| قسم الأدب العربي و العالمي هو للمنقول من الشعر والنثر، والقصص والروايات مع الالتزام بشروط النقل الموضحة بموضوع القوانين |
|
#1
12-13-2011, 02:44 PM
|
||||
|
||||
|
إفهم بقى
إفهم بقى .. ! إنى برىء وان الحكايه مِ البدايه كلها متلفقه إفهم بقى صدقنى انا عندى الشجاعه إنى اقوللك إنه انا وان كان ده حق انا كنت ححرق ميت كنيسه وألف معبد .. واعترف إنه أنا لو كنت انا لكن أنا .. مؤمن بإن العنف باطل وان قتل الأبرياء بالظلم باطل واختلافنا فى العقيده شىء طبيعى مِ الأزل كان هابيل عابد لربه واخوه قتل لما نوح ركب السفينه وإبنه قال حسبى الجبل وابراهيم بيحطم الأصنام بإيده كان أبوه بإْديه بينحت مِيت هُبَلْ موسى فى الوادى المقدس خالع النعلين خشوع وصحابه ساجدين للدجل واما عيسى قال محمد كان طبيعى .. ناس تصدق .. ناس تكدِّب .. ناس تآمن .. ناس تقول ده كلام خبل وانا وانت ممكن عادى جدا نختلف فى المِلَّه لكن مش طبيعى يكون خلافنا فى الوطن الدين لرب الدين وأرض الله لكل الناس سكن سامعك بتهتف فى المظاهره القبطى دمه مش رخيص ولقيتنى بهتف جنب منك أيوه دمى ماهوش رخيص مانا أصلى قبطى للنخاع والقبطى يعنى المصرى لكن للأسف .. ويا السنين المعنى ضاع مفضلش منه غير فصول المهزله والمسأله .. مبقتش دين ولا ناس بتعبد ربها دى سياسه والساسه بتعلن حربها واحنا السلاح .. واحنا الجنود .. واحنا الضحايا ومش كفايه لأ ... وحنشيل ذنبها مستنى إيه ... علشان تحط إْديك فى إيدى ..؟! دى الحيطان اللى مابين بيتك وبيتى زى ما سنَدِت وليدك سنِّدت خطوة وليدى ضفرت إسمك بإسمى سجلت عيدك وعيدى وْعمرها ما حاشتنى عنك وقت شده وْعمرها ما اتعلمت إزاى تمارس لعبة التصنيف طول عمرنا عايشين محبه وعمرنا ما مسكنا سيف أنا قبلتى الكعبه الشريفه وقبلتك أقصى شريف والأقصى ده كان قِبلتى وقبلة جدودى وعمره ما استنكر وجودى فَ ليه بتوصفنى عدو ترفضنى ليه ولاَّ ارفضك وعدونا واقف بيرصدنى بعين والتانيه واقفه بترصدك يغرس بذور حيَلُه الرُّخاص تطرح سنابل من رصاص يسحر خيالك يوهمك إنه الخلاص تهتف له ويلبى الندا بس الحكايه مش كده واللعبه أكبر من كده ورصاصُه قبل ما يحصد الدقات فى قلبى حيحصُدك وساعتها لو عاوزين نعيش ونفك حبل المشنقه نرضى بْحصار الشرنقه وان ثرنا مره وقلنا لأ حيعيد زمان المحرقه إفهم بقى .. !
|
|
12-15-2011, 11:54 PM
|
#4 |
|
رئيسة الأقسام الأدبية
جمعية العاشق الحرة  
رقـم العضويــة: 95329
تاريخ التسجيل: Jul 2011
العـــــــــــمــر: 31
الجنس:
 المشـــاركـات: 39,100
نقـــاط الخبـرة: 9772
|
رد: إفهم بقى
السلام عليكم
كلمات جميلة واسطر وردية ابداع خيالي سلمت اناملك وبالتوفيق في كتابتك  كل الشكر للمبدعة Ochako Uraraka
|
|
|
12-21-2011, 09:20 AM
|
#6 | |
|
D E S I G N E R
رقـم العضويــة: 104514
تاريخ التسجيل: Dec 2011
العـــــــــــمــر: 27
الجنس:
 المشـــاركـات: 62
نقـــاط الخبـرة: 16
MSN :
 Facebook :
 |
رد: إفهم بقى
اقتباس:
|
|
|
|
|
12-21-2011, 11:15 AM
|
#7 |
|
عضو شرف
رقـم العضويــة: 69099
تاريخ التسجيل: Sep 2010
الجنس:
المشـــاركـات: 15,098
نقـــاط الخبـرة: 2209
|
رد: إفهم بقى
يُمنَع المنقول فى الأقسآم الأدبيَّة بدون جُهد من صآحب الموضوع
و لهذا يُغلَق + يُنقل للأقسآم الخآصة بالمنقول ( الشعر و النَّثر ) |
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه للموضوع إفهم بقى:
|
||||
| الموضوع | كاتب الموضوع | المنتدى | مشاركات | آخر مشاركة |
| إفهم بقى | فؤاد ابراهيم | قسم الأرشيف والمواضيع المحذوفة | 2 | 12-15-2011 01:10 AM |
الساعة الآن 03:11 PM.
Powered by vBulletin® Copyright ©2000 - 2025, Jelsoft Enterprises Ltd.
كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة
rel="nofollow" 