| القسم العام قسم يهتم بالمواضيع التي لا أقسام لها داخل المنتدى
(المنقول ممنوع جُملةً وتفصيلًا في هذا القسم) |
|
#1
03-29-2010, 03:05 PM
|
||||
|
||||
|
كبر عقلك وحووب نفسك بس بدون غرور
السلام عليكم ورحمة الله وبركاته
كبر عقلك وحوووب نفسك بس بدون غرور ............................................. يالي تقول انا ما احب البنت الي تطلع كثير وما احب البنت الي كذا وكذا وبعدين تطيح على اردى خلق الله وتتعقد وتصير تكره الحياة كبر عقلك و خليك في حالك واتمنى الخير للجميع وربي بيرزقك الي تسعدك حوووب نفسك لان محبتها سبيل احترامها واحترامها سبيل ترفعها عن الدنايا وترفعها عن الدنايا سبيل شموخها وشموخها سبيل سعادتها بس بدون غرور لانك راح تكون اسعد الخلق و هذي نعمة من الله تستحق الشكر وليس الغرور ........................................... يالي تقولي ابغى اتزوج ياربي البنات كلهم اتزوجو الا انا كبري عقلك وكل تاخيره فيها خيره واستغلي التاخيره بكل خيره تنفعك في المستقبل حووووبي نفسك واصنعي منها ملكة الكل يتمناها بس بدون غرور لان الغرور في هذه الحاله يخرب كل الي بنيتيه ............................................. يالي تظن نفسك احسن الناس والغلط ما يطلع منك وان كلمتك هي الصح والناس كلهم غلط كبر عقلك واعرف ان ابن ادم خطاء وخير الخطائين التوابين وانو من اخطائنا نتعلم لنرتقي بانفسنا حوووب نفسك وخليها تتعلم من غلطها عشان ما تطيح فيه مره ثانيه بس بدون غرورلان الغرور يخلي الي اتعلمتو من الدنيا يروح عالفاضي وكانك ما اتعلمت ........................................... يالي ما تشجع وتقول ما ابغى وجع راس من قال ان التشجيع وجع راس كبر عقلك شجع واثبت لناس انو التشجيع رقي واخلاق موهماجه وطولة لسان حووووب نفسك لانو من حقك تمتع نفسك وتعيش روح المنافسه بس بدون غرور عشان لما ينهزم فريقك ما تزعل وتحرم نفسك النوم والاكل .................................................. .................... يالي تقولي ابغى اسوي رجيم عشان جسمي يصير حلو وكل ما شفتي وحده جسمها حلو ايش سويتي وايش ما سويتي وايش الرياض هالي تتبيعيها وتحرمي نفسك من الخير وتطيحي من مرض لمرض كبري عقلك وافهمي انو لنفسك عليك حقا وطريقة اكلنا هي كما علمنا الرسول و انو رياضتنا الصلاه بس متى راح نقتنع ؟؟؟ لما الغرب يكتشف وان احسن الرياضات للجسم هي الصلاة هذاك الوقت راح نقتنع عشان كذا اقولك كبري عقلك وافهمي انو احسن رياضه هي الصلاة وخاصه صلاة الليل جربي وشوفي حوووبي نفسك ولا تحرميها من نعمة رب العالمين وتهلكيها بتجارب فاشله بس بدون غرور لان الرشاقه والصحه نعمه عظيمه تستحق الشكر .................................................. ..... يالي تشوف الرجوله هي بالقوه والعنف والتجبر كبر عقلك لان الرجوله جوهر وليس مظهر الرجوله افعال وليس بريق يلمع وكل الرجال ذكور بينما ليس كل الذكور رجال حووووب نفسك وكن القوي الحليم واجعل الرسول قدوتك بس بدون غرور لانك راح تكون رجل في زمن قل فيه الرجال ................................................. يالي تعصي الله وتقول كل يوم راح اتوب كبر عقلك ولا تمكر لان الله خير الماكرين وافهم وانك لما تملك الدين راح تملك الدنيا حووووب نفسك واحميها من عذاب جهنم بس بدون غرور لان الغرور معصيه .............................................. يالي همك تتكلم في الناس لا خليت حش ولا غيبه ولا نميمه الا وسويتها همك الوحيد تتبع عورات الناس كبر عقلك وخليك في حالك ودع الامور تجري على اعنتها ودع الخلق للخالق واعرف انك خلقت لامور اعظم من هذ ا الكلام الفاضي التافهه الي ما يخدم حياتك بشي حووووب نفسك واجعل الصمت اهم صفاتك ولا تنسى الكلام عند الحاجه لتترك لناس بصمه عن شخصيتك الرااااقيه بس بدون غرور لانك راح تمشي وكانك ملك .......................................... يالي تعطي ايميلك لاي ولد ما تعرفيه ولا يعرفك وتستهيني في العلاقات هذي بحكم الصداقه واسباب اخرى ترى هذي مداخل الشيطان تفتح لضعا ف النفوس باب ولشيطان ابواب كبري عقلك ومن ترك لله شيء عوضه الله خير منه وعلقي قلبك بالله لان من تعلق بالله مافي أي معصيه في الدنيا تهمو عندها تجيك الدنيا وتعطيك جنتها لان الدنيا ما تركض الا ورى الي تاركها بذلك تكوني انتي ملكتي الدنيا والدين حوبي نفسك اجعليها الغاليه التي لا يصل اليها الا من دفع ثمنها بس بدون غرور لانك كل ما تتركي شيء لله يعلو قدرك وشانك في نظر نفسك ............................................ يالي تلبسي عبايه مخصره مزينه تكشف اكثر من ما تستر كبري عقلك واعرفي ان جمالك في سترك .......... في حشمتك .............. في حيائك ............. في غموضك ................ حوبي نفسك لا تجعليها فريسه سهله لاصحاب النفوس الضعيفه بس بدون غرور لانك راح تكوني مضرب المثل لستر والحشمه .................................................. يالي همك تجيب عيال واحد ورى الثاني وهمك كثرة الابناء و اذا زوجتك ما حملت بعد كم ابن رحت واتزوجت عليها ونسيت ان هؤلاء الابناء بحاجه الى تربيه كبر عقلك الابناء مسؤليه و ممكن تجيب ابن وتربيه تربيه صالحه ويكون عن عشره ابناء تجيبهم على الدنيا وانتا مو قد مسؤليتهم وخاصه من الناحيه العاطفيه ولا تنسى انو كلكم راع وكلم مسؤل عن رعيته حوووب نفسك ولا تظلمها وتظلم ابنائك معاك لانك بحاجه لبرهم وهم بحاجه لبرك بس بدون غرور لانك لما تبني عائله سعيده مترابطه هذا انجاز عظيم .................................................. .................. يالي تقول ابغى صديق \هـ صادق \هـ يعاملني معمله حسنه و...........و...........و كبر عقلك وابدء بالخير وبالصدق وبالمعامله الحسنه ولا تنتظر من أي احد شي ولا تسلم سرك لاي شخص ولا تبالغ في محبته حووب نفسك واصنع منها معطاء للخير وابتغي بذلك الاجر بس بدون غرور لانك راح تكون محبوب عند الجميع والغرور في هذه الحاله مرره مو حلو .................................................. ....... يالي تقولي انا مو حلوووه ماحد راح يخطبني فلانه احلى مني و قبل كل حفله واو اجتماع للعائلات قلتي والله لوري فلانه بنت فلان واصير احلى منها واخليهم يخطبوني ولا يناظرون فيها كبري عقلك الجمال جمال الروووح والرجل ما يبغى جمال المظهر وبس وحطي في بالك لو ملكتي جمال الجوهر تلقائيا راح تملكي جمال المظهر بعدين مافي بنت مو حلوه كل البنات حلوين كل وحده وهي ذكاءها كيف تبرز جمالها حوبي نفسك وجمليها في عينك عشان تعطيها واذا اعطيتيها راح تاخذي منها الي تبغي بس بدون غرور لان العرسان بيكونو عند بابك طابور ......................................... اتمنى موضوعي ينال اعجابكم 
|
رد: كبر عقلك وحووب نفسك بس بدون غرور
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه للموضوع كبر عقلك وحووب نفسك بس بدون غرور:
|
||||
| الموضوع | كاتب الموضوع | المنتدى | مشاركات | آخر مشاركة |
| يــا غرور شاعر : حقيقة الصور المكذوبة على قدرة الله عز وجل .!! | محب الإسلام | القسم الإسلامي العام | 3 | 11-15-2010 04:14 PM |
| تقرير FaceGenالعب في وجه صديقك او تخيل تشوف نفسك امراءة :) أو تشوفي نفسك رجل!!! nabil | العاشق 2005 | أرشيف قسم البرامج | 3 | 11-11-2009 01:48 AM |
| نفسك فى شات روم بدون قاعدة بيانات وسهلة التركيب شوف بنفسك | العاشق 2005 | قسم الأرشيف والمواضيع المحذوفة | 0 | 05-05-2009 06:50 PM |
| عملاق الحماية بدون منازع Avira Antivir كاملا للأبد لا تزعج نفسك بالبحث عن كود التفعيل | العاشق 2005 | أرشيف قسم البرامج | 0 | 05-04-2009 02:50 PM |
| رفه عن نفسك والعب لعبه vieax الجديده(عربيه+بدون تحميل+ممتازه جدا) مثل ترافيان ولكن ام | العاشق 2005 | أرشيف قسم الألعاب الإلكترونية | 0 | 12-28-2008 04:51 AM |
الساعة الآن 05:59 PM.
Powered by vBulletin® Copyright ©2000 - 2025, Jelsoft Enterprises Ltd.
كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة
rel="nofollow" 