مو تگبّر ! بس أنا: ( يمگن .. گبرتْ ) !

مو گثير اللي لأيامي .. جنيت
. . . . . . . . . . . مو قليل اللي من اْوهامي خسرت


ياما قلت انّي من الدنيا قويت
. . . . . . . . . . . والحقيقه: ما على القوّه قدرت !


قد خذيت أشياء لگن ما بغيت
. . . . . . . . . . . لَا رضيت ولَا بعد حتى شگرت


فـ المقابل ما گسبت إلـاّ لقيت
. . . . . . . . . . . شيّ يخنِقْ فرحة اللي به ظفرت


گلّ دربٍ تايهٍ به قد خطيت
. . . . . . . . . . . لين مثله صرْت لگن ما شعرت


تايه .. مدْري وش اللي له سريت
. . . . . . . . . . صامت .. ما لمْت حدّ ولا عذرت !


ياااه .. گم قلبٍ انا عنّه مشيت
. . . . . . . . . . . مـ انجبرت أرحل! وربي مـ انجِبَرتْ


بس أحس إني إلى البُعد اهتديت
. . . . . . . . . . . مو تگبّر ! بس أنا: (يمگن .. گبرت )


والدليل ؟ أشيا گثير اللي نسيت
. . . . . . . . . . . وان بغيت أذْگر .. گرهت اللي ذگرت


إي گرهت أذْگر بگائي لا بگيت
. . . . . . . . . . . بسْ نسيت أنسى أنا گيف انغدرت


هذا گل اللي رفضته أو رضيت
. . . . . . . . . . . هذا هو اللي أنا منْه انگسَرت


هذا حال العمْر .. يمضي لو أبيت
. . . . . . . . . . . وآنا ما أرفض وَ لگن ما صبرت !


بسْ أببقى لا ذكرت الله وْدعيت
. . . . . . . . . . . أرجو انّي أبتسم لو مـ انتصرت


يا عسَىْ يزهى بياضي لا نويت
. . . . . . . . . . . يا عساي اْفخر بـ طيبي لا افتخرت

مما راق لي

كلماات روووووووووووووووووووعة عن جد عاشو وربي
تسلميلي خيتو
تقبلي مروري المتواضع

السلام عليكم
كلام رائع
عاشت ايدك
واتمنى رؤيت جديدك
تحياتي

تسسسسسلمووولي ي الغوالي ’,
نووورتوا بطططططلتكم ..!

السلام عليكم
كلماااااااات مرة
روووعة
يسلمو