• أجنح‘ــۃُ محـٺرقـۃ ٺح‘ـلق في السـماء السۋداء •

السلام عليكم

كيف الحال ان شاء الله بخير ><"

عقب ما شفت شلتي الفاسدة كلهم ينزلون مدونات ومابقى غيري << ~ حبوبين والله

قررت انزل المدونة قبل ساعتين يمكن وها أنا الحين نزلتها, الاسم من أختيار حبيبي كودو

طبعاً هي كانت السماء الزرقاء بس اقتباساً لأسمي سميتها السوداء حلو صح

لا ينط علي سعدد ويقول لي اسمك غبي، قال لي خل اسم مدونتك

كوبٌ من الشاي وقطعة من البسكويت << ~ لا تعليق

المهم بتصير ذي المدونة ضحك ان شاء الله وقصص وذكريات

بيصير كل شيء من لساني بإذن الله غير النكت طبعاً =)


معلومات عامة عني

الاسسم : عبدالرحمن << ~ بالحركات علشان محد يغلط

سساكن : السسعودية - الرياض ..

العمر : 15 قريباً بدخل بـ 17 بإذن الله كيف مدري لا قصدي 16

والله اني كاتب 17 وبنزل الموضوع مو كاتبها استظراف

بس الحمد الله شفتها

هواياتي .. أحب الكمبيوتر عموماً .. التصميم .. الترجمة ..

ذي الهوايات الي تحتاجون تعرفونها الباقي مو ضروري

يالله أجل اصير اليوم خلصت من التعريف عن نفسي بكررة ابدأ الجد

تصبحون على خير

بإأك

كيف الحال ان شاء الله بخير ؟!
اليوم بعرفكم على مجموعتي الي اسولف معهم 24 باليوم
لازم يومياً محادثة جماعية نسولف، وبعض الاحيان مفتوحة ولا نسولف
بعض الاحيان ابي انوم الساعة 12 يقولون اجلس اشوي ولا انوم الى الساعة 3
ذيك المرة ورطوني مع الوالد، بس لازم اسوف معهم يومياً صاوروا كأنهم اخواني
يالله بعرفكم على ذي الشلة الفاسدة
بحطهم على حسب من عرفته أول

1 - A.C.E

2 - K u d σ

4 - SeEvEn up

5-Assa550ssino

5-ASSASSIN-BEE

طبعا كل واحد له شخصية منفردة وموهبة مستقلة
قلت لهم اكتبوا نفسكم خل انرلها يشوفونها الناس
واحد كتبب ما اقدر اتكلم عن نفسسي واحد كتب عن نفسه
بس قال لا تنزلها كان يستهبل < ~ تعليقه كان قوي عن نفسه
وواحد قال لي او اكتب عن نفسي ماراح يكون هناك نهاية < ~ اذا جيت تكتب عن نفسك بيصر الكلام نقاط بس ......

بنزل بعد اشوي رد فيه كل صورهم

تخيلوا معي انه عمره 16 شاك والله
اقول انه بـ 20 او 21 بس وش نسوي شهادة الميلاد تقول شيء ثاني
اهم شيء القلب الي بالصورة تدل على قلبه الحنون
بهذا الجسد القاسي

[/CENTER]

مشرفنا الغالي مون < ~ لا يجي واحد يقول لي كودو انا اعترف فقط بـ مون
والله شكله حلو لو تشوفون الصورة الاصلية بس هو يقول لا

الباقين جاري الاقناع بـ تنزيل الصور وقريبا صورتي بتنزل تهريب

السلام عليكم

داخل المدرسة ببرائتي المعتاده والنوم ذابحني كالعاده
وادخل وازين الاذاعة مع انه قلق تزيينها بس دراجات المشاركة لـ اللغه العربية كلها 10

المهم ، رحت القط كم طالب سوري لأنهم دايماً مصحصحين وعيونهم كذا

ويجونك متحمسين مع كم كذبه ان الاستاذ فلاني نصح ان تطلع بالاذاعة

فتشوفونهم يقدمون اذاعة كذا ، يوم ضبطت الوضع وخليتهم ينزلون

جاني استاذ يحضن فيني ويقول مشاء الله عليك يا عبدالرحمن ويمدح فيني صرت كذا

قلت : ليه وش سويت ؟! تتوقعون وش ؟

محد جاب بالاختبار النهائي 30 غيري الاختبار صعب + المادة صعبه

ثمن دخلت فصلي واشوف كل الطلاب يشوفون شهادتي

قلت انا الحين ما شفتها تشوفونها قبلي يا كلابـه

انقهرت بذي اللحظة وشفت كل شهادتهم تعويض عن الي صار

طبعا مرت الحصة الاولى وكان الاستاذ بـ دوره

وانحشت من الفصل كم حصه كل مادخل استاذ قال مافي شيء اليوم

وجت الفسحة طبعاً احنى ما نطلع برى المدرسة

داخل المدرسة في ساحة كبييرة ومكيفات وبرد بس ناقص موكا

وادخل الصاله الرياضية والقى الباب الي يودي برى مفتوح وجتني فكرة جهنميه

رحت ناديت 6 من اخويائي ورحت سرقت كوره وفرقنا ولعبنى

طبعا ولله الحمد الي شافنا المرشد وهو طيب وعلى نياته

وهذه قصتي لليوم الأول من الفصل الدراسي الجديد

السلام عليكم ..
عندي لكم سالفة اشوي طويلة
في موضوع حق الاعترافات كتب سعدد

a.c.e

أعترف، أني لا أُطيق أناسًا كثيرين في المُنتدى، لكني أحادثُهم من باب المُجاملة >.<

ردت عليه وحده :

sŏs

^
من باب النفاق*

رديت عليها أنا :

السلام عليكم =)
اختي لماذا اتهمتيه بـ النفاق بهذه السرررعة
هل تدرين وش هذا الشيء الذي اتهمتيه فيه ؟!

( جميع أعمالهم باطلة، وهم في الدرك الأسفل من النار )

2- وقال الله تعالى: {وَعَدَ اللَّهُ الْمُنَافِقِينَ وَالْمُنَافِقَاتِ وَالْكُفَّارَ نَارَ جَهَنَّمَ خَالِدِينَ فِيهَا هِيَ حَسْبُهُمْ وَلَعَنَهُمُ اللَّهُ وَلَهُمْ عَذَابٌ مُقِيمٌ [68]} [التوبة: 68].

هل تتوقعين هذا شيء بسيط
اختي اذا حادثك شخص ما وانت لا تحبيه ولا تطيقينه ! ماذا تفعيل ؟
هل تقول انا ما اطيقك وخر !! او تتجاهلينه ؟ هل هذا من الأدب =)
فيجب عليك بهذه الحالة المجاملة فأنتي مجبره عليها
طبعاً بالتأكيد الطرف الآخر بيعرف انك تجاملينه،من طريقة كلامك معه لأنه تختلف عن الآخرين
لأنه مهما حاولت طريقة كلامك ونبرة صوتك، تختلف عن طريقة تحدثك مع الآخرين =)
طبعا تصير منافق اذا كنت تحادثه كثيراً ولم تحاول فعل خطوات لكي يبتعد عنك =)
فهذه الحاله انت منافق لأنك لديك الفرصة لكي تبتعد عنه ويتوقف عن الحديث معك
ولاكنك واصلت الحديث معه لدرجه التقارب بينكم ولم تستغل هذه الفرص
وكنت تستغله كذلك فحينها لا يحتاج جدال على الموضوع
هذا الشخص منافق !!
وكما ذكرت سابقاً أنت مجبر على مجاملة الشخص
فتكلمه بموجز الكلام لكي لا تذهب بـ دوامة النفاق =)
اعتذر لك اختي اذا كانت طريقة كلامي قاسية، وكل ما كتبته كتبته من ما تعلمته عن النفاق

والسلام عليكم ورحمة الله =)

وش رآيكم بالموضوع مين المخطأ ومين الصح ؟!
انتظر ردودكم بالتقييم =)

يالله بسوي تسجيل خروج لليوم، كان ودي انزل قـصه بس مزاجي خرب ><"
احد البشر قلت له ان الرد الاول لـ موضوعه لي وقال خلاص فجتني الوالده قالت يالله العشاء
قلت لا شكراً عندي شيء مهم اسويـه وانتظرته وآخر شيء يعطيني الرابط واشوفه
صار أربعة حاجزين قبلي
والحين ما أقدر اسوي لي أكل لأن العشاء خلص وانظمة البيت
ترفض ان اسوي لي شيء علشان المواعين
وكنت كاتب رد ومجهزه قبل ما ينزل الموضوع < ~ كنت متحمس
يمكن البعض منكم يقول ليه تعصب كله رد ترى =)
بس هذا الشخص اعزه بصراحه
بس يالله راح علي كل شيء العشاء والرد الأول

مع السلامة =)

قريبًا سيتغير اللون

كيف الحال ؟!

من الحين الي مو سعودي يوقف القرايـة << ~ بتعرفون ليه اذا كملتوا القراية < ~ كلام مناقض لنفسه
المهم امس كانت مباراة قوية بين النصر والهلال نتيجة محد توقعها
فااز النصر شيء محد توقعه ههههههههههههه
1-0
يعني احد توقع ذي النتيجة مستحيل، بس الي ارحمه صدق ولد خالتي
كل ماراح يشجع الهلال بالملعب يخسر الهلال ههههههه
امس نستهبل عليه وهو معصب مايرد يعني معقوله كل مارح المباراة يخسر الهلال
قاعد استهبل عليه :
لو كنت ادري ان حظك نحس خليتك تروح تشجع برشلونة في الملعب
يصير فوز ريال مدريد 100٪ << ~ أمس كانت مباراة ريال مدري x برشلونة
فكانت ليلة حلوه نستهبل عليه
خل نرجع لـ مباراة الهلال والنصر يوم وصلت الدقايق 75 رحت اتعشا
وحاطين المطعم التلفزيون على المباراة وقدامي اثنين
يلعنون ويسبون من بداية ما جلست < < ~ مشجعين الهلال
يوم انتهت المباراة تفاجئت من طريقة كلامهم ههههههه
مسوين فيها انها عادي يقولون : يابوي كأنهم خذوا البطولة
كان في مشجعين بعد نهاية المباراة بـ 10 دقايق يرقصون
بغيت اقول لهم توكم تلعنون في اللعيبة ومعصبين ثمن الحين مسوين فيها رايقين
تلعبون على نفسكم ؟!
بس مسكت نفسي علشان ما انطق

هنإأ

وش رآيكم أصير مع مين ؟!