يتيم ( تصميم )

السلام عليكم ورحمة الله وبركاته

كل عام وانتم بخير

هذه قصيده قرأتها في احد المنتديات ونقلتها لكم بتصميمي





تدري وش اللي يجرح القلب جرحين

ويمد حبل الحزن فيك ويشـــده

أنك تناظر طفل من غير أبويــن

يمشي ودمعه سايل فوق خـــده

منظر صعيب ويقسم القلب قسميـن

لا قام يمسح دمعة بكف يــــده

يمشي ولايدري طريقه على ويــن

لين التعب من كثر ماتاه هـــده

اثقل حروف يشيلها فيه حرفيـــن

لا أب يدريبــــه ولا أم ترده

في خطوته رحله ودمعة وسكيـــن

وخط توسد بالمراسي مخـــده

جيت أسأله بالله قلي ولد ميـــــن

وبغى يجاوب واختنق صوت رده

أنا يتيم ومالدربي عناويـــــــن

وجزر الحزن فيني يساوي لمـده

وطعم الطفوله ماعرفته لها لحيـــن

وثوب السعاده صرت ماني بقـده

أبكي الى من شفت غيري سعيديــن

لين البكا فيني يوصل لحـــده

وأقفي ورحت أمسح دموعي من العين

وعيني تناظر دمعتة فوق خـده

وهذا اللي يجرح القلب جرحيـــن

ويمد حبل الحزن غصب ويشده

منقووول للأمانة