كاس ألماس وكاس نحاس

شربت الفقر في كاس ألماس
لما إفتكرت ان المال ممكن يشتري احساس
ممكن يداوي جراح في قلوب الناس
ممكن يشفي عليل بالحب ممكن يشتري قلب
ممكن يزيد في العمر لو حتى انفاس
كلام فاضي
مال ملا جيبي والقلب فيه افلاس
عليت بيه مكانه والنفس جواها إنتكاس
لأني بشوفك في ايد اللي الفقر ليه لباس
استعجب على الدنيا والعن فلوسها
تقرب منك الرمم
تخليك تبيع وتشتري في الذمم
تتنادى بإحترام
وفي المرايا تبص لواحد مش محترم
بتداري العيوب مبتمحيهاش
مية سراب تشوفها لكن متشربهاش
كتب تقراها لكن متفهمهاش
قالوا غني بس متحسهاش
لأن الغنى غنى الروح
انك تسعى وتجري ورا طموح
تبقى عايش لناس وناس عايشالك
تحس انك عايش في قصر وبيتك فوق السطوح
ملك نفسك تشرب الغنا في كاس نحاس
العله مش في الكاس
العله في اللي بتشربه جواه
العله مش في القلم ولا في الكراس
العله في الكاتب اللي نسج في خيالك الإحساس
يا من أله المال الاهك صنم مكسور
فرع في شجرة الحياه مش من الجذزور
مخلب نسر السعاده جناحه
من غير السعاده مكانش اصطاد بالمخلب العصفور
بقلمي اخوكم ياقوت

عندمآ يكون آلآبدآع نآبع من شخص رآقي
فـ أن له طعم ونكهه خآصه
هُنآ أجد آبدآع من نوع آخر
هُنآ آجد جمآل وآنآقه مطرزه بالروعه والعذوبه
كلمآت في غآية آلآلــق والنقآء
حروفك مضيئه وهمسآتك سآحرهـ

تحياتي الك

علي