قسم الأدب العربي و العالمي هو للمنقول من الشعر والنثر، والقصص والروايات مع الالتزام بشروط النقل الموضحة بموضوع القوانين |
#1
|
||||
|
||||
![]() المناسبه: هذه القصيده اهداء للمقدم / محمد بن علي السديري (القحطاني) والذي كان له الفضل بعد الله في السعي لحل مسأله معقده جدا حيث قدم اجازه للتفرغ لهذه المسأله وفعلا استطاع حلها في آخر ثانيه من الوقت الضائع . ويستحق الثناء من قدم المعروف . آمل ان تنال استحسانكم ,,,,,, يالله طلبتك والي العـرش والبيـت=يامحيي العـود الهشيـم الوبالـي انت الذي اضحكت وانت اللي ابكيت=يالله طلبتـك ياعزيـز الجـلالـي تفزع لفـزاعٍ فـزع يـوم ناديـت=لبَى الندا شبـل الكـرم والمعالـي يوم انها ضاقـت علـي وتوذيـت=وصارت بعيني كبر خرم الخلالـي واسودت الدنيـا بعينـي وصديـت=خوفٍ من العـذال تشعـر بحالـي وقمت اتحرى عن ربوعي ونقيـت=حرٍ مقره في سما المجـد عالـي نصيت من فيه المراجـل توخيـت=اللي على الفزعات مثل الهلالـي* لقيت ابوفيصـل علـى ماتمنيـت=مثل القمر فـي مظلمـات الليالـي شرحت له هـمٍ عنالـي وعديـت=من بعد ماقـال ابشـر ولاتبالـي واقسم بربه لفزع بكـل ماوتيـت=والله ماذخر عنـك حالـي ومالـي ويوم استبد الياس فينـي ومليـت=والوقت داهمني وضـاق المجالـي حتى الآمل اصبح طريحٍ تقل ميـت=والياس عدى فوق روس الجبالـي رن المسره وسط جيبـي ورديـت=وسمعت صوتٍ للسديـري يلالـي قال احمد الله كل ماصبحت وامسيت=تسهلـت قبـل انقطـاع الحبالـي لاتحسب انـي يالعريفـي تخليـت=نخيت لجلك أخوتـي مـع خوالـي والعذر واضح كانني عنك ابطيـت=بطى مسيل السيل كبـر المسالـي كفيت ياولـد السديـري ووفيـت=وفيت في قولك بصـدق الفعالـي عـزالله انـك هقوتـي لتهقويـت=ماخيب الهقـوات ذيـب المفالـي ادعي لك الله كل ماقبلـت واقفيـت=عسـاه يغفـر ذنبـك اول وتالـي وعساه يجبـر عثرتـك لتعثريـت=ويحميك من شر الحسود الموالـي وعسى السعد لك دايمٍ وين لديـت=عسى ضميرك من غثا الوقت خالي تلقى الفرج بالدرب من وين لقيـت=شرقٍ وغربٍ مع جنوب وشمالـي *ابوزيد الهلالي احمد بن عبدالرحمن العريفي
(نديم المجره) |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
همتكم يا أهل العزم و الكرم | العاشق 2005 | أرشيف قسم البرامج | 0 | 09-27-2009 03:10 AM |
الى الاخوة الكرم ممكن الدخول | العاشق 2005 | أرشيف قسم البرامج | 0 | 12-26-2008 02:00 AM |
مساعده من اخونى الكرم | العاشق 2005 | أرشيف قسم البرامج | 0 | 11-16-2008 11:11 AM |
مساعد من أهل الكرم | العاشق 2005 | أرشيف قسم الألعاب الإلكترونية | 0 | 10-16-2008 10:01 PM |
الكرم - منتديات العاشق | العاشق 2005 | قسم الأرشيف والمواضيع المحذوفة | 0 | 09-25-2008 07:30 PM |