لـــــيــــش تــــــكــــــلـــــــي احـــــــبــــــــك

ليش تكلي احبك بس بدون احساس
يعني شلون ما افهم صرت قصدك؟


اذا ودك تغيير كلي دون اسرار
لتحبني بكلامك حبني بودك


من يوم السالتك وانه ما مرتاح
ولا عيني غفت من اسمعت ردك


اكضي الليل صافن واحجي اني وياي
ابرر موقفك واتعذر لصدك


تراوالي المحبه تزيد يوم بيوم
ويحسدني اليشوفك يمي ويحسدك


عجيبه شلون تبعد من امرن بيك
وليش تضم عليه عطرك ووردك


جرفك اني يابحر الحزن مشتاك
صار هواي ما مر للجرف مدك


صار هواي ادور بينك انت وبيك
بلكي الكلك بيك وودك يردك


مالومك الك بس اني هم معذور
ما تعرف همومي بهالوكت بعدك


صدكني الوكت وك لعب دوره وياي
والدنيا بغفل من حالي باكتني


زرعتني بجروحك وضوكتني الويل
وتعب فوك التعب وياهة تعبتني


غسلتني بدمع وبليل وبكابوس
ولمن كملت بالنار شرتني


جرحتني وكبر بيه الجرح اضعاف
وبسموم الدهر صدكني داوتني


ومن ملت ولك فلت ضمادي بساع
وبحلك الجرح مجروح خلتني


حبيت الحياة برغم كل الجور
بس دنياي ابد ما يوم حبتني


واذا ودك برد حقك وانه الغلطان
واعذرك لو رحت شو كلهة عافتني


اذا عني رحت مر بيه كلما انام
لان بجفوني صوره وياك رسمتني


اضل كل عمري نايم واكعد الجفنين
اذا طيوفك حلم وبليله مرتني
:
:
اتمنى ان تنال رضاكم



تحياتي للجميع

عشآآآآآن لابسة شبشب >> إيش اللي ههههه

كلمات رائعة بس ياليت تنسق موضوعك ولو تصغر الخط وتحط ألوان يعني يطلع مقبول

بس الموضوع ليش تكلي أحبك ، جزاك الله خير

تسلم اخي على مرورك الجميل

وانشالله موضوعاتي تنال رضاكم

والمواضيع القادمه تكون افضل

واقدم شكري وتقديري لحظرتك

وشكرااا

سلمت يداك على الموضوع رائع

والكلمات الرائعة

واصل تقدمك

بأنتظار جديدك

واصل

مشاء الله

الكلمات صغيرة بس ذات معنى كبير

تسلمون احبائي على ردودكم الجميله

وانشاءلله موضوعاتي القادمه تنال رضاكم

وشـــــــكــــــــرأأأأأأأأ


تحياتي للجميع