مكتبة النكت والمواقف الطريفة فيـــذا

تسلم على الموضوع الروووعه :
انا مركنت جالس مع الشباب
المهم مسكت معانا نصلح مقلب
في اغبى واحد في الشله
طبعا المقلب وشهو انه نخلي
واحد من الشباب يسبقنا مكان
معروف عندنا في الحاره ان كله
اشباح طبعا هذه خرافات المهم
جاء الغبي بكل ثقه وهو مو عارف
شيئ...جلس الرجال وهوقاعد يثرثر
دخلت انا عرض قلت وش رايكم يا شباب
نروح المكان إلي يقولون ان كله اشباح
طبعا كلهم موافقين لأنهم عارفين الطبخه
وابو الشباب يوم شاف الكل موافق قال" مع الخيل
يا شقرا"كانت السياره إلي معنا هايلوكس مقربعه
المهم كلنا ركبنا في الصندوق بروح المكان المشؤوم
يوم وصلنا المكان كان في تبه او هضبه صغيره لكن
ما تشوف إلي وراها "للتذكير واحد من الشباب سبقنا للمكان"
اول ما وصلنا قال الغبي بكل شجاعه المكان ابد ما يخوف لو تبوني
انام فيه انام ما عندي مشكله اول ما خلص هذي الجمله , تطلع وحده
لابسه عبايه سوداء ويطلع فوق الهضبه الغبي يوم شاف الموقف كان
راح ينخبل , انا اول ماشفت الرجال بينخبل رحت اسب في صاحبة العبايه
"الله يلعنك والله انك ما تخوفين بزر من ذا الكلام وكله سيناريو مضبط"
طبعا الولد بيموت وهو جنبي , فجأه كذا رحت انا رامي بنفسي عند ابو الشباب
واصيح واقوم وارمي بنفسي مره ثانيه يعني كأنه جاني مس الرجال يوم شاف الموقف
ما تحمل "والله ما اكذب عليكم انه شالني فوق راسه بعدين بكل ما اعطاه ربي من قوة رماني
في صندوق السياره وهو يصيح اطلع يا حيوان اطلع ياملعون اطلع يا كلب " انا يوم شفت
الموقف كذا ما تحملت ضحكت و ضحكت الين عرف انه مقلب وعرف ان صاحب العبايه خوينا.
كان راح يذبحنا لكن ربي ستر......................طبعا هذا موقف قديم حصل حبيت اشاركم فيه واعذرني
على الاطاله