ثمان سنين أجي نفس المكان بساعة المغرب ..!!

على الموعد بلهفة جيت لا مانع ولاتأخيـر


لفيت من العصر هايم مع إن الموعدالمغرب






وجتني بس مدري ليه شعرت الجية هذي غير


وهي تقرب من عيوني شعرت إن الممات أقرب






وقلت الله يهونها عسى في جيتك لي خيــر


أنا من شفتك أقبلتي وأنا خايف ومستغـرب






على كثرالحكي مدري .. كأنه خانهاالتعبيـر


وقالت لي جمل وأشياء لا تكتب ولاتعـرب




هدت فجأةتطالعني وأنا في حاجة التفســـــير


لجل نحكي بهدوءأكثر سألت : الحلوة وش تشرب






فصاحت بي أنا أحبك ولك في هالحشا تقدير


وتدري إن المثل فينا وفي إحساسنا يضرب






وكنت أنت الوفي وأنت البريء من تهمةالتقصير


ولكن ذي عوايدهم من أيــــام وزمن يعـرب






تكون البنت لابن العم ورغبات الكبار تصيــر


وتدري الأقربون أولى .. مع إنك للخفوق أقرب




وتدري للقدركلمه ... ولعادات الأهل تــأثير


لذا أرجـوك تتركني وأنا من واقعك بهـرب






شعرت بحكيها كنه قصاص وأمربالتعـــزيــر


وشعرت الدنيا ضاقت بي من المشرق إلى المغرب






مشت خلت وراها طفل .. ما يدرك وش التدبيــر


يحسب إن الغرام أبيات شعر وأغنية مطـــرب






ضحكت وماقدرت إني ألاقـي لضحكتي تبريـر


من اللي بوقتنا مره ضحك من لدغةالعــِقرب






رفضت أستوعب إللي صار ولا استسلمت للتغيير


ثمان سنين أجي نفس المكان بساعةالمغـــرب






برغم إن الثمان سنين جرح وكلفتــني كثيــر


أنا لليوم أجي أدعي .. تجي يارب .. تجي يارب