قل لنا أنطباعك | a Hunters The Movies

السلام عليكم ..~


؛



حياة رهيبة فلم دراما كلاسيكي سنة 46

؛

سبب المشاهدة :~

- جربت فلم بالابيض والاسود ئديم ئبل هالمره وعجبني وحبيت اخاطر كمان مره .
- اسباب شخصية

؛

كُنت مونونة بمشاهدته لاسباب :~

- اسمه " حياة حلوه " فا اكيد راح يكون فلم سعيد وبحبش افلام السعادة
-صورة البوستر لما شوفتها كمان اثبتت بان الفلم راح يكون ع الاخر حياة سعيدة

؛

رأي :~

هممم بطل فلمنا (جورج) فيه صفات اللي هي " الطيبة ؛ الكرم ؛ حب المساعدة ؛ التضحية ؛ ويبدي غيره على نفسه ؛ محبوب من الجميع " بصراحة هاي الصفات بحبهاش يمكن لانها مش بواقعنا ..~

بطلت فلمنا (ماري) ينعن شكلها شو حبيتها
جميلة .. جمال ايام زمان (البساطة والطبيعية ) جتى لو انها قصيرة
ئديش حبيت الكريزما تبعتها ؛ حبيت تمثيلها ؛ شخصيتها وفساتينها وتسريحاتها
بس فكرة زي بطلات افلام الكرتون زمان (افلام الاميرات) اللي بتحلم تتجوز شب بتحبه وتعيش بقصر معه ما حبيتها ..~

فلم هادف بصراحة لانه بينشر فكرة " اعمل منيح وساعد الناس ولما توقع بمشكل الناس راح ترد المساعدة "... انه هدا اشي منيح للاطفال يتربوا على هيك اشي .. لانه لو تيجي تحكي لحد واعي كون منيح بحكيلك " في مصلحة ؟"

الفلم هو مناقض الواقع لانه زي قصة للاطفال ؛ واكيد طالما هادف وقصة ومن اسمه اكيد الكل بعرف شو راح تكون نهايته .. " نعم جورج وماري عاشوا بسعادة الى الابد " هههههه

؛

ما حكيت قصته للفلم :~

قصته بتحكي عن (جورج) طول عمره حلمه يسافر برى ويطلع من قريته ؛ بدوش يضل بالقرية ويشتغل بمكتب زي ابوه ؛ بس تجري الرياح بما لا تشتهي السفن ! كل ما بتيجي الفرصة ليهاجر من قريته بيطلعله مطب ولانه بفهمش وبحب الناس اكتر من حاله بضل ليساعد ؛ بس بيجيه مطب بشله شل وهون حد بيدّخل ليساعده ؛ والناس طبعا بالفلم ما بتنسى المنيح فا كمان بتساعد والسبب بكون مرته (ماري) الحلوه خبّرت الناس ان زوجها حبيب ئلبها يده مساعدة ..~

؛

بصراحة مش عارفة اقيم الفلم لانه ممتع بس فيه اشياء كتير بكرها وفلم مش بشع .. فا بتركه بدون تقيم ...

النت عندي زومبي بئدرش اضيف صور :\







اراك بالمرة القادمة .. بفلم ..~