» ربما يأٺي يۋم أجد فيـﮧ| ما ضيعٺ في البح‘ـث| ع’ـمري • ♥

# سوالفنا _ موقف محرج = (

بسم الله " راج تكون هذي المشاركة باللغة العربيه الفصحى احتفالا بـ اليوم العالمي للغة هيا لنحتفل

هذي السالفة قويه تحملوا شوي بس عشان تشوفوا معنى الاحراج إللى طحت فيه "

كان لدي حصة فقة في صف الرابع و كنت مجهز التحضير لدرس و أموري بخير قلت الآن نباشر العمل و ندخل الفصل

بعد ما انتهيت من المقدمة وضعت عنوان الدرس " نواقض الوضوء " و بدأت اشرح و قلت أول ناقض هو

الخارج من السبيلين ما اخذت نفس إلا سألني طالب إيه هو السبيلين قلت البول و الغائط و الريح قال ايوه

اي هي الريح هنا و قعت انا في مشكلة كيف اشرح له فقلت له يعني الريحه الوحشه فضحك الطلاب ضحكا ضحيكا

فقلت لهم ما هذه الضحيكه فسكتوا و قلت له فهمت قال نعم يا استاذ يعني الطقعه او الفسوه فقلت في نفسي

سحقا لك لقد اهلكتني بسؤلك و سقطت على الارض اضحك ضحكا ضحيكا فقالو يا استاذ ما هذه الضحكيه

و سكتوا ثم قلت الناقض الثاني مس الفرج من غير حائل فقالوا ما هو الفرج هنا أكلت القش و استطعت ان اجاوب

قلت له الذكر قال ما هو الذكر فـ اكلت القش مره اخرى فـ ابتسمت ابتسمتا بسيمه و ضحك الفصل ضحكا

ضحيكا فقلت ما هذه الضحكيه فسكتوا فقلت له مخرج البول قال ازاي فقلت في نفسي سحقا لك يا ابله

قلت لما انت تغير ملابسك في حاجه لا تلمسهاش ننتقل إلى الفقرة الثانيه و ضحك الفصل ضحكا ضحكيا

و لم أقل لهم ما هذه الضحيكه و انتهت الحصه

شكرا لكم لحسن متابعه و اشوفكم بخير

. . .

# اختطاف معلم = )

بسم الله " ابشششركم الحمدلله تطورت المدرسه صار في سبورة ذكيه و كمبيوترات يا الله تطورنا

الحمدلله اليوم جربتها و الطلاب تخبلوا يوم شافوها جميله و تريحنا في حل التمارين "

يوم الاحد صار حدث مهم اختفاء معلم وقف سيارته عند باب المدرسه و اختفى و صرنا نتصل عليه

يقول انا قريب و فجأه ما صار يرد بدأت الحصة و كل واحد دخل فصله إلا هذا المعلم ما جاء قلنا يا رجل

يمكن صار له شيء فجأه بعد نص ساعه جاء و خايف مره بيموت من الخوف وش فيك يا ابو فلان قال اسكتوا

جاني واحد و قال اركب معاي في سياره انا ولي امر طالب فلان الفلاني و يوم ركبت طلع المسدس

و قال لي ليش تكتب رقمك في سجل تبغى تغازل زوجتي قلت له انا متزوج و جميع الطلاب مسجل رقمي لهم

و كاتب لسؤال عن مستوى ابنك و انا معلم اول ابتدائي لازم اتواصل مع اولياء الامور لتحسين المستوى

قال كذاب تبي زوجتي تكلمها و تغازل يا للي ما تستحي و جالس يهاوشني و المسدس في يده قلت انا

الموت جاء بعدين وقفني عند المدرسه و قال هذي سماح المره الجايه بحط الرصاصه بجبهتك

بالله ايش رايكم من هذا الموقف . .

حط نفسك مكانه تعمل خير و تهدد بسلاح . . ؟!

. . .

# سوالفنا _ حتى أنا

بسم الله " كيف حال الجميع اجلسوا ما يحتاج كلن لحاله و النظر سلام احنى جيناكم عشان نبيض الوجهه

و هذي عانيتنا و الله يكتب ما فيه الخير لولدنا و بنتكم و حياكم الله وين ما مرحتوا . . "

في واحد من المدرسين طفشني يا جماعه جاب لي المرض كل ما أقول حاجه قال حتى أنا المشكله مش هنا

المشكله احس انه كذاب يعني انا قلت لهم مره من مرات مسكتنا الشرطه في سوق الذهب و الحمدلله

مشينا بعد ما طفشونا يجي هو يقول حتى انا مره مسكني شرطي في سوق الذهب و دخلت السجن اسبوع

و طلعت منه قلت انا مره جلست في البر ثلاث ايام و شيزيه قال حتى انا جلست في البر سنة كنا نصيد

مشكله كذاب يا جماعه كل سالفه تقولها يقول حتى انا قلت له انا رحت باريس مع الاهل قال

حتى انا ههههههههههههههههههههههههههههههههههههههه قلت اكذب ما رحت باريس

قال غريب انا رحت باريس و لندن و فرنسا و تشوف شكله تقول و الله انك كذاب روح موت



.....

# تصميم = )

بُني حينما أفقد صوابي لا تتردد في قتلي . .

فقط اغلق عينيك وصوب سلاحك نوحي . .

. . .

# تعليقاتكم

ههههههههههههههههه حشى مو جالس يسولف حسيته يتحدى xD اذا انت سويت شي هو سوى مثله واكبر xD

ايوه بالضبط انتِ إللي فهمتي السالفه صح ايه صح و ين مراميكم لكِ فتره ما شفناكِ عساكِ طيبه

و شيزيه الظاهر الاختبارات بدأت تعطي مفعولها

اليوم حسبي الله طول الاختبار ابغى اعرف وش معنى شيزيه .. شفتهآ أكثر من مره ودورت مدونتك والا لازم اعرف معناها !

مسكت معاكِ غلط اتذكر اني شرحتها

بس عشانكِ متحمسه ما راح اشرحها < عرق النذاله اشتغل

بني حينما آفقد صوآبي لا تتردد في وعظي فالأباء يخطؤن أحياناً وحينما أعود لصوآبي سسوف أغلق عيناي خجل من خالقي ..~ أين الثقه بالله تبارك وتعالى

أسال المؤلف هو إللى قال ذا الكلام

جميل يَ حُمى الـأختبارات

احنى إللى بنختبر الطلاب

مو بس كذا ، الا ومهايطي كمان !! .. هههههههههههههههههههههههههههههههههههههههههههههههههه هه ابك يا ويلي ويلا ههههههههههههههههههههههه

ي هلا فيك مهايطي و لا مهايلف < قابلني اذا فهمتها

والله انا خايف يجي يوم ويقتلك احد طلابك

احسن إلى الناس تستعبد قلوبهم < يقولها وهو خايف

جميل جداً

أنتِ الاجمل

حبيب قلبي يا استاذ

ممنوع الغزل < خايف على نفسه

أبكيتني يارجل كلماتك تحرجني

ي مرحبا فيك رجل و لا يد < وااااااااااااااااو

حتى انا مو مصدقه

مو مصدقه

وش فيك تكتب مثل البنات وضعك ما يطمن تقول لي وين بيتكم

ههههه ناس غريبة فِعلاً o.O يعني ليش لحتّى يكذب وعلى شغلات ما الها طعمة كمان << يعني شغلات سخيفة وما الها داعي ..

عشان اصير احسن واحد محد قدي

ههههههههههههههههههههههههه ضحكتني والله

يسعدك الله

الله يعينك عليه =(

و عليك

هههههههـ لا مافي عندنا في عندكم .؟ + صرآحه انا عكسسك اشك أنك أنت اللي تكذب عليه ههههههههههههــ

افا انا اطلب بالحق كـ قائد سفينه أن نتقابل و نتقاتل كما يتقاتلوا القراصنه

و لا اعزميني على العشى

هههههههه هذا سالفته سالفه وبعدين انت ليش زعلان الجذب ببلاش ياعم

ههههههه وش ذا الجذب تصدق كلمة رهيبه رأيت الرجل يجذب جذبتاً جذيبه

يا جذاب

مدري ليش حسيتكم كأنكم حريم يسولفون وكل وحده ترد عالثانيه < قومين

تم نسف الجبهه

سبحآن الله والله اليوم طريت على بالي قلت خن اسلم عليه واشوف علومه كيف حالك ان شآء الله بخير امما المدرس هذا ذكرني بواحد زمان كنت اعرفه يارجل هذاك لو تقول له انا حامل يقولك حتى انا شف يا انك تزبّد له او انك تحسسه انك عارف انه كذاب

حتى يا رجل قلت خن ارد عليك و عليكم السلام الحمدلله بخير يا جعلك بخير

حامل ما شاء الله على البركه توني ادري خن انسف جبهتك شوي




. . . .

# شطحة _ موهبة

اليوم انا جالس جلوسا جليسا اكتشفت كشفا كشيفا اني اقدر اصير مترجم و اترجم انمي قلت يا ولد جرب

و اعرضها على الاعضاء اكيد يفيدونك و شيزيه و يمكن تلقى احد يمدحك المهم اذكروا الله

انا بصراحه ما اعرف للياباني لكن قلت بأحاول اعرف الكلمه من حركة الشفايف

^

شكل الخط مو مناسب انا قلت لنفسي كذا بس اول محاوله

وش رايكم موهبه و لا

. . .

# مستجدات + تعليقات

" الحمدلله ابششششركم اليوم مشيت إلى الأهل و وصلت بعد رحله استمرت 5 ساعات = )

الرحله متعبه بصراحه و ممله شوي خاصه انها كانت في الصباح و انا احب مشي الليل عشان ما احس بالخط

لكن صعب تمشي بالليل في هذاك الطريق لكثرة البعارين الطائره و المطبات إللى تنبت لك فجأه

و بكرة حياكم الله على الغدى عندي في البيت تعالوا انتم و من يعز عليكم "

0_o لا تعليق ,,

طيب عشاني

صرت تيشر ماشاء الله .. مبروك والله يعينك

عاد تصدقي جلست احاول افهم الكلمة طلعت بالانجليزي معليش انا ثقافتي اسبانيه

عطني نص تقييماتك ، + الله يسلمك احرجتني يارجل

الحياة فرص و انا اخوك كم تدفع

الله يسلمك و يعافيك و لو يا كيوت انت

شيزيه يعني جذي عدل xD؟ يعني كذا عندكم! و بعدين ليه مارديت على تقييماتي الخنفشارية < الكلمة الي ماعرف معناها بس من شكلها يعني الرائعة

ي حظكِ في واحد شرح لك معنى الكلمه

و الله ما لك تقيمات اختفى و انا اخوك لكن ابشر من عيوني كل ما جات تقيمات اعرضها

و اطقطق عليها

اوه ثانكس ..

لا عادي

ماراح اتابع مدونتك خلاص زهقت مافيه تشجيع انا الوحيد الي تسحب عليه

افا ما هقيتها منك ابششششر بالعوض و انا خوك تعال حياك الله بكره للبيت و نذبح لك حاشي

و لا ما تحب اللحم ؟ و تقيماتك طارت لانها كثير و بالقوه الحق عليكم غير الناس الشاطحه

إللى تحش فيني

أحس اني صرت فنطل هالأيام ، قريت الترجمه كذا مره ، واللي في بالي ( موبايلي وسوا وأخواتها ) لكن طلعت تبي توسع لهجتك علشان توصل الضحكه عربيه لا سعوديه ، الزبده مع السلامه

نيهي كرتهاي كروهي
حاولت افهم عجزت بس الزبده انك تبغى تمدحني

ههههههههههههههههههههههههههههههههههههههههههه اعجبتني الترجمه واكثر ما اعجبني انها مو حرفيه زي بعض الفرق كالعاشق مثلا < بينحظر المهم وااصل وماعليك صدقني بتقضي على جميع من في الساحه

هذولا إللي يفهموا و يقدروا اعمالي في الترجمه خاصه اني اترجم من حركة الشفايف




. . .

# مشاركه _ اطلق الاكشن الذي بداخلك

بسم الله " راح اكتب قصة و اضع فيها فراغات و انت أكمل هذي الفراغات بما يناسبك طريقة تقيم

تكتب الكلمه ثم تضع نقطه او فاصله او علامه ثم تكتب الكلمة الثانيه اخترت شيء بسيط لتجربة "

كان يا مكان في قديم الزمان كان هناك . . . . . و لديه . . . . . و كان معتاد على الذهاب إلى . . . .

و في يوم من الأيام و هو ذاهب وجد . . . . . . . و شعر بالخوف الشديد فـ اتصل بـ . . . . . . .

و اخبرهم بما شاهد و اخبره بأن يفعل . . . . . . . . .

ثم عاد إلى . . . . . . .


ورنا شاطرتك حاول تضع اشياء مناسبه و لا مانع من التحشيش

ننتظر تعليقاتكم و مشاركاتكم

. . .

# تعليقات

بسم الله " و ردتنا بعض المشيركات من بعض الاعضيئيات و مفادها "


ѕємσ ♥

كان يا مكان في قديم الزمان كان هناك رجل و لديه ابن و كان معتاد على الذهاب إلى الجبال

و في يوم من الأيام و هو ذاهب وجد ذئبا و شعر بالخوف الشديد فـ اتصل بـ صديقه و اخبرهم بما شاهد

و اخبره بأن يقتل الذئب ثم عاد إلى البيت ونام ب هنا

ذئب في الجبل هذا تيس ما تعرف التيس لو انه عنز كان اشوى


زهور آلكرز

كان يا مكان في قديم الزمان كان هناك فتى و لديه حقيبه و كان معتاد على الذهاب إلى المدرسسه

و في يوم من الأيام و هو ذاهب وجد سسليفر و شعر بالخوف الشديد فـ اتصل بـ بالعيد و اخبرهم بما

شاهد و اخبره بأن يفعل لا ينسسى كعكه العيد ثم عاد إلى المنزل

فتى و لديه حقيبه كيف نجحتي انتِ من الابتدائي


ĐṞ Ĥ

ورع .. كرسيده .. المقهى .. ابوه .. بمؤيد .. الخطة ب .. بيته .. ،، لاحظ التشويق .. الرمزية كااااي

أنا فهمتك شكل الولد راح يشيش و صاده ابوه اعرف السوالف هذي


ЯẐŏŎŏЙąђ

واحد مفهي - مسدس - السوق - قماش - شرطه - ( الفراغ ذا ما عرفت اعبر فيه ) - بيته <<< للمعلوميه انا اقرا الجمله والكلمه التي تجي برآسي أحطها .. ف لا تستغرب من التخريف ذا

فلم هندي اجل معاه مسدس و خاف من قماش كيف تجي هذي

من الحمآآس اللي فيني رح أشآرك بوحده ثانيه بس مع تفكير أكثر .. شاب - حب استطلاع - صديقه - مجرم - محكمه - ما يشآء - بيت صديقه .. < ما تغيرت عن الأولى بس خآني التعبير الله يهديه < !

وش هذا المجرم الطيب إللى خلاه يتصل و ينتظره و المحكمه إللى ترد و تقول دبر نفسك


الوحيــد

محمد ، احمد ، ضرب ، سلفر ، مات ، الله يرحمه .. الخ

و لديه محمد قتلتني هذي الجمله ههههههههههههههههههههههههههههههههههههههههههه


Rikka Chan

أب ,, إبن ,, المدرسه ,, كلب ,, بوالده ,, الإبتعاد عن الكلب ,, المنزل >>> براا

مسلسل كوري

هي كذا المسلسلات الكوريه ما فيها اكشن بس فيها مزز


T u r k y

سلفر , مدونة , مدونتي , صرصور , الإدارة xD , يحرقه , مدونته xD

حلات من جلدك انت و الصرصور حقك




. . .

90 الف





# ذكرى مدونة = )

بسم الله " اليوم احتفل معكم في هذه المدونه الموقره على وصولها إلى 90 ألف مشاهدة و سأضع فيها

بعض من الذكريات حيث اكملت هذه المدونه السنة الثالثه لها تقريبا او الثانيه ما ادري و الله روح احسبها

المهم انها كثير يعني و شيزيه "

فـ لنبد الحفل :

العضويه التي اشتهرت بها و لاقت قبول عند الكثير اعترف انها كانت شخصية باردة لها افكارها الخاصه و اسلوبها

أحبها الكثير و في المقابل رأى الكثير أنها شخصية مستفزه مغروره ليست بـ السهله كانت بـ اسم

بعد فتره من هذا العطاء بهذه الشخصية و الاسم اخذت الاشراف على العام و الفوتوغرافي و اعتبر نفسي

من مؤسسين قسم الفوتوغرافي انا و الاخت زهور و لكن تركت القسم لـ انشغال و عدم وجود قروبات تصوير

ثم مريت بـ ظروف خاصه و تركت الاشراف و المنتدى بعد ما رأيت اني عملت الكثير لكن قررت العوده من جديد

عدتُ و اردت تبديل شخصية هولمز بـ شخصيتي الطبيعه و خرجت بأسم جديد سميته سيلفر

الشخصية المرحه البسيطه الهادفه و أحب اكون على طبيعتي فيها و اخذت فيها رئاسة القسم الإسلامي

طاقم عمل كنت اعمل معه في قسم العام = (

كانت بداية مع هذا الطاقم إللى تعلمت منه و استفدت منه الكثير و عملنا الكثير و تعاونا

تخاصمنا و تصالحنا استهبلنا و طقطقنا كان يعتبر من النخبه

صوره مغبره للمدونه وقتها كنت فرحان بـ عدد المشاركات و المشاهده وصلت 6 الالف

لا أنسى اني قمت بنسف جبهات الاعضاء

و تم نسف جبهتي لما اخترت هذا الاسم و غيرته بسرعه

و كمان ما انسى وقوفكم معي في بعض المصايب = (

هذا كان عندما فشلت في إلتحاق في الوظيفه و الحمدلله الله أكرمني بوظيفه افضل منها

الآن أنا معلم و لله الحمد لما افكر فيها بصراحه اخجل من نفسي لاني كنت زعلان وقتها

و الله كان مخبي لي شيء افضل من الوظيفه السابقه فـ لك الحمد يا الله


. . . .



و بكذا انتهينا اشكركم جميعا على هذا الدعم بيض الله و جيهكم و رحم الله موتانا و موتكم

و اعتذر عن القصور لك الحريه في التعبير حتى اسجل هذه اللحظه كـ ذكرى لنا


\

\




. . . .