قرم وفقير

منـك العـذر وعـلـي المـعـذرة
لاتحسب حساب هجـر ولا هجيـر
،
كـل ذنــب بتذنـبـه بستغـفـره
واحـد مايعـذرك مافـيـه خـيـر
،
دور بصـدري وطـن واستعمـره
عندك مـن الضلـع الأول للأخيـر
،
عيش فينـي ودمـر اللـي تدمـره
واعتذر لي واعتبـر سـرك فبيـر
،
لاتبشـرنـي بـجـرح وتـذخـره
لاتعشمنـي بفرح وتستخـيـر
،
ولاتنومـنـي بلـيـل وتـسـهـره
ولاتنـام الا ونـا جفنـي سهـيـر
،
خلنـي مثـل النـجـوم مبعـثـره
عيـش فينـي لاشهيـق ولا زفيـر
،
لاتقـول العفـو عـنـد المـقـدرة
خل قلبك صلـب وحسابـك عسيـر
،
المسـامـح والـزعـل للمـبـزره
والا أنا لانـي زعـول ولا صغيـر
،
ودي أدري ليه للحـزن أثمـره
ودي أقطف مـن قساوتـك العبيـر
،
ودي أجفـل مـن فراقـك وأحـذره
ودي أعرف لو زعلت وش يصيـر
،
لو تقدر خاطـري صـدق أكسـره
لـو صحيـح تحبنـي لاتستشـيـر
،
أزرع بقلبـي سـبـب يستنـفـره
أثبت أنك غيـر وأن النـاس غيـر
،
شاعـرك ماكـل بنـت تجرجـره
حارت بـه عقـول نـاس ماتحيـر
،
النسـاء ماحركـوا فيـه اشـعـره
ثـار عشـق ومالقـى شـي يثيـر
،
أن سكـت شفت الوقـار بمنـبـره
وأن تكلـم زمهـريـر بزمهـريـر
،
مايحضـر الا القلـوب مجمـهـره
ومايغيـب الا وعشـاقـه كثـيـر
،
أن هجرتـه تستـقـر بمحـجـره
وأن تبعت رضـاه ماعينـت خيـر
،
اعشقه لكـن بـعـد ماتهـجـره
ابتسـم لـه بـس لاشفتـه كسيـر
،
حـن لكـن حـن لاجبـت اخبـره
حـب لكـن خـل حبـك بالأخيـر
،
لو عطيته وجهك أعطـاك اظهـره
صد عنه ويتبعـك مثـل الضريـر
،
لاتـحـاول تكسـبـه ماتخـسـره
صير ثلج يصير لك مثـل السعيـر
،
ماتميـل الا الغـصـون المثـمـره
ومايسيل من الجـروح الا الغزيـر
،
من قبـل لاتنقهـر منه أقهـره
قبـل لايستحقـرك خلـك حقـيـر
،
اسكنه، حرك جموده ، بعثره ، اعشق
، أكره ،عاتب ،اشره، حن ،غير
،
أنثـره ،لملمـه ، لملمـه ، أنثـره
صد ،كابر، طير لـو تقـدر تطيـر
،
مـن متـى وأنـا تحرالـي مــره
تثبت أنـي لاوقعـت أوقـع كبيـر
،
أبك أنا مقطوع من غصن اشجـره
لاصديـق ولارفيـق ولا عشـيـر
،
ابـدوي شيـب الصبـر اشـعـره
ماعرف ريش النعـام ولا الحريـر
،
أن غفـا كـن السحـاب يـدثـره
وان صحا يفرش من الرمضا حصير
،
ماخـذ مـن قسـوة البيـد أكثـره
ومن شموخ البـدو شـر مستطيـر
،
جنتـه صحـراه والشـوك أزهـره
والسـراب بنظرتـه مثـل الغديـر
،
أن فـزع يامشجـعـه يامظـفـره
من خلـق الله وهـو قـرم وفقيـر
،
كـان ماتقـدره قــول ماتـقـدره
صير غالـي صـدق ولاا لاتصيـر
،
الغـلا اللـي ماتزعزعـه اهجـره
كـان قلبـك لايجـار ولا يجـيـر
،
شوف لـك رجلاً بليـد استحقـره
واجد اللـي يعشقـون بـلا ضميـر
،
بس أنا لو جبـت لـي ميـة مـره
ماتحـرك فـيني شعـره لـو تطيـر

مشكور يا اخ عبادي
كلماتك رائعه وجميله
لا تحرمنا من ابداع نثرك
ودي واحترامي لك

يشرفني ان ارد على موضوعك الرائع

تقبل مروووري اخي الجلااااد

يسلموووووووووووو ياعبووود
على الكلمااااات الاكثر من الرائعه
يعطيك العافيه عليه
دوووووومز اشوووف مواضيعك المميزه
وتحياتي العطره

السلام عليكم

كيفك أخي الغالي جلااااااااااد

إن شاء الله تمام وكل أمورك طيبة

الله يعطيك العافية أخي الغالي

على الكلمات الجميلة والرائعة

وطرحك المبدع والجميل

موضوع في قمة الروعة

تقبل مروري البسيط

تحياتي

كلماتك اكثر من رائعة
اشكر لك نزف قلمك
تقبل مروري

السلام عليكم
واااااو ماشاء الله كلمات حلوة ومنسقة ......
موضوعك في قمة الرووووعة ,,,
تسلم يمناك على الطرح الحلو ....ز
تحياتي تقبل مروري ^^

السلام عليكم

يسرني أن أرد على موضوعك الروعة و كلماتك المنسقة

تسلم أخوي كلك فن و ذوق صراحة Wow

it's was so cool thanks bro

تقبل مروري يا الغالي ^^

تحياتي

الف شكر لك على الموضوع