| قسم الأدب العربي و العالمي هو للمنقول من الشعر والنثر، والقصص والروايات مع الالتزام بشروط النقل الموضحة بموضوع القوانين |
|
#1
09-12-2011, 06:38 PM
|
||||
|
||||
|
أذا محتار سافر تعرف الناس .. رائع عن الصداقه~
السلام عليكم ورحمة الله وبركاته أعضاء منتديات العاشق كيف أحوالكم مرتاحين أن شاء الله هذه القصيده رائعه من روائع الشاعر المبدع نائل المظفر أذا محتار سافر تعرف الناس .~ مو كلمن فتحلك باب يهواك ولا كلمن يكرهك بابه ينسد اكو مسدود بابه وكلبه مفتوح واكو مفتوح بابه و كلبه اسود اذا طشيت صحبانك على الماي اثكلهم وفه الجواك يركد واخففهم يضل طافح على الراك يروح ويه الجزر ويرجعه المد اذا محتار سافر تعرف الناس منو يزت القطار ويوكف ازيد اكو اتشده ابحبل ويكطعه ويروح وكو بكلمة الشرف عالسجه ينشد واكو بمشيه قطارك عينه تحتار وباللحظه الاخيره وياك يصعد واكو ايشيل المحطه ويه القطارات ويدكه على كلبه وصدره ينسد فرق بين اليعبدك ب المحطات و فرق بين البناك ابكلبه معبد موكلمن ضحكلك منه ترتاح تره ناب الضبع كل ضحكه ينحد ولا تحقد على كلمن يبجيك اذا دمعك طفح صدكني تبرد البشر دله ويفور ابدخاله الضيم وأذا يطفح دمع نيرانه تخمد ولا تحقد على الصعدو بالجناح معروف الصكر لوجنحه ينشد و موكلمن نزل يتسمى مذلول ولا كلمن صعد يتسمى امجد اكو صاعد رغم ماهو عالكاع واكو نازل يضل لو قمه يصعد راسك منتصب اعلى من اليدين بس من السهل تتناوشه اليد وذا عندك جبل خلهم يصعدون فرق بين الصعد والراد يصعد اكو ايهده الجبل لو هد الجفوف واكو ايهد الجبل لو جفه ينهد وعلى المبرد كفر تنغر السيوف لان سيف اعلى سيف بكلبه ينحد وذا عنهم رحل كلهم يخسرون شنو نفع السيوف ابليه مبرد ومايرحل جذب موخاف يعمون ويضل السيف تالي ابكصبه ينصد وذا تعزف لحن ويضدك انسان لاتكطع كمانك صعبه ينشد مرات الحن ما يطرب النسان و مرات البشر ذاناته تنسد و مرات اللحن تطربله طرشان بس طبع اليسمعك زور يشهد على البلبل يكلك منكر صوت وذا ينهك حماره ايصيح غرد وذا حجيك حكم وتخاطب الناس كل راس على كده وياك ينشد لان روس البشر عكس الفراغات كل ماتنترس تستوعب ازيد وذا تحجي ويرد صوتك كما كان يعني اليستمع فارغ مجرد صوتك مايرده الراسه متروس لان بس بالفراغ الصوت يرتد وذا ضيمك كبر لاتحجي بالعين وتشوف الدينه كله ابلون اسود منو بهذا الوكت ماغيره الضيم حتى ابيوم الاحد ماكو احد لاكن لا تضل تحسب توابيت انى كبلك علي صب اسود العد ارفعت راسي وكمت احسب بالعراس وعلى خشم السواد ألأبيض انمد ولو غثني الطفل من شفته بالعيد يشل بجروح ثوبه ودمعه عالخد بس اني افرحت جي جته الأطفال ومسح كل الدموع وراح عيد علمنه الطفل نصبر على الضيم و طلع منا الطفل ايمانه ازيد اريد اطرح قضيه وانتو اسلام واريد اسأل جمعكم واطلب الرد بنيتوا اشكد معابد كلهه عالكاع منو البيكم بناله ابكلبه معبد ماكولن كفر لوقله ايمان لكن مهزله و ماألهه احد لتلاثه الملاهي امفتحه بليل و بالعشره الجوامع كلهه تنسد ....
.. . 
|
|
09-12-2011, 08:01 PM
|
#2 |
|
...♥...
رقـم العضويــة: 91033
تاريخ التسجيل: May 2011
الجنس:
 المشـــاركـات: 1,576
نقـــاط الخبـرة: 131
|
رد: أذا محتار سافر تعرف الناس .. رائع عن الصداقه~
يسلمو اخي كلمات رائعة وحزينة
ذكرتني بواقعنا المرير شكرا لك ولالتفاتتك الرائعة  تقبل مروري المتواضع  
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه للموضوع أذا محتار سافر تعرف الناس .. رائع عن الصداقه~:
|
||||
| الموضوع | كاتب الموضوع | المنتدى | مشاركات | آخر مشاركة |
| أنت تعرف تحكم على الناس؟؟ | Blue blood | قسم الأرشيف والمواضيع المحذوفة | 5 | 07-11-2011 05:37 AM |
| نغمة { أحب الخير ,, وأحب الناس تحب الناس | همسات الامل | قسم الأرشيف والمواضيع المحذوفة | 1 | 11-08-2010 07:32 PM |
| من اعز الناس لديك؟ان كنت لا تعرف ادخل وسوف تعرف بنفسك...... | BǾǿŘ♀£♥v€░ƒǿfǾ | القسم العام | 8 | 01-16-2010 11:08 AM |
| الي اين سافر الجميع؟ هل دهب معهم؟ | الامير | القسم العام | 4 | 08-09-2009 04:47 PM |
| [BBcode] : الأسهم + أخبار العربيه بشكل رائع ومميز | العاشق 2005 | قسم الأرشيف والمواضيع المحذوفة | 0 | 02-09-2009 01:20 AM |
الساعة الآن 03:07 PM.
Powered by vBulletin® Copyright ©2000 - 2025, Jelsoft Enterprises Ltd.
كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة
rel="nofollow" 