غيابك ..

لحظة كسوف الشمس ماتنفع شموع
................... حتى تعود الشمس من بعد غيبه

ياغايبٍ ماشفت زولك من اسبوع
................. تراني ادفع في غيابك ضريبه

اقضي هدوء الليل ساكت وموجوع
.................. ولاراح ليلي قلت صبحي يجيبه

وفتحت لي في صفحة الشعر موضوع
.................. وسميت موضوعي غياب الحبيبه

وإن كان قصدك ياهوى الروح ممنوع
.................. هذي على العشاق ماهي غريبه

حبك كما وردٍ على القلب مزروع
.................. عطره يسليني بنفحات طيبه

بس البلا دنياك ماهي على الطوع
................. اخاف من سود الليال القريبه

واسمع خبر حيل الأمل صار مقطوع
................ وقالو حبيبك مقتنع في نصيبه

في وقتها معذور لوقمت بدموع
............... كتم المشاعر بالضماير مصيبه

وياعود ريحانٍ على جال ينبوع
............... قلبي طرى وادنات ريحٍ تجيبه

منقول ..