الخلطه السريه لـ تركي الميزاني

:1 (7):" الخلطة السريه":1 (7):
ياعذابي منك ياموتي وياحرماني
زابنك بالله تخفف عني اللي فيه
من عذابي وشهو اللى باقي ماجاني
في عيوني من عذابك صاير ماريه
وانت تدري كل ماتحتاجني تلقاني
يشهد الله عنك ماتقدر تشح يديه
بس تكفي لاتعذبني ولاتنساني
ضمني يانور عيني في حشاك شويه
كل ماشفتك تدخلني بعالم ثاني
عين تنظر لك بشر و الثانيه حوريه
فيك شيطان الهوى ياسيدي وصاني
بالغلا والولف والتقدير والحنيه
والقصيده اليا بغيته فيك مايعصاني
يتباشر في وصوف عيونك السحريه
ياوجودي لو أشوفك يابعد خلاني
يشهد الله لحذف الغتره مع الطاقيه
كيف أنا المجني عليه وكيف صرت الجاني
لعنبوا حظك ضبطت الخلطه السريه
لين من حبك ومن طيشك نسيت اخواني
صرت أجي واروح لاهاذي ولاهذيه
والهوى هو حاكم شعوري وهو سلطاني
لاحصل لي منه لارحمه ولاماويه
أشهد أنه راح فيها تركي الميزاني
ومن يكذبني يعرف الخلطه السريه

:1 (30):انتظر ردودكم :1 (8):

يعطيكـ الف عافيهـ

وماننحرم من جديدكـ ان شاء الله

يعطيك العافيه اخوي
طرح جميل وذوق اجمل
تقبل مروري ؛؛؛؛؛؛

سلام..

جميلة تلك الحروف التي لامست قلبي حينما عانقتها عيناي

فحروفك تلامس القلب

وتحرك المشاعر

وتبهر كل من يمر عليها من روعتها


فبكل شوق نتوق إلى جديدك

لك مني أرق وأعذب تحيه