// .. شـوف ذااك الطفــل يضحـك فـي بــرااااءه .. يــاا حلييييلــه .. //

مسآءكــم ورد


قصيدهـ للشآعر :


محمّد بن غنّام الشمّري ,’


.


.

شمس همّـي شارقـه /مـن دونهـا غيـم الفـرَح
غيم فرحي راح / و شمسـي كـل صبـح ٍ شارقـه

شق نـور الهـم .. ظـل الغيـم / فينـي و انجـرح
و هـل ّ هتـان الغيـوم / ادمـوع وَسْـم ٍ حارقـه

جرهـد البيْـد الخـدود / و كـل مـا زاد الـتـرَح
تنبـت اورود الحسـايـف/ و الثـوانـي سـارقـه

لو يشح ّ الغيث .. مت ّ / و لا امطرت عمري طـرَح
بذر الطعون اللي ( هِنـا ) وسـط القوافـي غارقـه

اشكرك مـن كـل قلبـي / يـا زمـان ٍ مـا بـرَح
شبـر واحـد فـي سمـاي / إلا مـحـدّر بـارقـه

يالله انـك ترحـم اللـي / كـل مـا كنّـه .. سـرَح
جـاااه " ديّـان الحظـوظ " لكـل بـاب ٍ .. طارقـه

رووووح يالله / يا قصيدي .. دام صدري .. مانشـرَح
ضحك و ألا دمع ْ ...؟ ياخي رووووح / ماهي فاااارقه







يا زمن ْ ..

يا زمن خذ ما بدا لك

دام للفرحه ثمن ْ .. خذ ما تريد و ما صفا لك


رووووح

و الدنيا حلالك ... و اترك الضيقه لِمنْ ؟ .. قال : انا شخص ٍ طــَموح ْ

و غرّته كثر الاماني ْ ... و ما لقى بالوقت روح ْ ..

و راااح يمشي يحسب إن الدرب .. دووح !

ما درى إن الليل .. حالك ْ ... يا حبيبي كيف حالك ..؟

لســّى في بالك طموح ..؟


لو ما انحنيت .. ؟ الوقت والله لو بتقفي ْ ..! ما انحنا لك


شفني امشي للجروح ...!

و اتبع احلامي .. كَمن ْ .. أيقن ْ انـّـه صار هالك ْ ...

و انكسر فيه الجموح ْ ..!



لا متى و حنـّـا نردّد ؟


لا متى و حنـّا نردّد ؟


لا متى .. قل يا زمن !!









يـا زمانـي وقّـف اصبـر لـي معـك وقفـه طويلـه
لـو تكـرّم يـا زمانـي عطنـي مـن وقتـك ثوانـي

يعنـي يـوم انـي قنـوع ٍ غايتـي حـاجـه قليـلـه
تذبـح الحلـم فبـرود و تقبـره وســط المحـانـي ؟

اطرد الياس و تجيبـه ..؟ و ارسـم الحلـم و تزيلـه .؟
و الامـل ويّـا السعـاده .؟ و الهنـا ويّــا الامـانـي

و الفرح و الذكريـات .. اللـي علـى خبـري جميلـه
ياخي خذهـم كـل ابوهـم . و اتـرك الباقـي عشانـي

لا سرقـت احـلام غيـري و لا خذيـت الحـب حيلـه
شف و دقـقّ " فالمَعانـي " ترحـم بحـال " المُعانـي "

الامـل جـاب الالـم و الحلـم حمـل ٍ مــا نشيـلـه
و الهنا اصبح عنـا وش باقـي اخسـر يـا زمانـي ؟

يا زمن و انت الذي شتمـك .. حـرام و مـا ابـي لـه
و الا لنّـي ماقـدر اشتـم صـرت متغطـرس و انانـي

عشت عمري فـي عفـاف و غيـري يلعـب بالرذيلـه
تترك الجانـي طليـق .. و تقلـب المظلـوم .. جانـي

مـا نهيـت النفـس خـوف و لا تــردّد او فشيـلـه
بس عندي قلب ْ ... ياخـي مستعيـف و مـا يدانـي ..

آآه وينـك يالموانـي .. تـااه بحـرك مــع دليـلـه
ضعـت يالقلـب المسالـم .. آآه ويـنـك يالمـوانـي

لا متى و الهـم غيـم ٍ ماطـر ٍ .. لـو مـا استخيلـه
لا متـى و الجـرح بيـر ٍ يجـذب احـبـال السـوانـي

قمت لحظه عن مكاني .. بشتـري صبـر ْ و اجـي لـه
جيـت راجـع مـا لقيـت الا .. العنـا جالـس مكانـي

لا الصبـر ينفـع معـااك و لا الرجـاوي فيـك حيلـه
و ان بغيت ابيـع همّـي . حـن ّ .. همـي و اشترانـي

ليـت هـم القلـب يجلـي لــو تعـزويـت بقبيـلـه
كم شمري ٍ لـو نخيتـه جـاك متفرعـن و " طانـي ْ "

ياااه يا سـرع الضيـاع .. و يـاااه يـا نفـس ٍ ثقيلـه
و يـاااه يـا كبـر البـلا لـو صـد ّ مجـدول العنانـي

رُبّمـا الأيـام ُ مَمّـا حـل ّ يـا قلـبـي ْ كفيـلـه ْ ..
.. انّها تُعطي ْ .. لسوء ِ الحظ ْ مـن حُسـن ِ البيانـي ْ

مــدري ايـامـي بخيـلـه و الا اقــداري بخيـلـه
لا دعيـت الزيـن راح و لا طلبـت الشـيـن جـانـي

اففف يا ليل العنـا . يـا ليـل قلّـي مـن انـت ليلـه
اسـود ٍ وجهـك عليّـه ليتـك ابـيـض ياسمـرانـي

ليتـك ابيـض مـن جريـد ٍ ميّـت بقـاعـة نخيـلـه
و ليتك ألين ْ ,, من رطب ْ مستوطـن اصـدور الغوانـي

علمتـنـي دنيـتـي ان الشـعـر اصــدق وسيـلـه
مثـل مـا للـدمـع بعيـونـي تعابـيـر و معـانـي

و الخيال ان طش ّ و اعلـن للصحـاري عـن هميلـه
تنبـت افكـار القصايـد .. سـدر ٍ اخضـر و احمرانـي

يا غصـون السـدر طلّـي و ارحمـي ذيـك الفسيلـه
اللـي نبّشهـا الحمـام و كاهـل الـبـرد ْ اعتـرانـي

سج ّ بالي بهالحمـام و قمـت اهوجـس مـع هديلـه
قلـت لـو عنـدي جناحـه كيـف ابرضـا بالطمانـي

رفّـي فرعـك للحمامـه .. علّهـا تـرحـل ذليـلـه
و ادن ْ بظلالك عليّـه يـا غصـن .. عـل ّ و عسانـي

انثـر اجروحـي علـى كـف التـراب و اشتكـي لـه
و اساله عن هالجفـاف اللـي غمرنـي و مـا سقانـي

و اسالـه عنـي و عـن طفـل ٍ تلاقـى مـع رحيلـه
الا قبل انسـى علـى طـاري الجفـاف و مـا عطانـي

شوف ذااك الطفل يضحك فـي بـرااءه .. يـاا حليييلـه
وش جـرا بـه يـا زمانـي ووش بـلاه ووش بلانـي

وش بقـا لـه بالحيـاه .. الا كفاحـه مـع عويـلـه
و انتظـاره للجـفـاف الـلـي احـتـواه و احتـوانـي

وشوف ذاك الطفل يدمع .. و ان بكا ..؟ يا ويـل وييلـه
و صااح ذاك الطفل ( ...ما .. ما ..) وانفجر دمع و بكاني

مدري يبغى( .. ماء .. و الا .. أم ..) تحضنه و تشيلـه
قلـت انـا مثلـك بعـد و اللـي خـذا فرحـك خذانـي

مع كل " سنتيمتـر" يطـول بجسـم ٍ اضلاعـه هزيلـه
مات مع " هالصانتـي " حلـم و امـل عمـر و امانـي

حتـى ذييييـك الذكريـات اللـي علـى خبـرك قتيلـه
رااح باحـلا الذكريـات و تـارك اشينـهـا عشـانـي

يـا زمانـي رح .. توكّـل .. و ادري الرحلـه طويلـه
و ادري ان الوقـت يمشـي .. و ادري انـه ماحترانـي

و البَخت لو شح ّ و قـرّر يرتكـي لـي .. برتكـي لـه
و ان حصل لي ألتقي بـه .. جيـت لـه و العلـم ثانـي

خلني اشفـي غليلـي ... و اتركـه يشفـي غليلـه ..
.. يا يزين الحال ..؟ و الا العمر لـو هـو طـال فانـي

...............................................


دمتــــــــــم بألــــــــــف خيــــر