آنه أعوفك ياعلي ....!!! بس عندي شروط

آنه اعوفك ياعلي بس بشروط.....الگه واحد مثلك الينخا مجاب
۩۝۩۩۩۝۩
كون نايم ليله بفراش الرسول وكون قاتل مرحب وشالعله باب
۩۝۩۩۩۝۩
وكون أذا مات النبي وما بايعوه ما يجر سلاحه ويسوي انقلاب
۩۝۩۩۩۝۩
وكون من يصير أمير المؤمنين مو براتب يشتغل بس للثواب
۩۝۩۩۩۝۩
وكون شاغل كرسي مو مشغول بيه مو مخلينه فقط يملي النصاب
۩۝۩۩۩۝۩
ياعلي شتستاهد الگالك بديل يكدر يرد الشمس وكت الغياب
۩۝۩۩۩۝۩
أنته سر القوه عند المسلمين بغيرك أنضل أعزل بين الذياب
۩۝۩۩۩۝۩
ياترف لمن تجي گبال الضعيف عكس سيفك من يمر فو الرگاب
۩۝۩۩۩۝۩
الله من انطه اليحبونك جنان لازم أنطه المايحبونك عذاب
۩۝۩۩۩۝۩
أنته محد صورك تطعم يتيم لاجرايد نشرتك تكسي الثياب
۩۝۩۩۩۝۩
منو اليعرف بيك من تنطي الفقير الله يدري وجفك ويدري النگاب
۩۝۩۩۩۝۩
البي تراب وظال ماجايسته أيد يعني محد رايده وبي شي يعاب
۩۝۩۩۩۝۩
وانته يابو تراب عكس الفكره هاي سر محبتك يكمن بهذا التراب
۩۝۩۩۩۝۩
منو المثلك حتى رايك عنده عين وچانوا يلقبونه بعين الصواب
۩۝۩۩۩۝۩
الحاربك ماقاري صفحه من الكتاب وچا شسوالك أذا قاري الكتاب
۩۝۩۩۩۝۩
أنته بالمحراب من تهوه وتطيح باچر ترد توگف بيوم الحساب
۩۝۩۩۩۝۩
ومانتيهك واضحه اوصافك اكيد زايرنك ونعرف لون القباب
۩۝۩۩۩۝۩
وحتى لو تيّهنه هم نسأل عليك ماكو غيرك حيدر وصاحب مصاب