اخر كلمه

بسم الله الرحمن الرحيم
نحب بلا أمل ونحيا حياة العاشقين فنحن لسنا منهم ولاهم منا نعبر عن حبنا بالدموع ونصرخ من اعماقنا صرخات مكتومه ونقول :-
عايز اقولك ياحبيبى كلمه
يمكن هيه آخر كلمه
عايز أقول قربت أنساك
وأنسى أجمل عمر عشتوا معاك
شهرين ياحبيبى فاتوا ياطول جفاك
خلونى قطعت العشم فى لقاك
مش فاكر يا حبيبى شجرة الود اللى زرعناها سوا
وسقيناها بدموعنا وقلوبنا اللى كواها الهوا
ياحبيبى قلبى انجرح وما عنتش لا قيله دوا
وكل طبيب يشوفنى يوصف لى رؤياك دوا
لكن أقابلك امتى وازاى وفين
يامين يورينى صورتك ولو ياخد من عيونى عين
رحت يا حبيبى زى ما راحت فلسطين
لكن بكره هترجع بقدرة رب العالمين
ياحبيبى نار الشوق خلتنى مع الميتين
وآدى الروح مستنيه واحنا ع الامل عايشين
دا لولا الامل ياحبيبى كنا متنا من سنين
وارتحنا منك وريحناك وارتاح القلب الحزين
كنت الامل والرجا اللى استنيته من سنين
وطال صبرى وانقضى عمرى ان الله خير معين
وفجأه ظهر الامل على عجل زى ما كنا متوقعين
ويا حسره راح الجمل بماحمل وبقينا مكروهين
وطلع نقبنا على شونه وفرحوا فينا الشمتانين
احنا حظنا شويه ولا ياناس صابتنا عين
حبيبنا ادانا بمبه ولا خطفوه النشالين
ربنا يسهل عليه ادعوا معايا وقولوا آمين

سلمت أناملك على الكلمات الرائعه
الف شكرلك على ماخطته هذه الانامل الجميلة
دمت بنقاء الوردوالياسمين
ننتظر جديدك القادم
فلك تقديري وأحترامي
تقبل فائق احترامي لك
علي