●» وٺبقےٰ ملامح‘ ضحـگٺي .. فيها علاماٺ الألم ♣

مِحتاجك كَـُبل مو هسـة وكتك فآت ، قبل سنين جيتك جنت أتانيهـة

أنـة ما صدكـت تنطبكَ عيني إشلون ، أرد أفتح جفنهة وكَوة أصحيـهة

غِض عيونك وشردني حتـة أرتآح ، وآنـة عيوني عنك رآح ألهِيهَـة

وإحلفلي شَبه حتى أقتنع غلطان ، كفارة اللي يحلف تالي ينطيهـة

وبعد لا تلتفت للموتى اللي يمرون ، إذا لاكَتك روح إبدون راعيهـة

من أكَلّك رايح أبرد حتة أظل زعلان ، إحزن بس حسرتك عني تخفيهـة

ولا تقرة شِعر يمي ولو لحظات ، سمعني سوالف وزن ما بيهـة

رِد لذكرياتي وسِد عليك الباب ، والأسوار اللي إبطولك رآح أعليهـة

-

أدمِن عالنِفَس بس مرة إذا جَريت ، نفسي ومن هَوآ أسمك رَيِّتي أمليهـة

طفيتك جمر كَوة إبطَلاع الروح ، من الدخآن سودة الدمعة اللي أبكيهـة

حِبني إبرآحتك كون آنة مو ويآك ، وأدوار الضحية لغيري خَليهـة

خِضت التجربة وضِكَت الخسارة إشلون ، مُرّة شما خطتهة وردت أحليهـة

-

بالقُدرة كَدرت أنسـة سهل ذكرآك ، أحذر من صورَّك خآف أحاجيهـة

أنـة مثل الخِرز عندي الجروح أنوآع ، كل واحد بحآلة ومِيزة يحويهـة

حِبني برآحتك كأنك تزور إقبور ، ما أملك دموع إكَبآلك أبكيهـة

تدري من الغصن كل الطيور إتطير ، إذا بس مرة وحدة الجِّيلة تخطيهـة

-

حِبني بلا سبب وبدون كل غآيات ، هيج بلا مقابل للّه سويهـة

مو كل الزرع مسموح إلك تِحويـه ، أي فلاح إسئلّة الوردة يحويهـة

يلي بروحك قفص وَجّت بلابل بيـه ، أنـة روحي العناكب عَشعِشت بيهـة

أريد أدخل قلب ما ألكَة بيه تمثآل ، وأسئل عالحضارة ويَم تبانيهـة

ما أريد اللي يضحي إبروحـة بس أحتآج ، نُـص التضحيات اللي جِنت أضحيهـة

-

أزهـَد بالعشكَ وأستغفر من ألكَـآك ، وأكَولن يالله حلوة إمرورة الكَهوة

تَرِف مثل البلم من أنجرح ما أعيش ، وتجرحني وأكَولن هذا مو هُوة

مِشِط وبشَعر نآعم هيج مآشي وياك ، وحبيتك بخت بعناد كل شهوة

وأبد ما دورت عزة نفِس ويآك ، آنة وكلشي بيّة إيروحلك فِدوة

وما أريدك .. وأريدك ، حِرِت وإحتآريت ، العفتني والبقيت إثنينهن بَلوة

-

من أشوفك عمري يخلص يوم .. يوم إيضيع ، وبنفس الوقت كأن منولِد تَوّة

صدفة اللي جابتك مو موعد ونظرآت ، وصدفة الحب يجي ما يجي بالكَوة

ويجي دور الصبح وأعتذر من فيروز ، وأبدي أسمع بصوتك شِعِر مو غنوة

-

غشيم وصدكَت بسوالف الليل ، وكفيت الشوف كلة لخاطر أحلام

الليل بغير شوفك كأنه تابوت ، عذابة الميت وما طب للإسلام

أنام بلا وجه لمن يجي الليل ، اللي باكَو منة حلمة بيا وجه نآم

أدفع بالعمر حَد ما تدنيت ، بيني وبين عمرك ظآلة أيام

واهس مقبرة وإيطرهة عريس ، شيفيدة العرس لو قبرة من جآم

خذت دور الورق ما يحكي بصيآح ، تجبرة علة الحكي من إتبوسة الأقلام

-

كنت لك وجه زفة إيسولف ويآك ، يا وجه الفاتحة اللي ماضمك لثآم

ليش إتعوفني مو كنت حآميك ، الجلد صآحب فضل من ضم العظآم

جرحك ليل وآحد ما يكفيه ، أريدة الليل كون لشدِّتي حزآم

ومو كل الشجر مبيوع للنآر ، ولا كلمن حكى المفروض ينلام

السهم ما أقدرة لأن من ظهرة مدفوع ، حكي القوس يدفع ظهر السهآم

حسبتك روح يل جآزيتني برمح ، شكثر ضميتلك يل كلشي ما ضآم

-

عُمرك مِيل سآعة إشبيك مغرور ، تدكَ بآب الزمن وإتدفعك أرقآم

جرحك صآر شاعر بآلة متروس ، وما يكتب إذا مو إنتة الإلهام

ومو كل بيت لازم ينحسب بيت ، البلبل بالقفص محكوم بإعدآم

-

النهر بيه ميزة حلوة إيضم الأسرآر ، عُمُر ما بآع سر لظهر البلام

ترة مرآت تعطش شوفة إنسآن ، وصورة بداخلك تحتاج رسآم

سنة ينرآدلي حتة أسمع الناس ، بعدني أسمع كلامك مالت العآم

-