفهم مُصطلحاتها و كدا .

لو يدرسونا اللغه اليابانيه ماعندي أي مُشكله هادي اللغه إلي مفروض يدرسوها لنا لأن أُتقنها

عمومًا أحب أقول
" ذكي في الحياه أفضل من ذكي بالدراسه "

و شكرًا .

-

أول شي شكرًا لِ Ŋαwααг و sherlock holmez
ربي يسعدكم ، لأنكم دعيتولي

شاي حليب : منور يا عزو تشرفني مُتابعتك .

كم تدفعين وأعلمك إنقلش ؟

شايفين التقييم ؟ ترا من هالعضو ραѕѕєяву
عماد صح ؟ إلا إلا عماد من شفت تقييمك و أنا عارفه طبع عيال مكه !
ماعندهم شي ببلاش لازم مقابل يخي أنا بنت مكه زيي زيك ، أقل شي راعيني
بس شكلو مافراسك و جاي تقولي بفلوس عشان أرفض

S i l v ε r : الأنقلش حلو زي ماتقول جميل ، بس إلي مافراسه مافراسه .

الموهيم ، لاحد يسألني وش سويتي في إختبار الأنقلش لأني جبت العيد
و زي ماحطيت الجواب في ردي السابق " حَ أجاوب من راسي " و إلي فيها فيها .

جايبتلنا سؤال كلمه و مُرادف هالكلمه !
أنا أصلاً ماني عارفه وش هالكلمه وش تعني ! كيف تباني أجيب لها مُرادفها ؟
< محد خلى المكان فاضي و ماجاوب فيه

دُعاء " يارب تصحح الورقه من غير ماتقرأ وش مكتوب " قولوا - أمين -

عليا الأحد علوم و أخلص الاختبارات ، 4 أسابيع و أنا أختبر من جد طفشت
يبغالي أحفظ 37 تعريف ! أهب وش دا ؟ الأبله دي مُفتريه كيف دماغي حَ يسوعب
أخويه يقول برشششمي قلتلو لا مقدر أخاف أنصاد وبعدين أنا أجلس قدام .
قالي أنا زمان قدام المراقب أبرشم وعايدي مانتبه
بعدين العلوم كلو عن الحيوانات و الحشرات ! وش أستفيد أنا ؟
يرجع أخويه يجاوب و يقول : يمكن تصيري دكتوره بيطريه < يععع أخر شي أفكر فيه .

الموهيم حفظت نص التعاريف و الأشياء الي مدري إيش هيا و الباقي بكرا .

أقول سيبونا من هم إختبار العلوم ، الأندومي صار بريال ونص
< حاله من الحزن الشديد

-





تُدايما

قولولي أوكايري يَ عيال ههههههههههههه أخ زمان عنكم .
كل مره أقول أخش أخش بس أنشغل و أنسى

كيف كان رمضانكم ؟ و كيف كان عيدكم ؟
و كيف حالكم إنتو ؟

↓

11 / 11

كل عام و أنا بخير ، و عسى أيامي الجايه كلها أفراح
كبرت سنه مدري أنبسط لأني كبرت ولا أزعل لأني شيبت

أمس أختي تسألني كم التاريخ بكرا ؟ قلت 11 ، قالت يوه شايله هم المدرسه !
شف الوصخه حتى ما أفتكرت إن بكرا ميلادي رجعت أقولها ترا بكرا 11 / 11
تقول طيب ؟ بعدين تذكرت الوصخه إييييوا تاريخ ميلادك



^ إهداء لِ نفسي لأن عارفه محد من أهلي حَيعطيني وجهه





- رسالتي لك -

كنت أتمنى إهتمامك بس خلاص !
خلِ إهتمامك لهم و أنتبه لا يزعلون .

-


فيه شي غلط !
فيه شي صار و أنحذف أخر رد ليَا هنا !!
حتى التقيمات راحت :/
لا يكون كتبت شيء غلط وقامو المشرفين حذفوه

ماعلينا خلاص نجي لشيء الموهيم ...
يوم طحت ع السناب وعجبني طلعو برنامج جديد !
إيش شغلات النداله دي

***




^
8 شوال 1436
كان من أتعب الأيام و أجمل الايام
شي محد كان متوقعه صار في دا اليوم



^
ようこそ、わが家へ
Welcome to my home
يوكوسو وقايا إي < أهلا بكم في منزلنا
من أداب الضيافه تعطينيا باسورد الموديوم حقكم ههههههههههه



^
كل شيء لن يتغير إلا إذا غيرت نظرتك لكل شيء !
<< من أيام الفضاوة






* * *

تعالوا أقولكم أكبر شي ماقلتو لكم وهوا أهم شيءءء
تصدقوا إني من يوم 22 شعبان 1436 تركت شرب الديو وكل المشروبات الغازية !

إنجااااز ، وشكرًا