ماذا تكتب على جدار الزمن

~

آنــة من الجرح يا صاحبي إتعافيـت ، عُبرتني المنيـة ويومهـة إتبدل

لملمت السنين ولحقكَت عالظال ، عالجت المصوفر قبل لا يذبل

تانيت أمنياتي اللي ما منعسة إتنام ، حتى أقدر بسكتة من القيود أفتل

عفت بيت أبوذيـة على العش مكتوب ، قلبي بفركَـة الخلان وجناح

وبديت أنحـاز للشمات وأجناح ، صدكَ خليتني ريشات وجناح

لكن صفكَ جنحي لحد غيمـة ، عفت ذاك الغصن هيمـة

عُمُر وياك أدور حل ، كبيـرة السما وين أسئل

أخاف أشرد وما أندل ، إلى أن قررت حسيت عمري اللي ضاع

شفتـة الطير ثاري من يطير أسهل ، أثاري العش عذر للي ما يعرف إيطير

أكَـول إشبيــه الشامـت ما يريد أرحل

~

حِكِت لأخطائك بنصين قلبي أعذار ، ترفــة إتغار منهـة حياكـة المغزل

أضوكَك بالجفن وأستطعمك بالروح ، وأتجمد ببعدك وبهواك أنحل

مدينـة ظني تشبه دولـة أفلاطون ، شفتك بيهـة فكرة إستبعدت تفشل

طيني إتغلب بقوة على نار إبليس ، تغلط و وآني أشوفك بس أبين أغفل

وأتلمس جفونك لمسـة المكفوف ، أريد ألكَالي دمعـة لو جفن مبتل

وأتركك وأسمع بعزتك تصهي الخيل ، خطوة أتكلك إمشي .. خطوة لا تنذل

وأنـة غيمـة برد ما بيهـة بس إفيآي ، أنطي الشمس ظهري وأنكوي أتحمل

مرآت أختنكَ لمن يجيني الليل ، أفك شباك هجرك وأوقف أتأمل

صيآد أحس روحي والنهر وشل ، أشوفك جاي ليـة وأركض أتخيل

أوصل للنهايــة وأبتدي من أول

~

يومٍ بدونك كنت أقضيـه مكسور ، تبطي الدقايق فيه والوكت يثكَل

روحي بجنبك مثلت شاهـد الزور ، والحق من صوبي إلى صوبك تِحول

كنت أرتجيك تكون في ظُلمتي نور ، والليل في روحي بالبعاد طوَل

لما تركتك صاحلي الشوق معذور ، والفرح من مُهر الأماني ترجل

عفتك .. بس أحس مدري إيش نسيت ويآك ، وإطمئان روحي والأمان إختل

أخاف من الندى و الورد ما أثق بيـه ، إذا بلبل إيغرد نآر يمـة أشعل

ورآك الماي صآفن والنجوم أحجآر ، خصر الشمس منة شفت ليلي إنسل

نسيتك .. وإتعظ كف اللي يفك الباب ، أحس لوحـة حياتي بفركَـتك تكمل

وأنـة وصيت قلبي وكَلت كولشي إيهون ، نوط جروحك على الروح شكلـة

ياقلبي وسبب ذل الطير شكلـة ، ومن يعرف شلون النوم شكلـة

لأن لا شايفـة ولا مآر بيــة ..

~

ما الحب إلا للحبيب الأول . .

انا واخي واخي



شوق يدفعني لاراها

~

أبشرك خلصو ما بقو عندي هواي

كل اللي مشتريهم رخصو بيـّة

أصافحهم وأحس بأطراف إديهم غيض

كاتل منهم وما دافع الديـّة

بسد نظراتهم دفنو شكثر أنياب

وأقول يجوز كانت عن حسن نيـّة

ويمر طاريي ويذكرون لي الشينات

وأصد الغيبة تسمي اللي تنوكل نيـّة

وآنة اللي كنت أظل واقف بالإستعداد

من أسمع عزيز يفوت طاريـّة

حسبالي العدد بيه ثمرة من إيزود

وعن قلة الواحد تفرق الميــة

بس تالي إدركت طين القلوب أصناف

والعشرة الطويلة إتريد نوعيــة

~

عرفتلهـة وإتعلمت ما أزاعل اللي يرحون

ولا عالباب أظل متاني ليليـة

من شفت الحلم ينوخذ مو عاللون

بعد بطلت أضم أحلام ورديـة

الناس إختلفت وظهرك إتجيه وين

إذا ما تلكـة حايط تكعد بفيـّة

لهسة وما أعرف عايش وياهم ليش

وإيذوب الثلج بس ينكوي شوية

حتة جروحي من عدهم خذتهن شوق

أبد ما حسستهم بيهة منيـّة

من سألوني صح قالو إنطوك جروح

لا، قلت للشماتة إنطوني عيديـة

شايف من تجيك الطعنة من أحباب

هيج جروحك تحس بيهة روحية

إتصور تبتدي تشتاق للجتال ، إذا كف اللي تطعنك بيهة حنية

المهم عاذرهم وكل اللي بقن سهلات

أنة الجرف اللي يسامح روج شاطيـّة

حتة من إنجرح ما دام همة بخير

آنــة بخير يعني وكل شي ما بيــّة

~