لا تَعيشوا لِأنَفْسكم ِفَقَط .. بَل إحْمِلِوا هَمّ " الدين " ..!

عن أبي هريرة رضي الله عنه قال :
قال رسول الله - صلى الله عليه وسلم - :
إن الله قال ( من عادى لي وليا فقد آذنته بالحرب ،
وما تقرب إلي عبدي بشيء أحب إلي مما افترضت عليه ،
وما يزال عبدي يتقرب إلي بالنوافل حتى أحبه ،
فإذا أحببته كنت سمعه الذي يسمع به ، وبصره الذي يبصر به ،
ويده التي يبطش بها ، ورجله التي يمشي بها ،
وإن سألني لأعطينه ، ولئن استعاذني لأعيذنه ) رواه البخاري .

..

اللهم ارزقنا حبك وحب كل عمل يقربنا اليك

نفسيتي كنها وحدة مرفوع ضغطها من حرمة ابوهاا وقالتلها امسكي عيالي وانا بروح زواج

هذا وضعي مع الثلاثي المدهش

..

باقي 8 ايام ومطلوب مني قصة ..

للان ما ادري وش نوع القصة اللي بكتبها

المشكلة مو هناا .. انا ما عندي ﻻبتوب

ولو طلبت احد وحسيت انه بيصرفني عفت الطلب اللي ابيه

ما عليه بكتب بالجوال وارسلها بالواتس ﻻاا مو بالواتس باللاين ﻻني حذفت الواتس

للي طلبني

خنقتني العبرة على نفسي .. وحزنتني

لحد يبكي بالله

مهارة الاقناع .. عشان اقنع اللي قدامي برايي

المدربة مره قالت لناا كل مجموعه يتفقوا على موضوع اﻻ وحدة منهم يكون رايها مختلف

وعاد قامت اختكم في الله طلعت بموضوع وظيفة المراة كلللهم مؤيدين اﻻ انا معارضة

بحكم ان الله قال .. وقرن في بيوتكن ..

مشكلتناا ذكائنا العاطفي مودع يعني ﻻ مهارة اقناع وﻻ صبر وطيلة بال

وشوي ونتشاعف انا والمجموعه .. من جد طنقرنا

نفس الموقف صار امس انا واخواتي

تجادلنا لنفس النقطة وكلهم كانوا ضدي وانا يمين ما اغيره كلامي

وبالاخير كل وحدة جالسة لحالهاا مرفوع ضغطها

يعني اول شي ﻻزم نستخدمه عشان نقنع اللي حولنا بفكرتنا

ﻻازم نسمعهم ﻻااازم ﻻاااازم

وبعدها عندنا لغة ميلتون فيها الكثير من الطرق اللي نقدر نغيب الواعي

وتروح فكرتنا للا واعي مباشرة

طبعا وقت الجدال انا ما افكر ﻻ بميلتون وﻻ بمهاراته

افكر ارفع ضغط اللي قدامي مثل ما رفع ضغطي《 انشهد ان الدورة جابت نتيجة

وجاري تغيير هذي الصفة الخايسة باذن الله

وردية .. يا حبيبتي انا معارضة لعملها وبشكل متعصب

ولو فتح النقاش من جديد صدقيني بتوتر .. لكن لك ذالك واعطيني رايك

بسالك

الحرمة يوم تتوظف في فراغ كبير بيكون بالبيت .. مين بتغطيه ..؟

الشغالة .. طيب

يعني العيال تربيهم الشغالة وهنا وظيفتها اللي خلقها ربي لها صارت للشغالة

ولو افترضنا انها مو متزوجة .. كم فتنه معرضة هي لهاا وقت خروجهاا

اذا كان صلاتها في بيتها افضل .. كيف لو كان غيره

بتقولي اصلا الحين محد يجلس واهي الاسواق مليانة ومن ها الكلام

اقول لك يا عمري قول الفضيل بن عياض رحمه الله

اسلك طريق الحق ، ولا يغرك قلة السالكين .
وإياك وطرق الباطل ، ولا يغرك كثرة الهالكين .

..

هذا رايي واختلاف الراي ﻻ يفسد من الود قضية

^^

امس قلت لاخوي الكبير عن حديث النبي صلى الله عليه وسلم

( تكون النبوة فيكم ما شاء الله أن تكون، ثم يرفعها الله إذا شاء أن يرفعها،
ثم تكون خلافة على منهاج النبوة ......) الى اخر الحديث

وهو حديث صحيح

وتناتفنا انا وايااه لين تفلت العافية

كل ما لف قلت له تصدق النبي صلى الله عليه وسلم

قال اكيد

قلت اجل لا تعارض

وثواني ولا ضغطي مرتفع وارجع اهدده

بالاخير قطعنا السالفة ولا احد فينا اقتنع برأي الثاني

للان على قد ما اخذ دورات واسمع لمدربين ما قدرت اقنع احد

ولو اقتنع احد بكلامي يقول لي بعد سنة اني قلت كلام ذاك اليوم واقتنع فيه < عيب يا أخي عيب

وردية حبيبتي .. كلامك جججدا جميل وراقي < انشهد اني كشخة

بس سؤال بالله

كم نسبة الحريم اللي يوفقون بين عملها وبيتها بدون الحاجة للشغالة

وبدون تقصيرها في حق امها وابوها ..؟؟

حددي انتي ..!!

..

الحمد لله خلصت المطلوب مني

يا جماعه الكل مثلي ولا انا بس

لما اكتب مقطع مؤثر ابكي ..؟

طيب انا الفته ..؟!!

كيف ابكي ..!

الحلوة اللي قيمتني اسمها صعب ما عرفت اقراه

احترم رايك يا روحي وصحيح كلامك لكن ما قال الله وقرن في بيوتكن اﻻ لحكمة

ﻻ اعارضك يا عزيزتي وبالتالي لن اغير رايي

وكل واحد وقناعاته

تشكري ع المشاركة يا حلوة ..

..

وردية .. قلتيها قليل ودرء المفاسد يقدم على جلب المصالح

المشكلة ان بعض الناس موهميناا ان المراة لو جلست بالبيت في دمار للمجتمع

رغم ان في حلول سهله وخاصة لزماننا هذا .. بس هم حاطينا براسهم

وغصب غصب نحط مساواة بيننا وبين الرجال

وحتى لو خرجت .. هل بتتقيد بالضوابط الشرعيه ..؟

اوكي تخرج بس الان وفي وقتنا الحالي والله ﻻ تخرج احسن لها ولغيرها

حتى لو الرجال بيحفظ نفسه ما يقدر

ﻻ استرسل ﻻن الكتابة بالجوال ترفع الضغط 《 ما عندها لاب توب

..

بالنسبة للقصة انتهيت منها ولله الحمد وبكيت ﻻني استحضرت مشاعري المرهفة

وغثيت اهلي .. بس للاسف عندي ناس ما يستاهلوني

احزنك وانا اطلب رايهم .. وكلهم ساحبين علي

الحمد لله على كل حال ..

يوما بعد يوم ازداد فتورا

يا رب ردني اليك ردا جميلا

..

مع الفتور نفسية تجيب الجلطة

والسبب ﻻشيء

ايوالله كذب ودلع بسس

وﻻ غيره وﻻ شي

المشكلة لو اطاوعني بنقلب ساندريلا بدون امير

كذا يعني لله احس ان الكل ظالمني

ولما افكر بالحق احس ان ودي ادعسني وﻻ ارميني بالخط السريع

في شي كنت بقوله بس نسيت

ايه في برنامج متهور جججدا وجميل جدا

طلع كل اللي بقلبي من القهر السياسي والهياط العلماني الليبرالي

بالمقابل شفت حوار لشيخ سلفي رايق وهادي وراقي

مع ليبرالي وقح جدا جدا جدا رفع لي الضغط

يعني من زين النفسية حق اني اتابع ها الغثا

..

ﻻ ننسى اخواننا المجاهدين في يبرود

فوالله هاهم الان يسطرون اجمل البطولات

فمالهم اﻻ احدى الحسنيين اما النصر او الشهادة

موقفهم عصيب ولكن املهم بربهم كبير

ربي عجل بنصرهم وتقبل شهداؤهم

وانا اتطلع في المدونات قبل قليل

لقيت مدونة صقيقتي نعمومة .. مدري وش هي بالانقليزي

ولقيت ها الاختبار .. قلت بس يمكن فيل يطلع وش ها النفسية اللي فيني

كانت نتيجتي كالتالي ..:

يراك البعض شخصاً مثيراً متقلب المزاج وشخصية متهـورة،
انت قائد بالفطرة وسريع في اتخاذ القرارات ولو انهـا ليست بالصحيحة دائما،
يرونك جريئاً ومغامراً وشخصا يرغب في تجربة أي شيء ولو لمرة واحدة.
شخص نهـاز للفرص، ويستمتع بالمغامرة
وكذلك يستمتع الناس بصحبتك بسبب الإثارة التي تصاحبك دوماً.

..

^^


روووء يا فيل روووء يا حبيبي 《 مأثر فيهاا الاخ نديم

الكل هارب مني بسبب ها الاثارة الزايدة لو قلت ما عندها لابتوب كمان

بس يعني يعني التحليل هذا في ريحة مني

اليوم الحمد لله روحي النفسية عالية جدا

هو من امس .. دقيقة متى كتبت الكلام حق اني نفسية اللي فوق ..؟

امس كتبته يعني مو من امس

اليوم ولله الحمد روحي عالية ..

وصراحة فرحت والله اني اخذت المركز الاول بالاعمال الفردية في المسابقة

بحكم فشلي الكبير بالتصاميم والشياكة المنتدياتية توقعت اكون في الاخير

وﻻ يقولون روحي العبي مع نواف ولين احسلك يا ام بدون ﻻبتوب

لكن المركز الاول والله ما توقعت شكراا شكراا يا مشرفين القسم

وشكرا كمان لرئيسكم 《 مخ اطفال يحس ان اللي كتب الموضوع هو اللي حدد

وصراحة كانت ها القصة بتتحكم بمستقبلي القصصي بالمنتدى 《 وحدة تبي زلة

ولعيونكم بروح اكتب قصة ثانية