قصيدة لأفضل أم في العالم

السلام عليكم ورحمة الله وبركاته
مشرفين و أعضاء منتدى العاشق
بصراحه القصيده هذي من احب القصائد لي

لانها في اعز انسانه رافقتني في هذه الحياه

لا يمكن ان يسع الشعر حبها ومشاعرها

ولكن كتبت هذه الابيات لارضا شي في نفسي

اتركم مع القصيده

_______________________

(( يـــــــمــــــــه))

ياعين ذا دمعك من اللي مبكيك
لاهم واطيني ودمعك غريبـــــــه
*
ياعين وين اللي من الناس مسقيك
منهو على شانه دموعك سريبــه
*
ان قلت محبوبي ترى الحب معميك
وان قلت (( يـــمه)) والله انها عجيبه
*
يمــــه عسى عمرك طويل واخاويـــك
يمــــه فداك الكون ونفس لبيبـــه
*
ياجعل عمري فدوه بين اياديك
يامنتهى حبي وعذبه وطيبــــــــه
*
من فتحت عيني وعيني تحاتيك
ما شفت غيرك فالليالي حبيبــه
*
اول تضميني عن البرد واوذيــــك
وافزع الدنيا وقلبك اذيبـــه
*
ياما سهرتي الليل والخوف مشقيك
دايم تجسيني وعينك رقيبـــه
*
ثم كبرت وصارت خطاي توذيك
حولي وجنبي دايم انك قريبـــه
*
وثم يمر العمر واشغل لياليك
في روحتي وان جيت لينك غضيبه
*
لكن حنان الكون متربع فيــــــك
ما تبطي الزعلات وروحك ذريبه
*
واليوم يمـــــه ميل القلب ناسيـــــك
في ساحه العشاق روحي خصيبه
*
ياوين ياقلبي على الكل حاديـــــك
ما بين سمراء والكسر ما تعيبــــــه
*
حسرتني بين الغنادير و بحفيــــــك
واعلمك كيف الليالي كسيـــبه
*
يا شاري حبي ترى القلب ناصيــــك
انتي غلاء روحي وحبــــــك مصيبــــــه
*
و (( راكان )) ياعزي ترى القلب حاويك
من دون كل الناس حبـــــك غصيبــــــــه
*
من جيـــــت لدنيــــا وعيني تباريـــــك
وعلمتني درس فنونه رهيبــــــــه
*
علمتني كيف الليالي تنسيـــــك
رديتني من عقب غي اغيبــــــه
*
يا قلب لا تغفل ترى الحبل لاويـــــك
ما قدمت يمناك تلقى حسيــــبه
*
ان كان فالدنيا من الناس باكيك
محـــد مثلها لو يقدم نصيبـــــــه
*
(( يمـــــــه )) تراني ما تبعدت ما بيـــك
لكن خذاني الوقت شمس ومغيبــــــه

تسلم على القصيدة
جد القصيدة الأحلى عن الشيء الأروع
يشرفني اكون اول الرادين
تقبل مروري السيط

يُمنع المنقول بدون إضآفآت من صآحب الموضوع على ما نَقل

يُغلق + يُنقل للأرشيف