مالنا تركنا الاستغفار ؟!

بسم الله والصلاة والسلام على رسول الله

أزيكم ياشباب ؟
أتمنى تكونوا بخير
بإذن الرحمن هنتكلم عن دوا
الدوا دا ياجماعة كتير اوى حياته بتضيع من غير مايعرفه - الدوا دا كتير بيدور عليه بس ناااااااااااااادر لو حد وصله

طب دوا لأيه ؟؟ - كل حااااااجة عندك فيها مشكلة دا الدوا بتاعها إن شاء الله
الدوا دا ياجماعة هوا
الذكر

مش هنتكلم عن الذكر كله احنا هنتكلم فحاجة واحدة بس هى *الاستغفار*
الاستغفار سيد الذكر
هنعرف قد ايه الاستغفار غير حياة ناس وهنعرف فضله فالدين ان شاء الله

أول قصة معانا
زوج كلما تشاجر مع زوجته يخرج ويسيبلها البيت وييجى عند باب العمارة ويرجع يراضيها - كل مرة كدة - فلما حكالها الموضوع دا قالتله والله ساعة مابتخرج مابعمل حاجة غير انى استغفر لحد ماترجعلى

تانى قصة
راجل وزوجته قعدوا 10 سنين مايخلفوش وبعد ما يئسوا من كل المحاولات الطبية لجئوا للاستغفار وبفضل الله رزقهم الإنجاب

تالت قصة
شاب زى أى شاب اتخرج ومالقاش شغل - اتبهدل وطلع عينه لف ودوران على شغل مفيش خالص - كل مايقدم ورقه فمكان يقولوله :شهادتك مش مناسبة الشاب خلاص سنه عدى ال 28 سنة ومش لاقى حل
دخل كتب مشكلته عالنت زى بعض الشباب يمكن حد يلاقيله شغل ولا أى حاجة لقى الناس بتقوله استغفر استغفر - زاد اكتئابه اكتر واسودت الدنيا فعينه اكتر واكتر كان شايف الردود محبطة عايز حاجة عملية يعملها - سبحان الملك
بعدما يأس من كل حاجة ماعدش قدامه حاجة يعملها ومايعملهاش وسبحان الهادى قال اما جرب الاستغفار يمكن يمممممكن ربنا يكرم وفعلا بدأ فالحكاية دى بس كل شوية كان بيكسل اكتر يستغفر يوم و يوم لأ بعد كدة يوم واسبوع لأ
قال خلاص بقى انا هعاهد ربى على 70 ألف استغفار الشهر دا !!!!!!!!!!
أول يوم استغفر 14 الف مرة وتانى يوم انشغل شوية بس استغفر 3000 مرة وبيقسم ماعداش اليوم التالت إلا واحد من قرايبه اتصل بيه بعقد 8000 جنيه فالسعودية
سبحان الله
وجوجل مليان قصص صراحة

اللى مش مصدق ال3 قصص دول هقولك موقف حصلى أنا شخصيا سنة 2012 كنت فكلية خاصة وكان المدرج البنات تقعد فأول 3 بنشات والشباب فالباقى فكنت قاعد انا و 9 اصحابى فبنش فالأول وقدامنا بنشات البنات فجت بنت مش محجبة وقعدت أدامى أنا والله استغفرت ربنا وقومت من البنش رجعت بعدها بديقتين واحدة من البنات اشتكت البنش كله للدكتور وراح ساحب كرنيهات ال9 اللى كنت قاعد معاهم بسبب اتنين كانوا بيتكلموا


------------------------------------------------------------
نفسك فأيه بقى ؟
شباب هيقول : ياااااااااااااااااااااه حاجات كتير أوى نفسى أتخرج واشتغل واشترى عربية واجوز و و و و و من هنا للصبح -- وشباب تانى هيقول : أنا نفسى ربنا يرضى عنى - وشباب هيقول نفسى ابقى مستريح ومطمن - وشباب هيقول :السعادة
شوف انت نفسك فأيه فدول وتعالى نشوف الدليل على إن الاستغفار يقدر يحققلك كل اللى نفسك فيه
أه والله بس أنت ثق فربنا اللى عنده خزائن كل شئ

**عايز الجنة ؟
قال تعالى "وسارعوا إلى مغفرة من ربكم وجنة عرضها السموات والأرض أعدت للمتقين" آية 133 آل عمران
**عايز تأمن عذاب الله ؟
قال تعالى (وما كان الله ليعذبهم وأنت فيهم وما كان الله معذبهم وهم يستغفرون)، آية 33 الأنفال
**عايز تتوب ؟
قال الله تعالى "والذين إذا فعلوا فاحشة أو ظلموا أنفسهم ذكروا الله فاستغفروا لذنوبهم ومن يغفر الذنوب إلا الله ولم يصروا على ما فعلوا وهم يعلمون" آية 135 آل عمران
في حديث أبى سعيد الخدرى رضي الله عنه أن رسول الله قال: "إن الشيطان قال: وعزتك يا رب لا أبرح أغوي عبادك ما دامت أرواحهم في أجسادهم, فقال الرب تبارك وتعالى: وعزتي وجلالي لا أزال أغفر لهم ما استغفروني"
**عايز ربنا يفرجها عليك؟
روى النسائي وأبو داود وابن ماجة والبيهقى عن عبدالله بن عباس رضي الله عنهما قال: قال رسول الله صلى الله عليه وسلم "من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب"
**عايز رزق وأولاد ؟
قال تعالى: "فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا" آية 11 نوح
**عايز صحة ؟
قال تعالى : وَيَا قَوْمِ اسْتَغْفِرُواْ رَبَّكُمْ ثُمَّ تُوبُواْ إِلَيْهِ يُرْسِلِ السَّمَاء عَلَيْكُم مِّدْرَارًا وَيَزِدْكُمْ قُوَّةً إِلَى قُوَّتِكُمْ وَلاَ تَتَوَلَّوْاْ مُجْرِمِينَ آية 52 نوح
قال الله تعالى في كتابه الكريم : اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً


نفسك فأيه تانى ؟
عليك وعلى جوجل بقى عشان الموضوع طول كدة
---------------------------------------------------------
صيغ الاستغفار :
--سيد الاستغفار وهو أفضلها، وهو أن يقول العبد: ( اللهم أنت ربى لا إله الا أنت، خلقتنى وأنا عبدك وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علىّ وأبوء بذنبى، فاغفر لى، فإنه لا يغفر الذنوب إلا أنت ).
--أستغفر الله
--رب اغفر لى
--اللهم إنى ظلمت نفسى فاغفر لى، فإنه لا يغفر الذنوب إلا أنت
--رب اغفر لى وتب علىّ إنك أنت التواب الغفور، أو التواب الرحيم
--أستغفر الله الذى لا إله إلا هو الحى القيوم وأتوب إليه

ونختم
كان عليه الصلاة والسلام ينوع فى طلب المغفرة، ويعدد الذنوب بأنواعها، فيقول :

اللهم اغفر لى خطيئتى وجهلى وإسرافى في أمرى، وما أنت أعلم به منى، اللهم اغفر لى جدى وهزلى، وخطئى وعمدى، وكل ذلك عندى، اللهم اغفر لي ما قدمت وما أخرت، وما أسررت وما أعلنت، وما أنت أعلم به منى، أنت المقدم وأنت المؤخر وأنت على كل شيء قدير

ناقصك ايه عشان تستغفر !
وجزاكم الله خيراً

السلام عليكم ورحمة الله وبركاته .....

كفيفك ازيك يابرنس

يااااه دا موضوع قامد اوي

هايل قداً وللاسف كتير مننا مأصرين في الموضوع المهم دا
كتير منا مش عارف فايدة الاستغفار إيه

اه والله زي ماؤلت دا تواصل بيننا وبين ربنا دا هوه من اساسيات محبة ربنا لينا واساس تحقق امنيتنا
واشياء كتير مش عارفينها ومش حنندم في اخرتنا الا على ساعه راحة ومازكرناش ربنا فيها

وهو زي ماؤلت دواء ودواء عظيم قداً } ~

بس ياصديقي الموضوع كان باللهجه المصريه لوكان بالعربي الفصحى كان افضل عشان الكل يفهم

لأن زي منت عارف المنتدى يوجد فيه اكثر من جنسيه ومو الكل بيفهم عليك

واتمنى اني ماجبت العيد في اللهجه المصريه بردي

واكثر شيء عجبني ان الموضوع واضح انه من كتابتك اسلوبك بسيط لكن ذو معنى عالي جداً

اتمنى لك كل الخير والتوفيق

تسلم حبيبى عالمرور
كنت فاكر كل الشباب عارفين مصرى كويس
ان شاء الله المرات الجاية احاول اكتب بالفصحى

أوعجزنا .. أالهتنا الدنيا .. !!!
لا اله الا انت سبحانك انا كنا من الظالمين
استغفر الله الذي لا اله الا هو الحي القيوم واتوب اليه
اشكرك اخي على الطرح .. طريقة لافتة واسلوب متميز
راق لي ما طرحت اخي .. شكرا لك ^^
وجوزيت خير الجزاء
احببت ان اضيف .. اننا بحق لا نحتاج الى البحث او الاستماع الى قصص مجربين او محللين
لانه سبحانه ذكر لنا في كتابه العزيز فضائل الاستغفار سواء اكان ذلك في الدنيا او الاخرة
ومن اصدق من الله قيلا!!

تسلم حبيبى

بالنسبة للقصص فأسلوب الوعظ دائما ما تزينه القصص لما ترسخه أكثر وأكثر فى عقول الناس وهذا لا يتعارض مع ما قلته أنت

جزاك الله خيراً أخى الحبيب على الإضافة ^_^

و عليكم السلام و رحمة الله و بركاته
كيفك أخي إن شاء الله تكون بتمام الصحة والعافية
ما شاء الله عليك موضوعك جميل جدا
و بداية موفقة بالفعل الاستغفار هو حل لجميع مشاكلنا
و ما ابلغ قول الله وما اروعه ((فقلت استغفروا ربكم إنه كان غفارا يُرسل السماء عليكم مدرارا
و يُمددكم بأموالٍ و بنين ويجعل لكم جناتٍ ويجعل لكم انهارا ما لكم لا ترجون لله وقارا ))
يا اخي ينقصنا الايمان بأن ما قاله الله صحيح
اكثر الناس لا يُصدق هذا . بسبب قلة إيمانه
على العموم أسأل الله ان يُصلح شباب وفتيات المسلمين
وجزاك الله خيرا على النتبيه لهذا الامر المهم
والسلام عليكم و رحمة الله و بركاته..

السلام عليكم

كيف حالك ياأخي الكريم , إن شاء الله تكون بخير

كلامك جداً جميل ولكن في شي واحد لازم تغيره وهي طريقة كلامك وتحوله للفصحى .

لأن البعض ماراح يفهموه .

وجزاك الله الف خير , وشكراً لك

المشاركة الأصلية كتبت بواسطة narutooooosasuke

و عليكم السلام و رحمة الله و بركاته
كيفك أخي إن شاء الله تكون بتمام الصحة والعافية
ما شاء الله عليك موضوعك جميل جدا
و بداية موفقة بالفعل الاستغفار هو حل لجميع مشاكلنا
و ما ابلغ قول الله وما اروعه ((فقلت استغفروا ربكم إنه كان غفارا يُرسل السماء عليكم مدرارا و يُمددكم بأموالٍ و بنين ويجعل لكم جناتٍ ويجعل لكم انهارا ما لكم لا ترجون لله وقارا ))
يا اخي ينقصنا الايمان بأن ما قاله الله صحيح
اكثر الناس لا يُصدق هذا . بسبب قلة إيمانه
على العموم أسأل الله ان يُصلح شباب وفتيات المسلمين
وجزاك الله خيرا على النتبيه لهذا الامر المهم
والسلام عليكم و رحمة الله و بركاته..

تسلم حبيبى لمرورك فعلا انت جبت أهم نقطة بالموضوع أن الشباب من كتر بعده عن دينه ماعدش بيصدق - أو بمعنى أصح ماعدش بيحط الدين ف أولويات حياته والله المستعان

المشاركة الأصلية كتبت بواسطة shaz

السلام عليكم

كيف حالك ياأخي الكريم , إن شاء الله تكون بخير

كلامك جداً جميل ولكن في شي واحد لازم تغيره وهي طريقة كلامك وتحوله للفصحى .

لأن البعض ماراح يفهموه .

وجزاك الله الف خير , وشكراً لك

عليكم السلام
الحمد لله بخير
أها إن شاء الله الموضوع الجاى يبقى بالفصحى
كنت فاكر ان كل الشباب العربى بيفهم العامية المصرية :[
جزاك الله مثله

شكراً ليكم شباب ^_^