اقراها وابكي (ارجو التثبيت )

يابوي ليه تبكي كل ما شافتك وعينـك لـي ؛،؛
تخاف أموت يابوي ... وقبل الموت تبكيني

تكفى يابوي لا تبكي وأنا موجود معك وحـي؛،؛
أجل بعد الرحيل أشلون في قبري توطينـي

يابوي لو تموت الناس ماتسوىدموعـك ذي ؛،؛
وأنا يابوي ميت قبل أموت وأنـت محيينـي

قسم بالله يابوي لجل عينك شربـت الغـي ؛،؛
جرعت الهم والحرمان وبحر الويل يسقينـي

تحملت السنين اللي طوتني في عذابي طـي ؛،؛
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي ؛،؛
ولكـن بطلبـك يابـوي تكفـى لا تخلينـي

يابوي مابي غيرك يغسـل جثتـي بالمـي ؛،؛
وتكفى قبل لا أتكفن .. يابوي فكلـي عينـي

بأمر الله يمكن ألمحك وأرحل في عيني ضي ؛،؛
وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي ؛،؛
وتأخذني على قبري وتكسب أجرهـا فينـي

وأذا جيت القبر يا بوي نزلني شوي شـوي ؛،؛
ووجهنـي لبيـت الله .. وقبلـه المصلينـي

وحط الطين وأدفني وعزاللي يعـزي فـي ؛،؛
ثلاث أيام يابـوي .. يواسـوك المعزينـي

ورابع يوم يابوي تذكر .. ضحكتي وعني ؛،؛
تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفـي ؛،؛
تجي يمي تصب الما..على وجهي وتصحيني

تذكر جرة الموال وصوت في حبالـه كـي ؛،؛
تذكر يوم أغني لك قصيدي وانت توحينـي

تذكر ضحكتك لا قلتلك يابوي عشقي هـي ؛،؛
تذكر كم قصيدة خافيه مـا بينـك وبينـي

تذكر كل شي كان وأذكر يـوم انـا حـي؛،؛
ولكـن أسالـك بالله يابـوي لا تبكيـنـي

كلمات رائعه
بجد

يسلمووووووووووووووووو

على الكلمات الحزينه

خاطرة روووعه

رغم الحزن الي فيها

تحياتي الك

علي

قصيدة جميلة
انت كتبتها

كلمات رائعة وبديعة .
اللهم أعف عنا ، وأرزقنا بر والدينا .
سلم حبرك ياغالي ولا عدمناك .
تقبل مروري البسيط .

كلمات رائعة ومؤثرة