من كثر ما حسيت بالموت ايقنـت ..

من كثر ما حسيت بالموت ايقنـت ..

موتي قريب .. وموتتي لا محاله..

وهذي وصاتي وانـا بالله آمـنت ..

والموت حق الله وحنا حلاله ..

فكرت في عمري ومنه تـبينـت ..

اللـي مضى اكثر من اللي بقاله ..

وصـيـتـي يصبر إلى من تكفنـت ..

مابي يهل الدمع منه جهاله ..

اطـهر وأغلى من له الحب اعلـنـت..

حلفت ماخونه ولا اعشق بداله..

يذكـر انا من غيـرتـه كم تجنـنـت ..

كم كنت امووت بغيرته وب هباله !!!

دايم معه في شدته ماتهاونت..

وما احط راسي لين يرتاح باله

خلدت ذكره بالقصايد ودونت ..

ربطت حبه بالشعر والـجزاله !!

اتـذكر اني قلتها له انا انت..

قلبي وقلبه يبـعدون؟ استحاله

يا ما خذانـي الطيـش عنه وهونت..

ازعل وارجع لا لمحت إتصاله..

لو غابت البحه..وصوتي ولابنـت..

ادري باني ما أفارق خـياله..

أنا وطن عمره بقلبه توطنت..!!

ارتاح في قربه واعشق وصاله..

مو بس حبـيـته انا فيه ادمـنت ..

خلوه يذكر كلمة ٍ قلـتها لـه ..

بلا تـاخذه دنيا ولا يشغله نت ..

الفرض فالمسجد ولــوهـــو لحاله ..!!

ابيـه يحب بعدي وليـقول خـونت..!!

حلـلت له يعشق ويحيا ب فالـه..

يشوفها بالزين كني تـزينت..

يحبّها كنها انا اللـي قباله !!

اقدر اموت الحين .. دامي تطمنت..

لكن امانه بلغوه الرساله..

ان جا خبر موتي وباني تكفنت ..

مابي يهل الدمع منه جهاله ..!!



منقووول

اتمنى انها تعجبكم