تريد تضحك تعال وشوف

مصلاوي جاب حبر انتخابات بالعيد ليش؟؟؟حتى محد ياخذ جكليت مرتين

فد يوم كردي جاااع راح ختل بالكنتور ليش؟؟ كال خاف يكتلني الجوع

عجوز تتدفه بالنار كالت الله لايحرمنا منها لادنيا ولااخره

ابليس سمع الجهال يغنون رمضان جانا وفرحانين...جان يكوم يغني .. رجب حوش صحبك عني

اكو فد وحدة واعدت ثلاثة زلم بنفس اليوم واح كردي وواحد ابو دجاج وواحد كصاب. فاثناء ما همة موجودين بالبيت وياهااجة رجلها دك الباب, كالت اخفوا انفسكم بسرعة, فكل واحد منهم ظم نفسة بكيس جبير (كونية) فدخل رجلها لكة ثلث اكياس ممدة بالكاع. دفر اول وحدة برجلة صاحت ماع ماع كال اوكي هذا طلي , دفر الثانية صاح قاق قاق قيق , اوكي هذا دجاج وصل للكردي دفرة ماحجة .. دفرة مرة ثانية هم ما حجة , فكام يدفر بي حيل حيل , صاح الكردي لك كافي هو السمج يحجي!!!؟؟

أكو كردي يبدل حلاوة بنعالات يفتر بالفروع ويصيح :حلي حلكك بنعال

وحدة عصبية كالت لزوجها: ياريت ماخذة ابليس ولا ماخذتك جاوبه الزوج: لاعيني ميصير الاخ ياخذ اخته.

كردي لكة فانوس سحري فركة طلعلة المارد كلة اتفضل كدامك 3 امنيات الكردي كلة اريد سيارة برازيلي وسيارة برازيلي وسيارة برازيلي المارد كلة شتسوي بيهم 3 كلة حتى ابيعهم واشتري مآرسدس خخخخ

سألو مشاهد عراقي شنو رأيك بالشرقية گال الغربية احسن لأن بيها شطافة

اكو اثنين بس يجذبون فالاول كال للثاني اني ساعة ابوية وكعت بالنهر وورة 3 ايام من طلعها لكاها تشتغل بالتوقيت الصحيح الثاني كله اني ابوية بقى 3 ايام جوة النهر وبعدين طلع كلشي مابيه!! فالاول كله اشجان يسوي جوة؟؟ الثاني جاوبه:يكوك بساعة ابوك...هههههههه

بعد عناء ومشقة توصل احد البرفسورات في علم الفلك انه في سنة 2050 ما يبقى غير العرب على كوكب الارض لان هم الوحيدين اللي مراح يصير براسهم خير ويطورون ويسافرون للفضاء

الحزب الشيوعي اتفق مع حزب اسلامي سوو شعار ( ياعمال العالم صلو على محمد وال محمد)

العراقيين انتجوا كارتون شنو سموا ؟؟؟؟؟؟؟؟؟؟؟؟ سموا علس في بلاد العجائب

كردي راح للكويت .. من رجع يحجي لجماعته كللهم هااااااي شنو الكويت رهيبة شكد انبياء بيها .. نبي نروح .. نبي ناكل .. نبي نشرب .. نبي نطلع .. نبي ننام .. لو اضل للصبح اعددهم ما يخلصون

واحد يكول لابنه : يا وليدي أنا نويت اخطبلك رد عليه الولد : لا والله يابا شكرا أني من شفت ذوقك بأمي وأني غاسل ايدي

مدير متحف اتزوج مدرسة تاريخ جابوا ولد كلش قديم

اكو واحد كال الصديقتة من اطوطلج تنزلين كالتلة ليش اشتريت سيارة كالهة لا اشتريت طواطة

فد واحد فات للمطعم بدهوك سأل البوي اكو
؟w.c
كله لا والله بس قوزي وكباب وتكه هيج اكله ممسوين

فد يوم مكدية كاعدة وفاتو أمريكان جان الامريكي انطه المكدية مية دولار كلتة روح أبني الله ينصرك على امة محمد

عجوز صاعده عدها الغازات فكاعده بنص اهلها... اتوازت... فكالت هجم بيت النوكيا كل يوم رنه شكل..

لزموا ببغاء وكطعوا ريشه كله وعلكوه بقفص الدجاج الدجاجات كامت تنصب وتضحك عليه الببغاء كال هاي شبيكم ما شايفين معتقل سياسي

خواف حبيبته قالت له نفسي اموت بين احضانك قال يمعووده موتي عند اهلج اني نااقص مشااكل

اكو عجوز عراقية اشتكت يم الشرطي كالتله:الدجاجات مالتي طلعو من الحوش 6 و رجعو بس 5.رد عليها الشرطيالة مو مشكلة احنا نطلع دورية17
نرجع 4

كردي اشتغل بالمخابرات كلولة اول مهمة انذبك بطيارة على مزرعة و اكو بايسكل اتركبة تروح بي اجيبة المعلومات وترجع كلهم خوش صعد بالطيارة وحطولة 3 مضلات احتياط ونزل اول وحدة منفتحت والثانية هم منفتحت والثالثة هم منفتحت كال .ايا هتلية هسة بس لا يطلع البايسكل هم ماكو

هاي نكت دورت على اجدد شي بس لعيون اعضاء منتدى

واحد تعارك ويه مرته، گطفهه من الشباچ، وكعت بالشارع، شافهه فد سكران، گام باسهه.. هيه هم باسته.. السكران صفن... گال: عجيب، بعدهه تشتغل ليش ذابيهه؟

(شجر كلو فلفل، نهر كلو فلفل، حور عين كلو فلفل) ... شيخ جامع بالهند يوصفلهم الجنه

أكراد زوّروا أبو العشرتالاف كشفوهم شلون؟ لأن كاتبين عليه: أم عشرة ألف.

غنام، بليلة الدخله ما لگه موضوع يحچي بيه، گال للعروسه:ماعندچ علم إذا أكو طليان للبيع منا؟ مناك؟؟

الصوماليين رجعوا شاحنات المساعدات مال الأدويه للكويت.. گالوا شنسوي بيهه إذا كلهه وره الأكل؟؟

كردي سألوه شنو رأيك بالزواج المبكر ؟ گال:والله كلما من غبشه أحسن.

مدرس سأل طالب كردي گلله :إبني شتصير من تكبر؟ گلله: شايب إستاد.

واحد مالگه موضوع ، سأل صاحبه: أبوك الله يرحمه أشو من مات ليهسه ماسمعناله خبر؟

وحده مستويه، گالت لواحد: بوسني.. گاللهه: لا دليمي.

مصلاوي مات وخلف 24 ولد و 2650 دينار... لكوه كاتب بالوصية: إشتروا بيهن صندوگ بيبسي وتقاسموه بيناتكم .

دليمي اشتره لإبنه شبح، گال له: مشي بيهه حالك لمن أحصللك لادا زينه.

عشرة أكراد خطفوا طياره فارغه واتصلوا بالحكومه: إذا ماتنفذون مطالبنا تره كل ساعه نقتل واحد مننا.

كردي عطس يم مصري ، ترس وجهه تفال، المصري گاله : أنته أرفتني، الكردي رد: والله ..يمكن أأرفك بس ناسيك؟

واحد أبوه دجال، سأله المعلم: شنو أدوات النصب.؟ جاوبه: لحية وسبحه إستاد
واحد دزته أمه على أوتي من جيرانهم..نزل اول درجه گال:هسه راح تگللي دير بالك عليه..ثاني درجه گال: بعدين حتگللي رجعه بسرعه... الثالثه گال: وراهه راح تگللي مو تنسوه معلوگ... وصل دگ الباب، فتحتهه..؟ گلهه: شوفي.. خرة بيچ وبالأوتي مالتچ

دليمي گل لصاحبه: سمعت بهذا اللي وگع من عمارة عاليه أيام يالله وصل للگاع؟ گلله: ومات؟؟ گلله: شوف هذا الغبي يگللي مات..أگلل أيام لا أكل ولا شرب عجل شلون مايموت؟

مصري اشتغل حمله دار .. گال للحجاج: إزا شديتوا حيلكو معايه نرگع أبل العيد بإزن الله

دليمي مخيم بالصحراء، دخل عليه واحد گلله: آني تعبان من الشمس.. گلله: تشرفنا ، وأني حمادي من الأرض

شاب دليمي، كامش بيده سيم وواگف براس الدربونه.. گالوله: ليش؟؟ گال حتى البنات تگول عني: شوفوا هذا ... شاب وسيم

دليمي رايح للحج وماخذ وياه دودة گال: سمعت إنه الحج أيام معدودة

دليمي نغمة موبايلة صوت فناجين، يگول موبيدي .. من زود المرجلة

كردي سألوه شنو رأيك بالزواج المبكر ؟ گال:والله كلما من غبشه أحسن

دليمي گال لمرته: اليوم أريد منّچ رومانسيات، خابرت لأمه سألتهه: شنو رومانسيات؟؟ گلتلهه: والله يمه ما أعرف، بس للإحتياط نگعي الباكلله وإسلگي اللحم

عجمي عطس يم مصري ، ترس وجهه تفال، المصري گاله : أنته أرفتني، الكردي رد: والله ..يمكن أأرفك بس ناسيك؟

كردي مات أبوه گال للدفان: بيش أرخص گبر؟؟ گلله: بالميت تسعين ألف.. گلله : زين وإذا الميت من عدنه؟

واحد قشمروه القفاصه بباب الشرجي باعوله نظاره عاديه گللوله هذي تخترق الملابس.. لبسهه بالبيت شاف مرته مصلخه نزعهه نفس الشي لبسهه نزعهه ماكو فرق گال : صيني خرة .. يشكل

كردي ديزين لحيته دگ التلفون .. كام شخط خده بالموس... گال ليهنا واصل

فديوم تسعة اغبياء ديشاقون بالمسدسات ماتو خمسة من عدهم فكالو كافي شقة راح اصير صدك

محشش ديسولف لصاحبته: مرة صعدت نخلة مال تمر وكطعت عنب بس شلون تفاح ماكو هيجي رمان كل ركية طولها متر تستاهل حلكج

اكو وحدة سلمت على واحد شايب كالتلة شلونك حجي كله اني مرايح عالحج اني رايح عالعمرة كولي شلونك عمري

اكو كردي طلع يمشي تك رجل كالولة ليش كلهم اليوم فردي



واحد يلعب برمانه يدويه.. گالوله :ماتخاف تنفجر؟ گال: عدنا هوايه بالبيت.

واحد خابرته صاحبته گالتله: تعال اليوم البيت فارغ.. ماكو أحد ببيتنا..طار
من الفرح..راح لبيتها ركض..بالباب وگف گال :لعد أني شكو جاي إذا البيت فارغ
وماكو أحد؟

واحد سألوه شتسوي اذا ردت تصيد أرنب ؟ گال: أقلد صوت جزر.

واحد راد يبدل الگلوب ركب على چتف مرته وگاللها يلله افتري.

واحد طلّع الصوبه ليبرّه البيت.. گالوله ليش؟؟ قال :مو برّه أبرد من جوّه.

واحد يسبح بالشط ويندعي: يا إلاهي لاتموتني لخاطر المره والجهال..صديقه
سمعه گال له: لك يامره ياجهال؟ إنته يمته متزوّج.. غمزله وعض له شفّه.

واحد سكن جديد گال له جاره: عود فنجان الگهوه مالتك يمي گال : أي والله
يمكن واحد من الجهال شمره عليكم.

واحد گال للدكتور :دكتور كلما أشرب چاي عيني توجعني..گال له الدكتور :طيب
كلما تريد تشرب الچاي وخّر الخاشوگه.

واحد شاف گشر موز بالشارع گال:أوهوووو..شلون شغله ؟ هم راح نزلگ!!

واحد سأل أبو المحل:عندك تلفزيونات ملونه؟ گال له نعم.. گال فد واحد أزرگ
للجهال الله يخليك.

واحد عنده أرق ميگدر ينام گالوله عِد للميه تنام .. وصل للخمسين نعّس..
گال: اگوم اغسل وجهي وأكمّل للميّه.

واحد كمشله مصري يريد يبسطه.. گال المصري(سبني ياوله) گال له والله لانعل
أبوك لابو الخلّفك).

واحد گال له أبوه روح إغسل وجهك راح يجونه خطار..گال وبلكي ما إجوا؟

واحد حب يتغزل بمرته بالفراش گال لها:شايفه هذاك الگمر؟؟ گالت:إي.. گال
:ريحة أباطاتچ واصله يمّه.

واحد لاخ هم گال لمرته شايفه الگمر ذاك؟ گالت نعم.. گال إببوكس واحد أوصلچ
يَمّه.

واحد أتصل بالأطفاء گاللهم:شنو إذا ماكو حريق منشوفكم يعني؟؟

طالب سأله المعلم:من هو النبي الذي كان يكلم الحيوانات؟؟ گال: سيدنا طرزان
عليه السلام.




گالولها: الموضه هالسنه جلد طبيعي..طلعت للسوق مصلخه.

واحد راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم
محدد؟؟

واحد سألوه: ششفت ببغداد؟ گال السفن أب.. گالوا شنو يعني ؟ گال بطل تفتحه
لو تلحگ تشرب منّه لو لا.

واحد شاف المصلحه أم طابقين ببغداد واگفه..داخ.. گال ياساتر اشلون حادث
رهيب..شصعّدهه وحده عاللُخ ؟

واحد شاف نافورات هواي ببغداد گال : حيل..!! شكثر بيهه بوريات طاگه.

واحد شاف ببغداد قطعه مكتوب عليهه(دورة مياه) سأل اللي بالباب: گلي بروح
أبوك شلون التسجيل بيه؟

واحد سوّه معمل خل طلع كسر لإن طلعت إشاعه عليه أن الخل مالته عتيگ.

واحد تعين بالأمن السري مال الكعبه شاف واحد يطوف گاله : شعندك ولك تفتر
هنا؟

واحد عرس سكتاوي حط كاسيت فارغ بالمسجل.

واحد من المدعوين عجبه الشريط طلب منه نسخه مسجله.

جيرانهم دگ الباب حيل منزعج گاللهم :يأ أخوان نريد اننام متنصون صوت المسجل
شويه.

واحد أشتره علچ أبو السهم ..صار الليل وهوه يعلچ.. گالوله نام.. گال:
بالحرام.. ما أنام إلا أخلصه.

واحد طگّت أموره بالتجاره جاب خدامه.. ثاني يوم تعاركت مرته ويه الخدامه..
گام عزل كل وحده ببيت.

واحد واهسه بالتجاره سمع صديقه يگول: الخميس يوافق 15 ..گال واذا ضغطنه
عليه شويه ميسويهه أقل؟

واحد يطوف بالكعبه سمع الاذان سأل اللي يمّه گاله: بروح أبوك ماكو جامع
قريب هنا؟

واحد گال لجماعته: والله خدمات الحج بالسعوديه حيل محترمه وأنصحكم من
تريدون تحجّون لا تروحون غير للسعوديه.

ثنين يتناقشون الاول گال انا من اشرب الگهوه ما اگدر انام الثاني گال انا
بالعكس من انام ما اگدر اشرب الگهوه.

واحد اشتره لابنه حاسبه شال الصفر منهه گال حتى لتسجل عليّه مكالمات دوليه.

فيترجي اشتره چربايه ...نام جواهه وصاح على مرته: ناوشيني سبانه تلثطعش.

واحد گال لابوه: بابا خل نروح لحديقة الحيوانات ابوه گال له: لاتستعجل ابني
فد جم يوم همه يجون ياخذونه.

واحد اشتره تكسي.. بالشارع يصيحون عليه تكسي تكسي.. گاللهم عمي ادري والله
ادري.







فد واحد متعاجز تزوج وحده حامل گال والله لأن مالي خلگ لليلة الدخله.

وحده قرت بجواز رجلهه مكتوب( رجل اعمال) گالت سواهه الكلب واتزوج عليه.

واحد گال لجهاله اللي ينجح هالسنه اراويه سيارة الموطا.

واحد گالوله: اذا بردت شتسوي؟ گال: ادني الصوبه يمي.. گالوا: واذا بردت
حيل؟ گال : ادنيهه يمي حيل.. گالوا: واذا بردت حيل حيل حيل؟ گال اضطر
اشعلهه.

واحد بلع ربع حباية فياجرا گال :الليله بس بوس.

واحد دز ابنه على تلث گرص خبز من رجع الابن گاله ابوه : بابا رجّع وحده امك
ماتت.

واحد أحترگ بيته دگ عالأطفاء مره وحده وسد التلفون.

تلث ولد بخلاء نايمين بالغرفه ومشغلين البنكه على رقم خمسه..دخل أبوهم
بالعصا يصيح:ياكلاب.. تلاثه ومشغلين البنكه عالخمسه؟

من المعتقدات انه لازم واحد يسمّي قبل الأكل(يقول بسم الله)وإلا أكل ويّاه
الشيطان.بخيل ما ياكل غير البرغل أربع سنين..أخر شي طلعله الشيطان گال
له:أخي العزير..مو روحي طلعت من هالأكله..لو تغيرها.. لو تسمّي قبل الأكل.

واحد گال لأبنه إذا تنجح اجيبلك مدرس خصوصي مُلُك..

مدرس سأل طالب گاله: أبوك شگد عمره گال ما أدري أستاد بس هوّه من زمان
عدنه.

واحد خابر صاحبه طلعله إبنه گاله: أبوك هنا؟ گال: نعم گال: عرفتني منو؟..
الأبن صاح.. بابا أكو واحد يريدك عالتلفون ميعرف هوه منو.

واحد سألوه عن عمره گال 30 وره عشر سنين سألوه گال 30 گالوا شلون ماكبرت؟
گال: الرجال عدنه كلمته وحده حتّه لو ألف سنه.

واحد يسوق تكسي ركبوا ثنين رايحين لملعب الشرطه گالوله:إذا ممكن نادي
الشرطه الله يخليك.. گال: ليش متحلّوهه بيناتكم اخوان.

واحد وگف يفوّل سيارته بالبانزين خانه..شاف بنات بسياره ثانيه..گال
للعامل:بالله فوللي بعشرتالاف دينار بانزين.

صاحبه وياه بالسياره واحد گاله مادام راح تفوّل بهلگد أكيد راح تطول اروح
للكشك اجيب عصير واجي شجيبلك وياي گال له: اللي يعجبك.. راح جاب عصير إله
وقلم جاف لصاحبه.

واحد عنده ضرس مأذيه حيل راح لطبيب الاسنان گال له أريدك تشلعلي كل سنوني
وتخليه هذا بوحده مثل الكلب.

واحد أشتغل مخرج تلفزيوني راح لأهله گاللهم سوولي راس بصل حلقات وانطوني
الحلقه الأخيره.

واحد سوه عملية رفع كليه فنجحت العمليه گال والله مدام هيچ لآكررها.

گالوا الواحد :شنو رأيك بالموز؟ گال والله طيب لوما نوايته چبيره.

واحد أشتره مرايه وتباوع لروحه بيهه گال ياسبحان الله هالوجه موغريب
عليه...صاحبه گال له أشو..أخذ المرايه وتباوع بيهه گال: لك هذا أني..

واحد أشتره مرايه وتباوع لروحه بيهه گال ياسبحان الله هالوجه موغريب
عليه...وين شايفه؟؟ وره شويه أخذله صفنه گال:أها.... يم الحلاق..

واحد أشتره سياره شبح كتب عليهه تره: ميخوّف موعبالكم.

واحد أشتره سياره حديثه گالوله شلونهه وياك؟ گال والله من الكوت لبغداد
سريعه لآن خمسه گير بس بالرجعه من بغداد للكوت مو هلگد سريعه لآن بس گير
واحد.

واحد وگّف تكسي گال له: فارغ؟ گال: نعم گال :متنزل نسولف شويه نگضي وكت.

لبناني يحج بمكه ..عطس گال له السعودي يرحمكم الله فرد عليه اللبناني: حبيب
ألبي.

واحد كمّل دراسه بالخارج ورجع لأهله شاف عدهم زمال .. گال :الحمد لله كمّلت
دراسه من دونهم.

ثنين راجعين من بغداد ..يم البانزين خانه نزل السايق يشتري ببسي والثاني
راح يبول..السايق جاب الببسي ونسه صاحبه وراح للموصل ..أهل ذاك خابروه: لعد
فلان وين مارجع وياك؟.. گال أهوووو.. أگول إلمن الببسي الثاني؟

واحد گال له أبنه: بويه إجازة السوق مالتي سقطت.. قال له أبوه:طبعاً.. من
كثر دياحتك بالشوارع.


[IMG]http://http://tbn2.google.com/images?q=tbn:aGdOYw7HcENZgM:http://azaim2002.******.com/30.jpg[/IMG]


واحد سوه حفلة زواج.. وزع بطاقات بيهه الجمره الخبيثه.

واحد إشتغل مدير دار الأيتام..گاللهم راح أسوي أجتماع مجلس الآباء.

حرامي خبيث طب لبيت يبوگ مالگه شي..خابر رقم بأمريكا وخله السماعه مرفوعه
للصبح.

صرصر خباثه عزم جماعته عالعشه يمّه..أول ما إجوا..سحب السيفون عليهم.

واحد رادوا يعذبوه انطوه ورقه مكتوب عليهه من الوجهين (إقلب الصفحه)

برميل سأله لصاحبه:وين هالأيام؟ متنشاف؟ گال له: والله موفارغ.

واحد فتح باب السياره يريد ينزل شاف المطر قوي.. سدهه ونزل من الباب
الثانيه.

واحد گال لأبوه: بويه أريد (كيري).. گال له أبوه: والله ماتاخذ غير بت
عمك.. گال له: بويه كيري جبنه.. گال أبوه: وبت عمك گيمر يبويه.

واحد تزوج راح شهر العسل بوحده.

محجبه لابسه قصير.. گالولها: ليش؟ گالت: حتى أرضي الله وعباده.

ثنين إعجوزچيه..واحد اتثاوب ..الثاني گال له: ميدام فتحت حلگك متصيحنا على
ماي صارلي إسبوع عطشان.

واحد ويه صاحبته بالكازينو..أنگطع الكهرباء..گالتله: يلله إنتهز
الفرصه....گام شرد بلا ميدفع الحساب.

واحد ديسوق دعم اللي گدامه..نزل ذاك گال له: شنو.. چنك ماشايفني؟ گال:
والله شايفك.. بس ما أتذكر وين.

أحول إتزوج عله مرته...طلعت هيه نفسهه.

واحد گال له إبنه: بويه لازم أدرس بالخارج..گال:وأخوتك وين يخرّون؟

واحد راح يشتري حشيشه.. شاف الشرطه بالشارع.. ذب الفلوس وأنهزم.

واحد سال أبوه: بابا منين چنتوا تشربون ماي گبل؟.. گال أبوه: من العيون
إبني.. گال: بابا لعد ليش هسه من الحلوگ؟

واحد انسرقت سيارته..ركض وراهه ورجع گال:هم زين أخذت رقمهه .

واحد سوه دعوة سرقة سيارته..گالوله:شگد رقمهه؟ قال : والله
ثمنتالاف..ثمنتالاف وثمنميّه.. بهل حوالي.. المهم أقل من تسعميه.

واحد شاف واحد ويه مرته.. جر المسدس عليه..ذاك گال: لك هذي الكاميرا
الخفيه.. گالره بعراضكم.. ماكو غيري؟.. هاي خامس مره تنكتون بيّه.

شكرااا لكم للمتابعة النكت اتعبتني 3 ايام ادور على النكت يلة وجدتهة
هههههههههههههههههههههههه مضحكة
الموضوع مهدى الى
المجرم و MR.FREE

هههههههههههههههههه مضحكة النكت

يسلمو ..
لمن دحين ماقريتها ..
لمن افضى اقراها ..

ههههههههههه
مشكور

هههههههههههههههههههههههههههههههههههههههههههههههههه هههههههههههههههههههههههههههه
مشكورة مع اني ماني فاهمه شي بس شكلها يضحك

اشكركم لانها نكت عراقية شكراااا