شاركنا مواقفك !! مع جنتل خلدون ..

بسم الله الرحمن الرحيم

السلام عليكم معاكم خالد الشيخ

كيف الحال وكيف الأحوال ...؟

فلندخل لصلب الموضوع
موضوعي يتكلم عن المواقف اللي صارتلي في الحياة وبالأخص
(( المحررجة ))

وياليت من الجميع تشاركون معنا وتعلمونا وش صار لكم ...

يالله أنا أبدأ:::____

في يوم من الأيام كان الطريق مظللم
وصوت الذئاب >>>> أمزح أمزح




الكلام اللي بقوله الحين كان قبل 3 سنين على م أظن وبعنواان
((((((((((الرحلة المدرسية ))))))))))

المهم كان يوم الاثنين على آخر حصة
فجأة أسمع أصوات الطلاب يصارخون وفرحانين وحركات
تعرفون الطلاب ما يفرحون إلى لــ 3 أمور
1- أستاذ غايب
2- رحلة
3- صرفة

وكانوا يصارخون لأنّا بنروح رحلة

عاد جوو يوزعون أوراق الرحلة لفصلنا
وأول ما جاتلي الورقة قريتها
ولقيت الرحلة راح تكون لملاهي الشلال
وعاد اول ما قريت الشلال
علمت الطلاب قلت لهم : يا عيال أم الفلله راح نروح للشلال تصدقون إني يوميا أركب قطاار الموت >> أنا والله ولا عمري ركبتها

قالوا لي :: طيب خالد إنت ما تخاف ؟؟
قلت لهم :: افا اخاف من لـعبة
والله آخر زمن ...
ورجعت البيت وأنا في شدة الوثوق

عاد أول ما جاء موعد النوم
روحت لسرير وقعدت أقول لنفسي::
( الله يلعن ام الورطه اللي حطيت نفسي فيها .. بكرة وش أقولهم؟؟ )

وعاد نمت وقمت الصبح
وجات أمي قالت لي :: يالله خالد روح تروش وتزبط ( يعني تجنتل >> مأخوذه من جنتل )

المهم قلت لنفسي أسوي نفسي تعباان وما أروح للرحلة
فكرت وش المرض اللي بقوله
وأنا في الحمام (( الله يكرمكم ))

ولم يستغرق الأمر إلى عدة ثواني و وصلت للحل
جات أمي قالت لي وشبك خالد طولت في الحمام ؟؟!!
قلت :: أمي عندي مــــغـــص مو طبيعي


وبعدها قررت إني أروح الرحلة وصراحة ما فحالي آخذ أدوية وانا ما أحتاجها مثل كل مرره


عاد روحت المدرسة والطلاب متحمسييين وانا خااايف لأقصى درجة
من ايش ؟؟؟
من قطار الموت


ركبنا الباص وجات مصخرة هناك رقص وغناء وحركات زي كذا


عاد أول ما وصلنا ملاهي الشلال
وتعرفون وش كنت العب طوول الوقت

لعبة السيارات اللي فيها دركسون وبنزين وتقوم تصادم الثانين


وكل طلاب فصلي قعدوا يضحكون علي
وين الشجاعة يابو خلود ويينها
هههههههههههههههههههه

أتمنى ان القصة نالت على إعجابكم
وانتظر مواقفكم

وشكرا لكم
وأعتذر إذا كان في أخطاء إملائية

كررت ^^

يُنقل للأرشيف .