سوالف (الشياب .. العجائز .. الشباب .. الشابات ) يوم العيد ..

مساء العطر الزكي لكل القلوب العطرة ..

مساء الورود والرياحين عليكم جميعا ..

وكل عام وأنت بألف صحة وعافية ..

سوالف الشياب :

خلفان : أوه راشد موه شريت حال العيد ؟

راشد : شريت جدي(مااعز) عماني مطعوم بـ200 ريال عماني يعني 2000 ريال سعودي

. وأنته خلفان ؟؟

خلفان : أنا شريت ثور بـ 500 ريال .

خميس : هذاك ثور تسميه .. أنا شاري ثور بـ 700 ريال .. لكنه ما ثور عاد ..

تقول سفينة ..

وتستمر المبازاة والمفاخرة .. وكما يقولوا فقير ودمير

سوالف العجايز :

شيخوه : أما ما تبزيرة عاد بو مسويتنها .. نعم ريحتها من مسيرة يوم

خديجوه : خليش أنتيه في التبزيرة .. أنا مسوية عرسية عاد ما عرسية .. تارستنها دجاج

خلوف : أقول ما شفتوا الليسو الجديد بو مشتريتنه حال العيد .. وألبسه مع العمانية ..

أستوي كأني عروس ..

شيخوه : عروس مال موه أنتيه ورجولش في القبر .. حتى ضرس ما فيش ..

الله يرحمه الشايب بخيت ما أعرف موه مصبرنه عليك ..

خديجوه : ما سمعتن عن جارتنا الجديدة .. كيه مسوية مشاكل مع زوجها وباغي يطلقها

وتستمر سوالف المعصرات والحش في الناس.

سوالف الشباب :

جاسم : عاد ما كشخة الدشداشة بو مفصلنها .. متناسقة مع الوطية والكمة

باسل : خليك أنته في تكشيختك كأنك بنت .. موه قال اليوم تخميس ..

ترى الموستانج مكشخنها ومدلعنها ..

خالد : خلوكم أنتوا في شغلكم .. خلينا نسير الحديقة أحسن .. نعق كم رقم ..

يقولوا الصيد واجد هناك

وتستمر سوالف الشباب المراهق :كاشخ

سوالف الشابات :

سهر : شفتي العباية الجديدة بو مفصلتنها .. عاد ما تطريز فيها ..

شذى : أما أنا مشترية جلابية مطرزة .. تقولي كأني ملكة .. أظن الكل بيشوف عليها ..

سحر : أقول بنات .. خلي نسير سيتي سنتر .. خلا الكل يشوف ملابسنا الجديدة ..

شذى : سحر وين عاملة هذا النقش .. رهيب ..

سحر : هذا في الصالون الجديد .. عاد ما كشخة صحة ..

سهر : أقول بنات .. شفتوا موبايلي الجديد .. آخر صيحة ..

وتستمر سوالف التفشيرة والدلع

لا تزعلوا تراها مجرد سوالف

اسف سويت الموضوع باللهجة العمانية حاولوا تفهموا خخخ

مشششكور

المشاركة الأصلية كتبت بواسطة المتابع

مشششكور

العفووو اخي واذا فهمت شيء من الموضوع ترا شيء جميل هذا

هاهاهاهاهاهاها
عاااد مب سووالف عليك
مشكووووور

ههههههه شيبان من جد مشكووووور الله يعطيك العافية

هههههههه

رووووووووعه

الله يعطيييك العافية

هههههههههههههههههههههههه

يسلمو عالموضوع الجميل

ههههههههههههههههه مشكور