لاتكولون زهكتو من الابوذيات

يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد اليه


بيدي بكيفي اطشرنك ولمك
ولاابوك العلي يلحك ولمك
اذن حقي انه اعتب ولومك
عليك اعتب لانك خنت بيه



عليك المات والحي سائل انه
صلب لاكن لربعي سائل انه
وكفت اباب بيتك سائل انه
وذا ماتجي هم اسئل عليه


صديقى وظل غدر ينبظ وريدة
ويصاحب صوج كلبي من ورا ايدة
غدرني الجنت احبنا واريد
ووفالي الجنت اظنه يخون بية

**** **** **** ****

على كبري ردت تذكار خطك
لان احلى من العسل يهواي خطك
ذبحنى شما ادك مشغول خطك
صفى بس المسج ساتر علية


بغرامك تيهت اصلي وجدي
لان ماتعرف مزاحي وجدي
اباب اهلك لريد اكعد واجدي
بلكت ينكسر كلبك عليه

**** **** **** **** ****

الفرح ماضن اجه للروح بسط
وعلى ظهري تدك دنياي بسط
الوكت بعضاي يم عداي بسط
وحاجه بربع ضل يبيع بيه


قسيت اوياك يسمر عمي أنا
وعين الماتشوفك عمي أنا
إذا خالك فزع لك عمي أنا
تبرى أوضحك الوادم عليه


الكلب حبك وغيرك ابد مختار
ولدروبك يغالي صبح مختار
بحبك تاه مخه وصار مختار

وحق الماوصل واحد مكانة
تدري شكد الك عندي مكانة
شلت كلبي وصرت انتة بمكانة
ونبض البيك هو نفسة بية

*************************

لاتكولون زهكتو من الابوذيات

الابووذياات رووعه
بس هاي اكثر وحده عجبتني بيهن

وحق الماوصل واحد مكانة
تدري شكد الك عندي مكانة
شلت كلبي وصرت انتة بمكانة
ونبض البيك هو نفسة بية

تحياااتي لكِ

شكرا الك
نورت

شكراااااااااااااااا لمرورك اسير
وعلى ذوقك الرائع في اختيار الابوذية
تحياتي لك