نفسي عزيزه وارفع الراس واعليه ... واطى على ظهر الردى وأتخطاه

اعجبتني هذه القصيده واعجبني اكثر ماتحمله من معاني وحكمه , لذا احببت ان اكتبها لكم واتمنى تشاركوني الاعجاب وتنال استحسانكم ...
وهي للشاعــر :

ضيدان بن محمد الدوســري




بديت بقـاف مرسـلات معانيـه
للصاحب اللي ضيع الدرب وأخطاه

عسى شيطان الأنس مهوب مغوييه
ولاعسى ماغـره أبليـس وغـواه

عجيب يـوم أنـه تنكـر مباديـه
يلعب بزين ألوقت وشينه بينسـاه

كيف انه ارخص من يوده ويغليه
وهـدم جسـر بالمـوده بنينـاه

اما ضـاع وضيـع الله مراوييـه
بسـواد ليـلا مدلهمـا بمـسـراه

ولا بربيع العمر حسـن مساويـه
ماكل غمرا تكسب الطيـب يمنـاه



على الهفوات وردنـه هقاوييـه
وانا مداي بعيد مايلحـق اقصـاه

أقرا لغة العين وأعرف مغازييـه
وأفهم كلام الناس واصلح خطـاه

نفسي عزيزه وأرفع الراس وأعليه
واطى على ظهر الردى وأتخطاه

من باعني بعته ولا نيب شاريـه
ماهمني من غير الوضـع مبـداه

لايحسب اني عائش في رجاويـه
رجآي باللي كون الغيث وأنشـاه



لاشك لاسمعت اناأسمه وطاريـه
يحز فى نفسـي وقتـا قضينـاه

يكودمن غيـه يرجـع لماضيـه
ويعيد مجرى السيل الاول لمجراه

أنا رفيقـي بالمـوده مصافيـه
أفرش له عين وعين له غطـاه

أما يرجع واقول ربـي محييـه
ولا مراح مقيط يوم لحق ورشاه

يلقى من الخلان من هو يسليـه
يمشي على موده وضنه ومنحاه