لا ضحكت موضى جبينه شقّ وطال..طال حايل واضحكوا شمر فحوله...عارفٍ نفسي بدوي من الشمال..

يوم مرت عنقها عنق الغزال=جندلتني يافهد بنت الحموله
كنها العفري ليا مر بعجال=من حلاها صابتن يافهيد هوله
صرت انادي عــ القهوتي قم تعال=واشرب القهوه واحسبه كوكا كوله
اتّمخطر والكعب مرتاح بال=لاهي دبّه لا ولا زايد نحوله
بنت أكابر رابيه بعز ودلال=دلّعوها بالصغر ثم صفقوله
علّموها الطيش وارباك الرجال=كم عيون بسبة النهدين حوله
عينها مرايه وآيه بالجمال=كنها نبعٍ مبيت القوم حوله
والشعر فوق المتن يافهيد سال=قبّل اردافه وثم قبّل رجوله
وحاجبه لا فلتُّه عنُّه يقال= انّه سيف الجنازه سيف دوله
والنهود مزبّره مثل الجبال=كنّهن سلمى واجا يالبّى زوله
لا ضحكت موضى جبينه شقّ وطال=طال حايل واضحكوا شمر فحوله
عارفٍ نفسي بدوي من الشمال=والعقال أرضيه واسعى في ميوله
مايل ومن شافها بالحيل مال=قلت صارت ميلتك ياعقال سوله
قال لا والله لا يا ابن الحلال=مير لك طاقيةٍ كنه عذوله
غارت من البنت قالت ياعقال=رح معه خل تنفعه بنتٍ خجوله
وانا ودي بها ومن شفاةٍ زلال=من يعاف الزين قاله وبسهوله
قلت لا ياشيخ وش هذا الهبال=عارفٍ لو مره اخرى بس تقوله
والله الا تقضب الباب بعجال=وتلحقك طاقية خبله مهبوله
الا هذي لا ولا الا محال=ابك هذي درةٍ صعبٍ تنوله
لو يخيروني بها او الزوال= خل يزول الكون بس يبقالي زوله
يافهد هي جندلتني أو يقال=ماعليك الا اذبحتني من الطفوله
وكان عينه هي ذات الإغتيال=بسري يم الموت واقدامي عجوله
وقبل أشد لمقبرة حبه رحال=الوصيه بكتبه وأركب خيوله
لا تصالح يافؤادي لا محال=بل أريد قلبي حياً من خجوله

سلطاان الشمري