| القسم الأدبي قسم يختص بالشعر والنثر من إبداعات الأعضاء الخاصة.
(المنقول ممنوع جُملةً وتفصيلًا في هذا القسم) |
|
#1
01-12-2010, 12:53 PM
|
||||
|
||||
امانه عليكى تستنى
أمانه عليكى تستنى ماتترجيش دروب البعد تدبحنا وتصلبنا .. حكاوى فينا منسيه ماتترجيش ساعات بعدك تمد الخطوه ف الرايحه وف الجيّه تعكر صفو أحلامنا تبعترنا تقطّع حبل أفكارنا وانا دايما أصيغ الحزن بحروفى مع خوفى لابكره تبعدى عنى وتتمنى أكون ذكرى ف أيامك وأحلامك طريق واعر ومتكتف بأوجعنا ياكل الدنيا ياعمرى ياطير .. رفرف على كفوفى وساكن جوا ف عروقى ياعزة نفس مرسومه على الشريان يانور حاضن خطاويا فى كل مكان قابلتينى … وساعة عينك الحلوه مابصت لحظه ف عيونى عرفتينى وشفت البسمه ف رموشك فعادت رسم تكوينى ساعتها عرفت ان الدنيا دى غنوه وألحنها بنبض القلب مرسومه ومعدومه ساعات الحزن جواها قابلتينى … كأن الدنيا قدامى جناين ورد مزروعه وموسوعه من الافراح وكنتى زى ماكنتى ملاك طاير بأحلى جناح وصوتك زى ماهو بيتسرسب لوجدانى ويضحك جوا شريانى فى نبض القلب من جوه مانيش قادر على وصفك مع انك كأنك شمس قدامى ولاتحبى الخداع أبدا ولا بتخونى أيامى طريقك ع الصراط مرسوم ودايما ع اللقا تحكى تقولى : الحظ والمقسوم وانا راضى أكون دايما سحابة صيف بأيامك ونسمة بحر مزروعه بأحلامك ومش عاوز أكون معشوق ولا عاوز اكون مشنوق ببعدك أو بنسيانك أمانه عليكى … خليكى وماتسيبنيش وكونى بس غنيوه وهمزة وصل تجمعنا وماتلومنيش لان القلب مش ملكى ولا ملكى مشاعر فيا مدفونه هاتستنى ؟؟؟ أمانه عليكى … تستنى عشان خاطر تخلينى أكمل عمرى متهنى أكرم عبد السميع سوهاج – البلينا – نجع مازن غرب 
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه للموضوع امانه عليكى تستنى:
|
||||
| الموضوع | كاتب الموضوع | المنتدى | مشاركات | آخر مشاركة |
| امانه بس علمني وش اللي غير احوالك ..؟! | joje | قسم الأدب العربي و العالمي | 7 | 09-01-2010 01:52 AM |
| امانه لكل الاعضاء ادخلوااااااااااااااااا | العاشق 2005 | أرشيف قسم البرامج | 0 | 09-24-2009 11:20 AM |
| حصريا :: البوم حسام مدنيه :: بموت عليكى :: نيو البوم | ZABOBAH | قسم الأرشيف والمواضيع المحذوفة | 2 | 09-15-2009 01:04 AM |
| حمل من رابيد شير من غير ما تستنى وحمل الروابط ورا بعض مع USDownloder | mr.elpop | أرشيف قسم البرامج | 0 | 09-04-2009 07:53 AM |
| ابغى رايكم واقتراحاتكم بكل امانه يا اخوان في ؟ | العاشق 2005 | قسم الأرشيف والمواضيع المحذوفة | 0 | 09-26-2008 01:50 AM |
الساعة الآن 11:54 AM.
Powered by vBulletin® Copyright ©2000 - 2024, Jelsoft Enterprises Ltd.
كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة
rel="nofollow" 