رد: فـَيْ دَآخَليْ ضَحْكَةٍ طَفَلْ, وَفـَيْ خَآفَقَيْ [ حُلَمْ ] الكَبَآرْ
قصة سمعتها
^
^
^
كنت وقت من الاوقات منوم بالمستشفى الي نظامه يختلف
بغرف خاصه فيه غرفه فيها رجال وفيه غرفه حريم
وانا تنومت بسبب عدوى صابتني وانا مسافر
وتدرون جو المستشفى ملل وطفش هذه ممرضه جايه وهذا ممرضه رايحه
ودكتور رايح ودكتور جاي ,,,
وناس تدق باي وقت هااه كيفك اليوم ياليتهم شافو الساعه كم قبل مايدقون
لا كله كوم وتهريج الممرضين والممرضات وضحكاتهم كوم ثاني
ومن البخت المايل غرفتي قريبه من الكاونترشي يقهر
والوقت بيروح بالجرايد والتلفزيون او في مقاطع جوالي وصور الكتاكيت اخواني فديت عمرهم
او اتمشى في الممرات خاصه في الليل يا طولك يالليل المستشفى
المهم كل ما طلعت بتمشى الاقي بنت مرافقه
اشوفها يا تتكلم مع الممرضات او سوالف بالموابيل او تتمشى او جالسه في مقاعد الاستراحه
و حسيت ان الطفش الي فيني فيها
مبين عليها متململه ولا احد يلومها
جو ملل وكئيب وكل لليله على هالحال
ومره شفت هالبنت حايسه مع الممرضات بتفهمهم حاجه ومو فاهمينها
نادتني الممرضه قالت فهمنا وش تبي البنت سالتها وهذي اول مره اكلمها وفهمت الممرضه هي وش تبي ،،،،
وبعدها يجمعني بها الطفش كل لليله في المممرات بدون حكي صمت بصمت
وبعض المواقف نشوفها قدامنا ونضحك عليها ،،،
مره عرفت انها بتسال عني من بعيد لبعيد لاني مره تعبت وارتفعت علي حرارتي
ولا نزلت وجاء الطبيب المناوب وبعدها طلب مساعدين له
يعني صار بغرفتي حركه مو طبيعيه
وبعدها قالت لي الممرضه ان المرافقه تسئل عنك بقلق وتبيني اطمنها عليك ,,,,
المهم عدت الايام
وبعد تنويم 12 يوم في المستشفى كتبو لي خرووووج ياهي فرحه كبيره
وانا اجمع اغراضي واطلع من غرفتي
البنت من بعيد تطالعني وكنها تودعني
لا انا قدرت اكلمها ولا هي >> وداع صامت
بعد ايام لمتنا سوى بمكان واحد وهم واحد
وبعدها كنت براجع العيادات وانا بالانتظار
كانت فيه بنت تطالعني طول وقت الانتظاروكانها بتعرفني وطنشت
ودخلت على الدكتور وبعدها طلعت وكان اخر موعد لي
وانا طالع وانتظر المصعد يتكرم ويفتح لي
سمعت صوت ينادني فيصل فيصل ؟عرفتني !
قلت مين قالت انا الي كنت مرافقه ولنا مراجعه اليوم ,,,
وحكي عن الصحه والحال :::::
شي حلو احساسنا باهتمام الناس فينا حتى واحنا مانعرفهم ولا اهم بعرفونا ,,,,
|