تقرير منقول عن الانمى Karin

أهلين يا حلوين

كيفكم ؟؟يأعضاء المنتدى ؟

... انا اليوم سويتلكم تقرير عن الانمي كارين ( karin ) ...
... المهم ...

... هادا الانمي من زمان فنو تعرفو ونفسها تشوفو ...

... بس ما كملتو لـ النهاية ...

... وانا مرا كدا قلت خليني اشوف ايش هوا دا الانمي ...

... وسرت ادور عليه واشوفو في كل مكان ...

... بس الصراحة الانمي دا مررا ما تلاقي في كل مكان ...

... حتا حلقات ما لقيتها مترجم عربي ...

... كلو مترجم انجليزي ...

... بس يا دوب لقيت حلقتين مترجم عربي ... وبعد ما حملتهم خرب الجهاز واتمسحت ...

... وكمان كان في اشياااااااء كتييييييرا سويتها وبرضوو كلووو اتمسح ...

... وكنت كاتبة في الوورد الموضوع و مزبطتوو وكل شي ...

... وكلووو اتمسح ...

... اكتر شي زعلانة عشانو هيا الشخصيات الي سويتها ...

" يلا خليكم مع التقرير "

... سنة إنتاج الأنمي : 3 نوفمبر 2005 <= شوف القدم بس ...
... مؤلفة المانجا : Yuna Kagesaki ...
... مخرج الأنمي : Shinichiro Kimura ...
... عدد الحلقات : 24 ...
... نوع الأنمي : رومانسي , مدرسي , كوميدي ...

... انو كانت في بنت اسمها كارين وينادوها ( ماكا ) ...

... تعيش مع عيلتها الي هما مصاصي دماء دي العيلة جات اليابان قبل قرنين ...

... و كارين دي مختلفة عن باقي افراد العيلة ...كلهم يتغزو ع الدم ...

... بس هيا عكسهم ...بدل ما تمص دم البشر تطلع دمها عليهم <= بالله مهو قرف ...

... وازا ما سوت كدا يسرلها نزيف في خشمها ...

... وكمان كارين تعيش زي كأنها انسانة عادية ...تقدر تخرج في النور ...وكمان تروح المدرسة ...

... ويوم من الايام جا عندهم طالب جديد اسمو ( كينتا ) ...

... من دوب ما شافتو كارين حست بشعور غريب ... حست انو معدل دمها ارتفع ...

... في البداية استغربت من دا الشي وشكت انو السبب كينتا ... ومنجد كل ما يقرب منها دمها يزيد ...

... سارت كل ما تشوفو تشرد ... هواا مررا استغرب منهاا ...

... وكل ما يبغا يحاول يكلمها هيا تشرد منو ... في النهاية شردت منو وراحت عند الدرج ...

... وهوا زي الغبي لحق وراها ... ولمن شافتو خلاص ما قدرت تستحمل ...

... وجات تبغا تدوخ وكانت حتطيح من الدرج ... قام هوا مسك يدها عشان لا تطيح ...

... قامت هيا خلاااااص ... سرلها نزيف في خشمها مررا قوووي ...

... وهيا مرررا تحزن ... تقول لنفسها انا محد يعرف سري دا ... غير عيلتي دحين كينتا عرف ...

... و شوية وتبكي ... وبعدين لمن كينتا شافها كدا ... كان يبغا يروح للممرضة ويقلها ...

... بس هيا تقلو الله يخليك لا تقول لأحد وتدوخ ...

... وبكدا كينتا عرف سرها ...

!؟؟! مازا سيفعل كينتا بعد ان علم بسر كارين !؟؟!

Maaka,Karin

~{... ...}~

... هادي هيا البنت كارين وزي ما قلتلكم انو هيا غير عن عيلتها وكدا ...

... وهيا لمن تعض احد ...

... تخلي ينسا الاشياء الي زعلان منها ويسير فرحان ...

Usui,Kenta

~{... ...}~

... وهادا هوا كينتا اللي ازا قرب من كارين يرتفع معدل دمها زي ما قلت يعني ...

... بس بعدين في نهاية الفلم تحبو كارين وكدا ...

... لانهم في كل مكان مع بعض ... يعني مع بعض في المدرسة والفصل ...

... ويشتغلو في نفس المطعم ...

... عشان كدا يعني ...

Maaka, Anju

~{... ...}~

... وهادي اخت كارين الصغيرا واسمها أنجو ...

... ودي لسة ماسارت مصاصي دماء لانها لسة صغيرا وما اكتمل نموها ...

... بس هيا قوية ودايمن كارين تطلب مساعدتها ...

... وعشنها لسة ما سارت مصاصي دماء ...

... عندها عروسة تسكنها روح وهادي العروسة تدافع ع أنجو ...

... بس في النهاية خلاص الروح دي تروح وتسير عروسة عادية ...

... لانو أنجو تسير مصاصي دماء عادية ...

Boogie-kun

~{... ...}~

... هادي هيا العروسة حقت أنجو وأسمها بوجي مدري بوجو ...

... و انجو تحب هادي العروسة اكتر وحدا معنو عندها كتير غيرها...

... وهيا لمن أنجو تسير مصاص دماء خلاص يرجع بوجي عروسة عادية زي ما قلتلكم ...

Maaka,Ren

~{... ...}~

... ودا هوا أخو كارين الي اكبر منها ...
... و أسمو رين ... دايمن يحاول يعلم كارين ويساعدها في امورها ...
... ورين دا يحب دم الناس المتوترين ...

Tokitou,Maki

~{... ...}~

... هادي صحبة كارين العزيزا ...

... من هما صغار وهما مع بعض ...

... واسمها ماكي ... ومدري ما اعرف عنها اشياء كتيرا ...

Usui,Fumio

~{... ...}~

... هادي أم كينتا واسمها فيومي ...

... في البداية كانت فيومي دي كئيبة ودايمن قلقلة ع كينتا ...

... بس لمن كارين عضتها ... سارت مبسوطة ونسيت كل شي كان مزعلها ...

Marker,Calera

~{... ...}~

... وهادي هيا أم كارين ...

... اسمها كاليرا ...

... من شكلها باين انها وحدا متسلطة ع العيلة ...

... بس هيا منجد طيبة وتحب كارين وتخاف عليها ودايمن نفسها تساعدها ...

~{... ...}~

... ودا ابو كارين واسمو هنري ...

... وهوا من شكلو باين انو غبي ... عكس الام ...

... ومع انو كارين في عمر 16 هوا يشوفها لسة صغيرا ...

... وبرضو هوا يحب كارين مع انو عندها عيوب كتيرا ...

... يلا يلا شوفو هادي صور من الفلم ...

... وهادي كدا بس صور عادية مهي من الفلم :

... صور متحركة :







... خلفيات :

... كنت ابغا اجبلكم خلفيات ...

... بس ما عرفت كيف احطها وهيا صغيرا ...

... ولمن تضغطو عليها تسير كبيرا ...




... ان شاء الله يكونو التقرير عجبكم ...

... وما اكون تقلت عليكم ... و والله تستاهلوو التعب دا كلوو ^^ ...

... مين قدكم ...

... ويلا مشاهدا سعيدة للحلقتين الي جبتها ...

... قولو رأيكم ...

إلى الأرشيف =)

تَقررير مَنقُول =)