أغاااار وأزعل وارتمي بين أيــــــــــــاديك...

هــذي حيـاتــي كلّهـــا بيــن أيــاديـــــك ... مطــروحـــةٍ قــــدّام عينــك وعينـــى

وهــذي حياتــي كلهـــا لأجـــل عينيـــك ... خــذ مـا تبي واترك لـروحـي حنينـي

اترك لنـا ذكـــرى بهــا أحــسّ طـاريـــك ... أو نسمـةٍ مـن عـطر خـدّك تجينــي

إن ســـاعـــف الله و أضحكنــي لياليـــك ... و الـوصــل ما بينـك و بيـن متينــي

والله لضمــك علــى الخــــدّ وأسـقـيــــك ... مـن سلسبيـل الـــرّوح عـذبٍ دفينـي

والله لا قـبّــــل جـبـيـنـــك و كـفّـيـــــك ... ولاارفعك فوق الرّاس طول السنيني

والله لأرســـم وســــط عينــك أمـانيـــك ... وفــوق الشّفــأ يـا بسمـــةٍ مـاتلينـي

ولأكتــب بدمعـــي فــوق قــدّك وخدّيــك ... أهـــواك أحبّــك ليــن موتـي يحينـي

لاجيـت أهيـم بطيــف سحــرك وأداريـك ... عــن كــلّ ذرّات الهــوى لك تبينـي

أغــار و أزعــل وارتمـي بيـن أياديـــك ... شبــه اليتيــم اللّــي يجـــرّ الونينـــي

لاجيــت أبوصـف في غـــرورك تغلّيــك ... أبكـي واشــقّ الجيـب لو مــا تبينــي

أنت الـوحيـد اللـي مــن النــاس مغليــك ... لا واهنــي مــن فــاز بك يـا ظنينـي

أطلـب عسى المولـى عـن النّـار يحميـك ... و تبقــى سعيــــد بدنيتــك مستكينـي

واطلب عسى الأمـراض يـا ربّ تخطيـك ... تعيــش مســرورٍ و أنا لـك حزينــي

واطلـب عســى مــا قـــدّر الـربّ ياتيــك ... يصيبنـي دونـك ولا تحـــسّ فينــــي

ويــا عــل يومــي قبـل يومــك يواتيــك ... يـا عمـر عمـــري يـا هناي وحنينـي

قل لي أمـانه وش حياتي وأنــا أرجيـك ... يـا ويـل ويـلــي يا شقــاي و أنينـــي

يـــا مــا تحمّلـت العنـا لأجـــــل ألاقيــك ... و يـا مـاعلى الفرقى نزل دمع عينـي

و يــا مــا علـى ما تبغي النّفس أبدّيــك ... مــن خوفتـي تشعــر بنقــصٍ لعَِينــي

و يــا مــا علـى ماتشتهي قمت أجاريك ... مــن خـوفتـي لا رغبتــك تزدرينـــي

والله لـــــو تطلـــب عيونــي لأفـديــــك ... ويشهـد علـى ما أقــول ربي ودينـي

لكــن تذكّـــر قبــل شعــــري يـواريــك ... إنّـي حبيبـك لـــو تطـــول السنينـــي


منقول