أكـــــبر قـهــــــــر

أكبر قهر لا جيت تعشقلـك انسـان
واللي تحبه ساهـي ٍ مـا درى بـك

وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك

وأكبر قهر تبني من سنيـن بنيـان
وتشوف بنٌيـك مـا تعـدى ترابـك

وأكبر قهر تسقي من الورد بستـان
وتموت بين يديـك زهـرة شبابـك

وأكبر قهر تارد على البير ضميـان
وتشوف بعض الطين حايس شرابـك

وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك

وأكبر قهر ترهي على حصان خسران
يوم السبق لا طحت كل ٍ حكـى بـك

وأكبر قهر لاصرت ضايع وعطشـان
ونفس الطريق اللي يوديـك جابـك

وأكبر قهر صاحبك لا جـاك خـوٌان
لابحت له بالسـر راح ووشـى بـك

وأكبر قهر تعطـي وتعطـي علشـان
تاخذ عقـب كـل العطايـا حسابـك

كل ما سبق ذكره على الشوف ماكان
حفنة حروف ٍ مـع بعضهـا تشابـك

ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك

إن كنت فيما قلـت تحتـاج برهـان
ناظر وتلقى فـي قصيـدي جوابـك !!

وإن كنت فيما قلت مخطي وغلطـان !!
أترك خطانا وأنـت عطنـا صوابـك !!

ايودي

ماشاء الله عليك وعلى الكلمات
النابعه من قلب شاعر عرف الحب
بكل مافيه من لحظات جميله الى
لحظات مؤلمه هذا هو الحب طريق
طويل كله عثرات على الرغم من
صعوبتها فهي تكون هناا حلاوة الحب
اعجبني واخطه قلمك من كلمات منسقه
وجميله رغم الالم والفلااق الذي فيها
لاحرمنا من جميل نزف هذا القلم
تقبل مروري المتواضع جداً
تحياتي
علي

أجمل ما في الكون هو لقاء حبيبين

وأجمل ما في العاشق أنت (علي )

أيها الانسان الراقي والاصيل بالمشاعر والاحاسيس

يسلمووو على كل رد وضعته على مواضيعي البسيطه

وأشكرك على مرورك المستمر والجميل والرائع لكل موضوع يصدر مني

هذا شي بسيط أستطيع أن اقدمه لكم يا أفضل شعراء بالــكون