من قسى هالوقت وانا اكتب احساسي واعاني

من خذاك الغير مني وانا ضايـع فـي مكانـي
مافي قلبي غير كلمـه ياعسـى ربـي رعاهـا


كنت احبك.. كنت اعزك.. لاسف كانت امانـي
ليش ترحل ياحياته... زادت النفـس ابشقاهـا


اذكرك واذكر زمانك لو نسيـت انتـى زمانـي
كيف تنسى النفس قولي وانتى ساكن في حشاها


من قسى هالوقت وانا اكتب احساسي واعانـي
ولو كلامي هز شعره نالـت النفـس مبتغاهـا


وصل ابياتي لحبيبك من بسهمه هـو رمانـي؟
قوله عمري.. قوله قلبي.. عادي نفسك هو خذها



كلمتن لك يا غلاها.. لاتشـوف انسـان ثانـي
كنت اشوف الدنيا فيها وشوف هالدنيـا معاهـا


دامها قالـت احبـك .... لاتـردد لـو ثوانـي
قولها وانا احبـك .... علـه يتزايـد غلاهـا


وان بغت يوم اتدلـع وازعلـت قالـت انانـي
قوم الدنيـا لزعلهـا ليـن تضحكلـك شفاهـا


وان بغت بالحـب حاجـه لاتعاملهـا ابهوانـي
والله اني كنت اعطي لو تبي النجمـه ابسماهـا


لاتعاندهـا ابكلامـك لـو تغـيـر بالمعـانـي
لو تقول الشمس زرقا قول زرقـا وش بلاهـا


ولو تزاعلتو فـي ليلـه لـو لزلـه او رهانـي
لا تخليها وحيده حاول انـت تكسـب رضاهـا


والله اني ياغلاها لـو اشـوف الحـزن جانـي
كنت اضحك له وخبـي بـس ماكـدر صفاهـا


آآآه من دنيا غريبه مـن يصـدق مـا بلانـي
صرت اترجـى عـدوي بـس يتهنـى معاهـا


بس والله من خذيته وانا ضايـع فـي مكانـي
ومافي قلبي غير كلمه ياعسـى ربـي رعاهـا


ممــــــــا راق لــــــــي