| قسم النُكَتْ والألغاز هذا القسم يهتم بالنُكَتْ المُضحكة والشيقة وكذلك يهتم بمواضيع الألغاز بشتى أنواعها بإلتزام الأداب الإسلامية دونَ خدشٍ أو تجريح أو تشهير. |
|
#1
02-02-2012, 05:33 PM
|
||||
|
||||
الفرق بين غرفه البنت و الولد باللهجه المصريه
الفرق بين أوضه الولد و أوضه البنت
نبدأ بـ أوضه البنت أول حاجه باب الأوضه من برة تلاقى لونه جميل و عليه صور و برواز كلاسيك وشكله حلو تيجى تمسك أوكره الباب و تفتح الباب يتفتح معاك براحة و أول ما تدخل الأوضة تشم ريحه حلوه و تولع النور عادى تلاقى الأوضه متروقه و نضيفه بس تحس أنك داخل حضانه او بيبى سنتر السرير عامل زى محل الدباديب تلاقيه مليان دباديب يا دوبك فى حته صغنونه على الحرف السرير متر فـ عشره سم يا عينى البنت تفرد فيها طولها الملايه تلاقيها مغيراها انبارح أو بالكتير أول انبارح والسرير متروق و ريحته حلوه الحيطه تلاقيها ألوانها حلوه مثلا روز او ازرق فيروزى او ورق حائط عليه ورد وطبعا متعلق على الحيطه صور تامر حسنى و حماقى و مهند ده شئ أساسى + صور تانيه طبعا لباقى الوسط الفنى و صور حلوه تانيه لأطفال الكموود تلاقى عليه أباجوره كلاسيك و لو فى منبه و برواز فيه صوره ليها تسريحه البنت تلاقى مرايتها سليمه و عليها من الجنب صور ليها و للعيله و تلاقى طبعا على التسريحه استشوار اساسى ده و كل انواع المكياج تحسسك انك فى بيوتى سنتر وبرفانات ماركااات تفتح درج التسريحه تلاقى اكسسوارات جميله و شيك دولاب البنت تفتحه تلاقيه متوضب و منظم المكتب تلاقى عليه مقلمه فيها كل أقلامها و أدواتها و الكتب و الدفاتر متوضبه البصكت تلاقيه كل مناديل فقط لا غير مناديل ساده مناديل ممسوح بيها مكياج ..... المهم كله مناديل و بس البنت لما تيجى تنام تقول لممتها تصبحى على خير أو بونوى و تنام عادى و لو تيجى تصحيها و هى نايمه هترد عليك عادى هى هتبقى نايمه على نفسها شويه بس هترد عليك بأدب عادى و الصبح لما يرن المنبه تصحى بالراحه و تطفيه و تاخد فوطتها و تروح تاخد الشاور بتاعها أوضه الولد (استر يا رب) أول حاجه باب الأوضه من منظره تحس أنك داخل بيت رعب مش أوضه تيجى تفتح أوكره الباب هتعلق معاك شويه الباب بس محتاج زقه بسيطه بالرجل هو متعود على كده عادى متخافش مش هيبوظ أول ما الباب يفتح تشم ريحه كأنك داخل غورزه مش أوضه أبدا تبدأ تدور على كوبس النور و الحمد لله هتلاقيه و تولع النور بس افتكر انى قولت لك بلاش انت حر أول لما النور يولع منظر الأوضه تحس أنك داخل خرابه مهجوره مش أوضه بشر خالص هتلاقى الأوضه مبهدله و كل حاجه مش فى مكانها يعنى لو مثلا فى مروحه سقف ممكن تلاقى بنطلون متعلق عليها و لا حاجه نيجى للسرير انت فاكر هتلاقى عليه اللحاف و المخده بس لا انت هتلاقى كل حاجه انت عاوزها والملايه بتنور من الوساخه و الزباله ال عليها اخر مره مغيرها فيها هتلاقيه مش فاكر امتى بظبط لأنها من زمـــــــــن الحيطه هتلاقى ألوانها عجيييبه و طبعا هتلاقى صور مصارعين عجيبه +حبيبه القلب هيفاء و شاكيرا و بنات تانيين حلوين من ال يحبهم قلبك الكموود هو المفروض عند البشر نلاقى أباجوره و منبه لوفى لا انت حتلاقى نص الأباجوره بس اما المنبه موجود بس عقرب الساعات و الثوانى طاير خالص ملهوش لزمه اصلا و زراير المنبه طايره طبعا لو عايز تظبطه ببنسه او بحاجه رفيعه تدوس مكان الزراير عشان تظبطه التسريحه هتلاقى مرايه صغنونه 15 فـ20سم من اصل مرايه كبيره متر فــ متر التسريحه عليها الآتى مشط واسع بطرمان جيل و برفان و بخاخه ميه واهم حاجه الولاعه و علبه السجاير درج التسريحه هتلاقى فيه موس اوقطر و مفك صليبه و حظاظة سودا بقالها 5 سنين فى الدرج و سلسله عمرها زى الحظاظه بظبط مهى جايه معاها و مفاتيح فيها ميداليات اشكال و الوان عجيــــــــــــــــــــبه عجيبه بالذات الميداليه ال على شكل جمجمه ديه الدولاب بقى طبعا هتلاقى الدرف محشره بورق جرانين او كرتون لأنها بتتفتح لوحدها و أول لما تفتح الدرفه بقى تلاقى قنبله نوويه فى فى وشك أصل الهدوم المحشوره هتقع عليك كلها أول لما تفتح الدرفه المكتب انت هتحس انو مكتبه أو مكتب العيلة كلها و الجيران مش مكتبه لوحده هتلاقى عليه كتب و دفاتر فوق بعض ارتفاعها متر و صفوف بقى جنب بعضها أصلها كتبه من أول ما دخل كى جى وان لحد الجامعه مش بيفكر يشوف ايه الملوش لزمه و يرميه و كل الكتب ديه مفيهاش ولا كتاب من الكتب المقرره عليه السنه ديه فى المدرسه هتلاقيها منتوره فى جميع انحاء الغرفه دور انت عليها بقى تحت السرير وره الكموود يلآ أديك بتلعب أستغمايه هى ملهاش نفس تلعب بردو ولا ايــــــــه ده غير الرسومات العجــيـــــــــــــــــــــــــبه ال هتلاقيها ع المكتب البصكت طبعا كله سجاير سجاير سجاير بس ممكن تلاقى فيه فرده شراب ولا حاجه توقع اى حاجه يا برنس الولد لما ييجى ينام أنا داخل أتخمد مش عايز دوشة و هو نايم تلاقى بؤءه ده مفتوح بطريقه لو نموسه معديه هتقرف وحتتف عليه و تمشى و لو جيت تصحية و هو نايم أنت تصحيه و تطلع تجرى و تسد ودنك لأنك لو ملحقتش تجرى هتلاقى شلوت فى بطنك و لو مسدتش ودنك يبقى انت جبت الشتيمه ليك و لأهلك معاك أما لو المنبه رن الصبح يا عينى على المنبه هيمد ايده علشان يطفيه طبعا مش هيلاقى زراير هيقوم رازعه رزعه حلوه فى الكمودينو و يكمل نومه عادى و يبقى يصحه براحتو هو بقى طب بيظبطو ليه من الأول ولا هو افترى ع المنبه و خلاص ما علينا لما ييجى يقوم بقى هيقوم و هو نايم على نفسه و جارر اللحاف فى رجله ياما فى الحبس مظاليم مش كل الولاد كده محدش يزعل منى ده هزار |
|
02-02-2012, 08:44 PM
|
#3 |
|
مفيش حد حاسس بيا
رقـم العضويــة: 60383
تاريخ التسجيل: Aug 2010
العـــــــــــمــر: 29
الجنس:
 المشـــاركـات: 884
نقـــاط الخبـرة: 16
Yahoo :
 |
رد: الفرق بين غرفه البنت و الولد باللهجه المصريه
[QUOTE=AnGeL OF LiFE;1775121]
قرأته قبل ما ينزل عالنت وقولت لك رأيى
طبعا يا اختى يا حبيبتى لو مش هاخد رائيك طب ههاخد راأى مين |
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه للموضوع الفرق بين غرفه البنت و الولد باللهجه المصريه:
|
||||
| الموضوع | كاتب الموضوع | المنتدى | مشاركات | آخر مشاركة |
| الفرق بين الولد و البنت ... ادخل \ ادخلي و اغرق من الضحك هههههه | juju | قسم النُكَتْ والألغاز | 1 | 02-03-2012 04:14 AM |
| الفرق بين عطسة البنت وعطسة الولد ؟ اضحكوا كثير ! | Đαяқ Ąʼnĝễĺ | قسم النُكَتْ والألغاز | 18 | 01-17-2010 12:47 AM |
| خبــر أول لعبه باللهجه المصريه لعبه حرب امبابه Impapa_war | العاشق 2005 | أرشيف قسم الألعاب الإلكترونية | 0 | 06-12-2009 08:00 PM |
| خبــر أول لعبه باللهجه المصريه لعبه حرب امبابه Impapa_war | العاشق 2005 | أرشيف قسم الألعاب الإلكترونية | 0 | 06-12-2009 07:30 PM |
| أول لعبه باللهجه المصريه لعبه حرب امبابه Impapa_war | العاشق 2005 | أرشيف قسم الألعاب الإلكترونية | 0 | 06-12-2009 05:30 PM |
الساعة الآن 03:27 PM.
Powered by vBulletin® Copyright ©2000 - 2025, Jelsoft Enterprises Ltd.
كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة
rel="nofollow" 