غِيَاب

غياب ..
ولا نطرق لي .. باب
أرد الضيق .. بأنفاسي
قلق ..
وتهينني .. الأسباب


حلمت .. وكنت أنا صاحي
ويطردني الكلام
وقمت ..
كأن الغيم ما يمطر
كأن الزرع .. ما يثمر
وكرهتك يالصباح ..
ونمت ..


غياب ..
ولا أنطرق لي .. باب

عسى ما خابت .. ظنونك
غديت تعيشني
دونك !!
عسى ما صرت .. من ذكرى قبل ناسٍ
يحبونك


..
..
..


عسى !!


..
..
..


ما رحت عن بالك
تذكر يومك .. لحالك
أزف الصمت .. لك ألحان
ألوّنك السهر .. بألوان
أزعلني لجل ترضى .. عليك
وأصبح الزعلان
إلين الجو يصفى لك ..
عسى ما رحت عن بالك


تذكّر ..

يوم أقول إسمك ..
تغار ..
وتستبيح إسمي ..

تذكّر يومنا نمشي ؟
وأقول إنك غديت .. أبعد
وفجأه .. تاخذك
يمّي
تجيني ..
تسكن بعيني ..
وأنظف عيني بدمعي ..
وأمسّحها لك بكمي ..
أثاثك .. غرفتك .. بيتك
وتشرب من نهر .. دمي
وتحرس ليلك ..
الأهداب !!


غياب ولا أنطرق لي .. باب


بقلم / فلة حجاج !